Urang Ameng Sewang

Urang Ameng Sewang atau Urang Sekak (Sakai atau Mapur), iolah salah satu suku nan mandiami parairan lawik pulau Bangka, nan maso dulu masuak ka wilayah Sumatera salatan, tapi kini alah manjadi wilayah tasandiri yaitu Provinsi Kapulauan Bangka Belitung. Manuruik sumber kapustakaan lamo urang suku Ameng Sewang marupokan panghuni lamo lawik jo parairan sakitar pulau Bangka jo pu;au Belitung. Dahulu sijarahnyo pado taun 1668 kapa Balando masuak ka wilayah parairan pulau Bangka dan mandapek serangan dari urang suku Ameng Sewang ko.

Suku Ameng Sewang Sekak, Sakai, Mapur
Jumlah populasi
2009: kurang lebih 500 Jiwa tabagi dalam 150 KK
Kawasan bapopulasi cukuik banyak
Indonesia: Kapulauan Bangka Belitung: Parairan Balitung (Nomaden), Paal I Kacamatan Tanjung Karang Pamukiman Tatap
Bahaso
bahasa Sekak (Sakai), Tamasuak dalam Rumpun Malayu, Namun babeda Dialek.
Agamo
Mayoritas Islam dan Shamanisme.
Kalompok etnik takaik
Suku Malayi, Dari Johor jo Riau.

Jadi urang suku Ameng Sewang pernah mampartahankan Pulau Belitung nan panuah jo potensi timah dari jajahan kolonialisme Balando pado maso lalu. Hal iko manjadi partando kalau urang suku Ameng Sewang pernah mampunyoi kakuatan nan cukuik gadang di maso lalu. Kamudian pado taun 1950 jumlah masyarakaik urang Ameng Sewang mulai manurun, karano saleksi alam diantaro tantangan kahidupan lawik nan kareh sadangkan urang suku Ameng Sewang nan notabene nyo tingga dan mahabisan hiduiknyo di lawik jo kapa-kapa bapondoknyo indak mampunyoi cukuik pangatahuan untuak malewati tantangan itu.

Pada taun 1980 did ampek kacamatan koto Tanjuang Pandan, Nambalong, Manggar, dan Gantung, dipakirokan jumlah urang sabanyak 500 jiwa, nan takumpua dalam 150 Kapalo Kaluargo. Badasarkan panjalehan di ateh urang mangkhawatirkan kalau suku iko akan tarancam punah.

Budaya maso kini

Kini anggota massyarakaik iko indaklah sabagai masyarakaik manatap, tapi masih iduik ateh sampan nan biasonyo ado juo di sampan nan tabuek dari buluah atau disabuik juo rakit dan bapindah dari ciek tampek ka tampek lain, kamudian dari pulau ka pulau ketek nan lainnyo pulo. Pulau Balitung iko mampunyoi sakitar 120 pulau tamasuakk pulau-pulau ketek nan taruih manjadi tampek papindahan suku iko taruih manaruih sapanjang kahidupan masyarakai Ameng Sewang dan alun ado indormasi nan mangatokan kalau urang ko pernah kalua dari kapulauan Bangka Jo Belitung.

Papindahan urang suku Ameng Sewang iko badasarkan musim mangangkok lawuak atau musim nan tajadi di lawik atau di ciek pulau. Bilo indak musim manangkok lawuak urang ko baka manatap di pinggia pantai untuak samantaro. Di pinggia pantai urang suku Ameng Sewang baka manatap di pondok-pondok di ateh sampan inyo untuak samantaro manjalang musim lawuak tibo.

Urang suku Ameng Sewang nan di kenal urang sabagai "suku terasing" tapi pado maso kini alah mangenal jo mangonsumsi minuman-minuman kareh sarupo bir, ciu, jo minuman-minuman kareh lainnyo. Hal iko dikarenakan memang karano pangaruah zaman jo padagangan nan suku Ameng Sewang karajoan untuak mandapekkan minuman kareh, tapi pado kanyataannyo di maso lalu urang suku iko juo alah tabiaso mangkonsumsi tuak nan tabuek dari batang Nira. Jadi, urang suku Ameng Sewang mandapekkan miras dari panjualan hasil tangkapan lawuaknyo kamudian di balian atau di tuka jo Miras.

Kamudian salain mangkonsumsi miras urang suku Ameng Sewang ko juo tabiaso jo marokok, nan mano kabiasaan marokok iko alah di lakukan dari umua urang nan relatif mudo sampai tuo.

Mato pancaharian

Sasuai nan dijalehan di ateh, urang suku Ameng Sewang iko mato pancarian urang iko iolah manangkok lawuak sarato mancari hasil lawik lainnyo. Walaupun baprofesi sabagai panangkok lawuak urang ko masih manggunokan alat tanggok lawuaknyo nan tradisional jo sadarhana sarupo tombak jo panciang dan indak marusak ekosistem lawik.

Pamukiman tabaru

Samanjak taun 1954 manuruik panaliti Imansyah Asin dalam Suara Karya urang suku Ameng Sewang indak bisa di katokan sabagai suku nan tarasiang lai, sabab urang iko alah mambuek sabuah pamukiman nan basifat manatap. Pamukiman iko manuruik sumber barado di Paal I tapeknyo di kacamatan Tanjuang Karang, nan dibari namo kampuang lawaik. Sasudah urang iko mambuek pamukiman, urang suku Ameng Sewang pun alah mulai babarua jo suku banso lain dan indak hanyo babarua tapi juo banyak tajadi panikahan jo urang dari lua suku Ameng Sewang.

