Tumbuk kalang

Tumbuk kalang adolah kasenian musik tradisi dari Nagari Sambilan, Malaysia nan utamonyo mampagunokan lasuang jo antan. Kasenian iko utamonyo tanamo di daerah Tampin, Inas, Seri Menanti, Gunung Pasir jo Rembau, Nagari Sambilan. Mulonyo dimainkan katiko musim manuai padi tibo dek urang-urang ka sawah inggo dimainkan pulo dalam alek-alek rami.

Sijarah

Pado satiok salasai musim manuai padi, urang-urang ka sawah maadokan alek jo makan basamo tando basuko cito dek hasia panen. Untuak maramikan alek, biasonyo lasuang jo antan ikuik dimainkan inggo mahasiakan musik dan dinamokan pamainan tumbuk kalang. Pamainan ko diadokan dari ciek rumah ka rumah lainnyo inggo balansuang dalam babarapo malam.

Instrumen

Alaik-alaik musik nan utamo dimainkan yaitu lasuang jo antan (alu). Salain itu, kadang dipakai juo alaik musik lain untuk mairiangi cando caklempong, gandang, aguang, atau rabano.

Pamainan

Kasenian iko dimainkan dek sakalompok urang nan ka maayun antan ka dalam lasuang. Ayunan antan ka tampek nan babeda dalam lasuang mahasilkan bunyi nan babeda pulo sainggo tabantuak alunan musik. Salamo pamainan, pamain dapek malagu sarato babaleh pantun.

Caliak juo

• Alu katentong