Tugu Bendera Ulang Taun Patamo Kemerdekaan

Tugu Bendera Ulang Taun Patamo Kemerdekaan awalnyo dibuek taun patamo sasudah Proklamasi Republik Indonesia, 17 Agustus 1945- 17 Agustus 1946 barupo tiang beton nan dipasang dek Walikota tapilia wakatu itu, Bgd. Aziz Chan. Sasudah diangkek jadi Wali Kota Padang kaduo sacaro aklamasi di Bukiktinggi, Bgd. Aziz Chan pai ka Padang untuak manjalanan tugas kewalikotaannyo. Hal patamo kali nan nio dikarajoan sabagai Walikota adolah manjago kakuatan jo samangaik juang sarato manjago keamanan kota malalui paringatan sataun Indonesia merdeka.

Panagakan Tugu

Bgd. Aziz Chan manyadari kehadirannyo di Kota Padang indak luput dari mato-mato kaki tangan Balando. Namun, apopun nan tajadi Bgd. Aziz Chan batekaik tatok marayoannyo. Basamo Gubernur mudo Sumatera Tangah, Dr. M. Djamil basamo Kepolisian RI Sumatera Barat maadoan kunjuangan ka markas gadang sekutu. Kunjungan itu mangasilkan kasepakatan untuak mananggulangi masalah keamanan di Kota Padang. Bgd. Aziz Chan manyadari bahwasanyo sekutu jo Balando akan bakilah dan malangga aturan. Untuak itu, Bgd. Aziz Chan mangumpuaan pegawai di kantuanyo untuak mainstruksian bahwasanyo paringatan itu diadoan sacaro tatutuik. Sorenyo, Bgd. Aziz Chan malatakan batu patamo untuak mambuek tiang satinggi kurang labiah 1 meter di halaman Kantua Komite Nasional Indonesia (KNI), atau suduik halaman Bank mandiri Simpang Ampek Lapangan Imam Bonjol kini ko. Tugu ketek ikolah nan disabuik jo Tugu Paringatan Ulang Taun Patamo RI di Kota Padang.

Proses pambuekan tugu iko mancaminan keteguhan jo kekukuhan Bgd. Aziz Chan dalam manjago samangaik perjuangan.