Ugamo Mesir Kuno

Ugamo Mesir Kuno adolah bantuak kapacayaan jo ritual politeisme nan kompleks yang malakek pado masyarakaik Mesir Kuno. Ugamo iko bapusek pado interaksi urang-urang Mesir jo dewa-dewi yang mereka yakini muncua jo mangandalikan kakuatan alam. Ritual-ritual sarupo doa jo pambarian persembahan marupokan upayo agar mandapek patolongan dari para dewa. Praktiak kaugamaan formal tatumpu pado firaun, sang panguaso Mesir yang dipacayo mampunyoi kakuatan suci karano kadudukannyo. Para firaun baperan sabagai parantaro rakyatnyo jo para dewa sarato bakawajiban untuak manjunjuang inyo malalui ritual-ritual jo pasambahan supayo kasaimbangan di alam samesta tetap tajago. Negeri tersebut juo mandedikasikan sumber daya yang sangaik gadang tarutamo untuak kagiatan-kagiatan ritual jo pambangunan kuil-kuil.

Bagian dari Kitab Kamatian oleh juru tulih Hunefer, yang manggambarkan Panimbangan Jantuang.

Teologi

Kapacayaan jo ritual yang sekarang disabuik sabagai "Ugamo Mesir Kuno" adolah bagian dak tapisahkan dalam satiok aspek kabudayaan Mesir. Bahaso mereka indak mampunyoi ciek pun istilah yang sapadan jo konsep ugamo Eropa moderen. Ugamo Mesir Kuno indaklah tradisi monolitik, tatapi tadiri dari sarangkaian kayakinan jo praktik yang lueh jo baragam, tagantuang jo fokus basamo mereka pado interaksi dunia manusia jo dunia dewa. Karakteristik para dewa yang mauni alam suci malakek pado pamahaman urang-urang Mesir manyangkuik sipaik-sipaik dunia tampek inyo tingga.

Dewa-Dewi

Dewa Osiris, Anubis, dan Horus, dari kida ka suok.

Bangso Mesir Kuno mayakini kakuatan para dewa di sadoalah garak jo prinsip-prinsip alam. Mereka pacayo bahwa para dewa indak hanyo mangandalikan fenomena alam, tatapi juo ado dalam unsua-unsua alam itu sendiri. Kakuatan luhua iko tamasuak elemen-elemen, karakteristik hewan, atau kakuatan-kakuatan abstrak. Mereka pacayo pado panteon dewa-dewa yang baperan sarato dalam sadoalah aspek alam samesta jo komunitas manusia. Praktik-praktik religius yang mereka lakukan marupokan upayo untuak manjago jo mananangkan fenomena-fenomena tasabuik jo mangubahnyo demi kapentingan manusia. Sistem politeistik iko sangaik kompleks karano dewa-dewa diyakini muncua dalam manifestasi yang babeda-beda, jo babarapo di antaronyo mampunyoi peran mitologis. Baragam kakuatan alam sarupo matohari, dikaikkan pado banyak dewa. Panteon yang baragam mulai dari dewa dengan peran yang vital di alam semesta hinggo dewa-dewa ketek atau "demon" dengan peran yang sangaik tabateh atau talokalkan. Iko juo tamasuak dewa-dewa yang diadopsi dari kabudayaan asiang, dan adokalanyo dari manusia: firaun yang alah maningga dianggap suci, dan takadang jelata yang dihormati sarupo Imhotep juo didewakan.

Penggambaran para dewa dalam karya seni bangso Mesir bukanlah dimaksudkan sabagai representasi harfiah mengenai bantuak rupo para dewa saandainyo mereka dapek diliek, karano sipaik sajati para dewa diyakini banyak rahasio. Sabaliaknyo, panggambaran iko maagiah bantuak supayo dewa-dewa yang abstrak dapek dikenali dengan mambandingkannyo jo simbol-simbol alam yang manunjuakkan perannyo. Misalnyo, dewa kamatian Anubis digambarkan sabagai jakal, makhluk jo kabiasaan mangaih yang dianggap dapek marusak kalestarian jenazah. Kulik itamnyo mayimbolkan warna dagiang yang dimumikan jo tanah hitam subua yang dianggap urang-urang Mesir sabagai lambang kabangkitan. Ikonografi iko indak baku dan dapek barubah-ubah, karano babarapo dewa dapek digambarkan dalam babagai bantuak.

Banyak dewa-dewa yang dikaikkan jo sasuatu wilayah tatantu di Mesir, dan pamujaan tahadok mereka di wilayah itu paliang diutamokan. Namun, asosiasi iko barubah sairing wakatu, dan bukan bararti dewa yang teakaik jo sasuatu tempek memang barasa dari sinan. Misalnyo, dewa Monthu adolah palinduang asli kota Thebes. Namun, salamo pariode Karajaan Patangahan, perannyo digantikan dek Amun, yang mungkin alah muncual di tampek lain. Popularitas jo kapantingan dewa-dewa individu bafluktuasi jo caro yang samo.

Daftar pustaka

• Allen, James P (2000) (dalam bahaso en). Middle Egyptian: An Introduction to the Language and Culture of Hieroglyphs. Cambridge University Press. ISBN 0-521-77483-7. https://books.google.com/?id=gMxfheT1XQIC&dq=Middle+Egyptian:+An+Introduction+to+the+Language+and+Culture+of+Hieroglyphs&printsec=frontcover&q. 
• Assmann, Jan (2001) [1984] (dalam bahaso en). The Search for God in Ancient Egypt. Lorton, David transl. Cornell University Press. ISBN 0-8014-8729-3. https://books.google.com/?id=ACkeJSSIvQYC&printsec=frontcover&dq=The+Search+for+God+in+Ancient+Egypt&q. 
• Wilkinson, Richard H (2000) (dalam bahaso en). The Complete Temples of Ancient Egypt. Thames & Hudson. ISBN 0-500-05100-3. https://archive.org/details/completetempleso0000wilk_d0s2. 
•     (2003) (dalam bahaso en). The Complete Gods and Goddesses of Ancient Egypt. Thames & Hudson. ISBN 0-500-05120-8. 
• Shafer, Byron E, ed (1991) (dalam bahaso en). Religion in Ancient Egypt: Gods, Myths, and Personal Practice. Cornell University Press. ISBN 0-8014-9786-8. https://books.google.com/?id=kK1iuqphAKoC&printsec=frontcover&dq=Religion+in+Ancient+Egypt:+Gods,+Myths,+and+Personal+Practice&cd=1#v=onepage&q. 
• Shafer, Byron E, ed (1997) (dalam bahaso en). Temples of Ancient Egypt. IB Tauris. ISBN 1-85043-945-1. https://books.google.com/?id=cv08amI7lkUC&printsec=frontcover&dq=Temples+of+Ancient+Egypt&cd=1#v=onepage&q. 
• Traunecker, Claude (2001) [1992] (dalam bahaso en). The Gods of Egypt. Lorton, David transl. Cornell University Press. ISBN 0-8014-3834-9. https://books.google.com/?id=y78zDGDCUjkC&printsec=frontcover&dq=The+Gods+of+Egypt&cd=1#v=onepage&q. 
• Redford, Donald B, ed (2001) (dalam bahaso en). The Oxford Encyclopedia of Ancient Egypt. Oxford: Oxford University Press. ISBN 978-0-19-513822-1.