Unix atau UNIX adolah sabuah sistem operasi komputer nan diawali dari project Multics (Multiplexed Information and Computing Service) pado tahun 1965 nan dikarajoan American Telephone and Telegraph (AT&T), General Electric (GE), jo Institut Teknologi Massachusetts (MIT), dek biaya dari Departemen Pertahanan Amerika (Departement of Defence Advenced Research Project, DARPA atau ARPA). UNIX didesain sabagai Sistem operasi nan portabel, multi-tasking dan multi-user. Pangembangannyo dimulai dari tahun 1970-an di Bell Labs dek Ken Thompson, Dennis Ritchie, jo lainnyo.[1]

Awalnyo ditujukan untuak dipakai dek internal Bell System, AT&T kamudian malisensikan Unix ka pihak lua pado tahun 1970-an, nan menyebabkan muncua banyak variasi Unix nan dibuek dek akademisi maupun parusahaan komersial sarupo nan dibuek dek Universitas California, Berkeley (BSD), Microsoft (Xenix), IBM (IBM AIX), jo Sun Microsystems (Solaris). Di awal tahun 1990-an, AT&T manjua Unix kapado Novell, nan kamudian manjua bisnis Unix-nyo kepado Santa Cruz Operation (SCO) pado tahun 1995.[2] Merek dagang UNIX ditaruihan kapada konsorsium industri netral banamo The Open Group, nan mangizinkan panggunoan merek UNIX kapada sistem operasi nan mamanuhi spesifikasi banamo Single UNIX Specification (SUS).

PandahuluanSuntiang

Sistem operasi Unix digunoan sacaro lueh baik sabagai server atau workstation. Arsitektur Unix jo model client/server marupokan elemen nan paliang pentiang dalam pakambangan internet jo mangubah proses komputasi sacaro tapusat dalam jaringan daripado proses tungga di komputer. Linux marupokan sistem operasi nan diadopsi dari Unix jo tasadio sacaro bebas jo mandapek popularitas sabagai alternatif dari sistem operasi proprietary sarupo Microsoft Windows

Jinih-jinih UNIXSuntiang

UNIX adolah sabuah sistem operasi nan dikambangkan dek banyak pihak. Satiok pihak nan mangembangkan UNIX, manambahan teknologi miliknyo ka dalam UNIX, nan meskipun hal itu di lua standa, mampu manjadikan sistem operasi UNIX labiah kuek atau labiah andal. Tabel barikuik manyabuikan babarapo jinih-jinih UNIX.

Prinsip Pemrograman UNIXSuntiang

UNIX punyo suatu budaya pemrograman nan menarik. Salah satunyo adolah nan sarupo dikatoan dek Douglas McIlroy :

Buatlah program yang hanya melakukan satu tujuan tetapi benar-benar melakukannya dengan baik. Buatlah program-program yang saling bekerja sama. Buatlah program dengan antarmuka teks, karena teks adalah antarmuka yang universal.

Caliak puloSuntiang

  • Windows
  • Linux

RujuakanSuntiang

  1. Ritchie, D.M.; Thompson, K. (July 1978). "The UNIX Time-Sharing System". Bell System Tech. J. (USA: American Tel. & Tel.) 57 (6): 1905–1929. doi:10.1002/j.1538-7305.1978.tb02136.x. https://archive.org/details/bstj57-6-1905. Diakses pado 9 Desember 2012. 
  2. "Novell Completes Sale of UnixWare Business to The Santa Cruz Operation | Micro Focus". www.novell.com. Diarsipkan dari versi asli tanggal 20 Desember 2015. Diakses tanggal 20 Desember 2015. 

Rujuakan BukuSuntiang