Allah

Allāh (bahaso Arab: الله, Allaah) atau Tuan Allah (Tonolah atau TunAllah dalam dialek Minangkabau lamo) adolah kato nan marujuk pado namo Tuhan dari agamo Islam. Tuhan dalam bahaso Arab adolah Ilah (baso Arab: إله).

Namo Allah nan ditulih jo kaligrafi Arab

Kato "Allah" disabuikan labiah dari 2679 kali dalam Al-Qur'an. Sadangkan kato "Tuhan" (إله) disabuik sabanyak 111 kali dalam bantuak mufrod (tungga), dalam bantuak tatsniyah (bajumlah duo) 2 kali, alah itu dalam bantuk jamak (banyak) disabuik sabanyak 34 kali.

Etimologi

Banyak teori nan mancubo manganalisa etimologi dari kato "Allah". Salah satunyo mangatoan bahasonyo kato Allāh (الله) barasa dari gabuangan kato al- (sang) jo ʾilāh (tuhan) sahinggo aratinyo "Sang Tuhan". Namun teori iko manyalahi baso jo kaidah baso Arab. Teori lain mangatoan kato iko barasa dari kato Alāhā (baso Aram).

Namun damikian, sabagian nan lain mangatoan bahwa Allah indak untuak ditarjamahan, alasannyo kato tasabuik sangaik khusus sahinggo indak mamiliki bantuak jamak jo gender (babeda jo kato God dalam baso Inggirih nan mamiliki bantuak jamak Gods, jo bantuak feminin Goddess). Isu iko paralu bana dalam upayo manajamahan Al-Qur'an.