Tugu Parang Kamang dan Parang Manggopoh

Tugu Parang Kamang dan Parang Manggopoh adolah bangunan cagar budaya nan ado di Kota Bukittinggi, Sumatra Barat. Tugu ko dibuek dek pihak Balando untuak manganang prajuriknyo nan maningga katiko Parang Balastiang di daerah Kamang jo Manggopoh nan tajadi pado tanggal 15 Juni 1908.

Tugu Perang Kamang dan Perang Manggopoh
Namo sasuai jo Sistem Registrasi Nasional Cagar Budaya
Cagar budaya Indonesia
Paringkek	Nasional
Kategori	Bangunan
Lokasi	Jalan Sudirman, Kelurahan Sapiran, Kecamatan Aua Birugo Tigo Baleh, Kota Bukittinggi
Taun panatapan	2007
Pamiliak	Dinas Kebudayaan dan Pariwisata Kota Bukittinggi Indonesia
Pangalola	Pemerintahan Kota Bukittinggi
Koordinat geografi	0.314714°S 100.373822°E / -0.314714; 100.373822

Bangunan tugu iko talatak tapek di halaman SMK Genus Farmasi Bukittinggi. Pamilik Tugu Paringatan Parang Kamang jo Parang Manggopoh kini adolah Negara (Pemerintah Kota Bukittinggi), dan dikelola dek Pemerintah Kota Bukittinggi.

Lokasi

Tugu paringatan ko barado tapek di Jalan Sudirman, Kalurahan Sapiran, Kecamatan Aur Birugo XIII, Kota Bukittinggi, Provinsi Sumatra Barat. Untuak dapek ka lokasi sangek mudah karano tapek di tapi jalan gadang manuju pusek karamaian Kota Bukittinggi.

Sijarah

Tugu Parang Kamang dan Parang Manggopoh ko dibuek dek pihak Balando sabagai monumen untuak manganang prajuriknyo nan gugur katiko baparang malawan urang Kamang jo urang Manggopoh salamo Parang Belastiang di daerah Kamang jo Manggopoh pado tanggal 15 Juni 1908.

Tugu iko tabuek dari beton nan tabagi manjadi duo bagian. Bagian ateh babantuak karucuik nan manjulang ka ateh dan bagian bawah babantuak sagi ampek. Pado bagian segi ampek, ditangah-tangahnyo tadapek inskripsi babahaso Balando nan babunyi "Gedenknaald Ter Herdengking Aan Gesnenvelden Te Kamang En Manggopoh Opstand 15 Juni 1908", nan artinyo "Manganang paristiwa Parang Kamang jo Manggopoh nan tajadi pado 15 Juni 1908

Galeri Poto-poto

• 
  Inskripsi babahaso Balando nan mulai puda
• 
  Bantuak tugu
• 
  Tugu tapek di tapi jalan Sudirman, ramai lalu-lalang kandraan
• 
  Nampak sampiang