Salain alah mambuek pamukinan urang ko juo alah mulai banyak nan basakolah, kamudian ado juo nan alah bakarajo kalua dari pamukiman suku sarupo manjadi pagawai negeri, karyawan tambang timah, jo karajo swasta lainnyo.

Agamo

Samanjak tabukaknyo budaya jo pakambangan suku Ameng Sewang, tamasuak dalam urusan agamo urang suku iko pun alah banyak mamaluak agamo Islam dari nan samulonyo rato-rato indak barugamo dan ado nan mamaluak agamo Animisme sarato Shamanisme dimaso lalu.

Sijarah

Urang suku Ameng Sewang (panggilan dari orang Belitung) sabananyo mampunyo banyak namo panggilan sarupo Urang Sekak, Sakai, Mapur nan mano namo-namo iko manggambarkan tampek tingga jo kahidupannyo di lawik. Urang iko banso dulu wakatu kolonialisme balando manuruik sijarah juo ado sabagian ketek urangnyo nan di sabuik manamokan diri sabagai "Manih bajau" nan dapek diaratikan sabagai Turunan Bajak Lawik, hal iko parnah di sabuikkan dalam tulisan Ian Sanchin (dalam Fithrorozi, Suku Laut, Pesisir, dan Budaya maritim, Kolom, Warta Praja, Edisi 09/Th IV/September 2009) nan mano manuruiknyo pado taun 1838 urang Balando parnah malakukan pambasmian gadang-gadangan untuak perompak lawik di parairan Belitung nan di pimpin samo JJ. Roy.

Hal iko manyebabkan peran urang lawik nan di sagani di parairan Belitung manjadi ketek, dan sairiang masuaknyo parusahaan tambang timah di Kapulauan Bangka Belitung urang lawik nan samulonyo banyak hiduik di parairan balitung akhirnyo banyak nan bamukim jo mancari kahidupan bakarajo di tambang timah.

Kamudian asal-usua urang ko juo banyak variasi, yoitu:

1. Barasa dari daerah Samananjuang Tanah Malayu, Johor Malaysia (badasarkan carito turun-tamurun dari urang suku iko jo masyarakaik Belitung).
2. Barasa dari Filipina Salatan, pandapek iko badasarkan panalitian tadahulu nan mangatokan niniak monan urang Ameng Sewang dari daerah Luzon Filipina Salatan nan bamigrasi ka kapulauan Riau hinggo sampai ka Belitung (Salim Y.A.H.).

Dari apo nan tacatat di dalam sijarah dari babarapo literatur nan barasa dari panulis balando mangenai para Suku Sekah di Belitung nampaknyo memang batema Nerlandosentris dengan pihak kolonial nan dianggap sabagai pambaok paradaban dan panegak hukum sarato para Lanun digambarkan sabagai perompak dengan katerlibatannyo dalam kasus pambajakan sarato perampokan disaratoi pambunuahan jo mambuek kakacauan di babagai daerah.

Hinggo akhianyo Kolonial Balandao pun manjadi kakuatan nan dominan dengan malalui sistem kapitalis nan diwakili dengan tambang timahnyo. Namun pado taun-taun sabelum taun 1936, Balando dengan tambang timahnyo masih banyak mampakarajokan buruh-buruh kasa dari Tiongkok. Hinggo pado taun 1936 nan marupakan masa akhir pamerintahan HindiaBelanda di Nusantara urang-urang Sawang mulai direkrut untuak dipakarajoan di parusahan tambang Timah Balando nan alah banamo NV GMB atau NV Gemeenschapelyke Mynbouw Maatschappy Billiton. Badan urang Sawang nan tinggi jo tegap sabagai patimbangan mampakarajoan mereka di partambangan timah. Salain itu, urang Sawang relatif indak manuntuiuk banyak dalam hal panggajian. Urang Sawang juo dinilai sabagai pakarajo nan patuah jo mampu bakarajo kareh dari pagi sampai sore. Pado wakatu itu hanyo sabagian dari komunitas urang Sawang nan dipakarajoan di parusahaan timah, sabagian nan lain masih hidup di ateh sampan baratok jo bamato pancaharian sabagai palawik nomaden. Urang Sawang nan bakarajo di parusahaan tambang timah pun pado wakatu itu alun sapenuhnyo lapeh dari pola kahidupan di ateh lawik karano pado hari libur sarupo hari Minggu urang tu masih pai malawik mancari lawuak. Manuruik kek Daud (78 Tahun) (dalam Purwana, 2015, hlm. 186) kalau sacara palahan urang-urang Sawang nan masih hiduik di ateh sampan manjadi tatariak bakarajo di parusahaan patambangan timah. Katatarikan mereka sasudah mandanga carito saudaranyo nan sacaro rutin manarimo gaji jo jatah panuah kabutuhan hiduik sahari-hari sarupo satiok pakarajo laki-laki mandapek bareh 18 kg, istrinyo 10 kg bareh dan anak-anak masiang-masiang mandapek 10 kg bareh satiok bulan.