Buka menu utama

Train to Busan (Hangul부산행; RRBusanhaeng) adolah sabuah pilem horor batema zombie produksi Korea taun 2016 nan disutradarai dek Yeon Sang-ho jo dibintangi dek Gong Yoo, Jung Yu-mi jo Ma Dong-seok.[2] Pilem tasabuik ditayangan patamo kali dalam tayangan tangah malam (Midnight Screening) di Festival Film Cannes 2016 pado 13 Mei 2016.[3][4][5][6] Pado 7 Agustus 2016, pilem ko lam mancetak rekor pilem Korea nan jumalah panontonnyo tatinggi salamo taun 2016, di ma lah labih dari 10 juta urang manontonnyo.[7][8]

Sutradara Yeon Sang-ho
Produser Lee Dong-ha
Panulih Park Joo-suk
Pamain
Musik Jang Young-gyu
Sinematografi Lee Hyung-deok
Panyuntiang Yang Jin-mo
Studio RedPeter Film
Distributor Next Entertainment World
Tangga rilis

(Cannes)

(Korea Salatan)

Durasi 118 minik
Nagara Korea Salatan
Bahaso Korea
Pandapekan kotor US$99 juta[1]

Ringkasan curitoSuntiang

Seok-Woo, nan surang manajer keuangan suatu parusaoan, barangkek ka Busan basamo anak padusinyo, Su-an, untuak batamu jo ibunyo (mantan bini Seok-Woo). Mareka barangkek jo KTX (kareta api capek Korea) dari Seoul.

Kutiko kareta ka barangkek, surang gadih mudo jo luko di kakinyo masuak ka dalam kareta tu. Gadih mudo nan lah takana virus zombie lalu manyarang pramugari kareta nan sadang baupayo manolongnyo. Sajak tu, sadonyo panompang kareta nan tasarang barubah manjadi zombie nan sangaik bueh, dan zombie-zombie tu taruih mainfeksi sabagian gadang panompang kareta.

Kareta sampek baranti di Daejeon, sabauk diumuman baso tantaro lah basiago manolong mareka. Namun kaadoan stasiun haniang bana, tanyato sadonyo tantaro indak ado lai nan indak manjadi zombie, malah manyarang siso-siso panompang nan masih salamaik, nan balarian pindah ka kareta api lain untuak malanjuikan manuju Busan.

Seok-woo sampek tagigik dek salah satu zombie, namun sabalun barubah inyo maaja ka Su-an jo Sung Kyung (surang padusi nan manganduang) baa caro maantian kareta ko, sabalun inyo lompek dari ateh kareta katiko kasadaran kamanusiaanyo ampia ilang. Su-an jo Sung Kyung akianyo sampai juo di Busan dan disalamaikan dek tantaro nan baasia mancagah sarangan virus zombie di kota ko.

PemeranSuntiang

PanarimoanSuntiang

PanjualanSuntiang

Inggo 15 September 2016, Train to Busan lah mancapai panjualan bruto US$99 juta di saluruah dunia.[1] Pilem tu manjadi pilem Korea paliang laris di Malaysia (US$4,84 juta),[9] Hong Kong (US$8,52 juta),[10] jo Singapura ($3,1 juta).[11]

Ulasan karitisSuntiang

Train to Busan umumnyo mandapek ulasan positif. Rotten Tomatoes maagiah pilem tu 96% tingkek pasatujuan badasa 49 kumpualan ulasan, jo rato-rato nilai 7,5 dari skala 10. Konsensus di situs ko manyabuik baso : "Train to Busan maagiah pangalaman mancakam nan unik - dan murni maibua - dalam genre zombie, jo karakter-karakter nan tawujuik panuah sarato komentar-komentar sosial nan manggarih bawahi babagai aksi-aksi mendebarkan nan lah diatua dengan rapi".[12] Metacritic maagiah nilai 73 dari skala 100 badasar paringkek nan dinormalkan dari 12 ulasan, manandoannyo "sacaro umum dianggap baiak".[13] Clark Collis of Entertainment Weekly manulih baso pilem tu "banyak maniru pilem World War Z dalam panggambaran massa zombie nan sabana bueh manyarang namun manakankan juo pado esensi emosionalnyo, nan dalam pilem ekstravaganza Brad Pitt tu acok kurang tagali," sambia manambahan "asianyo sacaro kasaluruahan, kaleh utamo."[14] Pilem ko mandapek juo "The New York Times Critics' Pick", di ma ulasan Jeannette Catsoulis mamparatian adonyo konflik kaleh nan implisit.[15]

Sabaliaknyo, ulasan negatif manggambarkan pilem tu sabagai "Snowpiercer dangan zombie." David Ehrlich dari IndieWire bakomentar baso "para karakter bagisia baliak ka pola asa (dan mulai maambiak kaputusan-kaputusan nan indak masuak di aka), tontonan juo indak mampaliekan sipaik uniknyo."[16] Kevin Jagernauth dari The Playlist manulih: "(Train to Busan) indak manambah hal nan istimewa untuak genre zombie, atau kasadaran tatantu manganai baa kamanusiaan maadoki krisis. Memang mukaluak tu indak ado utak, mudah sajo mambuek ibaraik dari hal tu, tapi nan Train To Busan paralu bana, dan sayangnyo kakurangan, adolah ati nurani."[17]

RujuakanSuntiang

  1. a b "Busanhaeng (2016)". The Numbers. http://www.the-numbers.com/movie/Busanhaeng-(south-korea)#tab=summary. Diakses pado 1 Agustus 2016. 
  2. "Well Go USA Entertainment boards 'Train To Busan'" (dalam bahaso bahasa Inggris). screendaily.com. http://www.screendaily.com/news/distribution/well-go-usa-entertainment-boards-train-to-busan/5104736.article. Diakses pado 19 September 2016. 
  3. Debruge, Peter; Keslassy, Elsa (14 April 2016). "Cannes 2016: Film Festival Unveils Official Selection Lineup" (dalam bahaso bahasa Inggris). http://variety.com/2016/film/festivals/cannes-film-festival-official-selection-lineup-2016-1201753269/. Diakses pado 19 September 2016. 
  4. "'Train to Busan' to screen at Cannes" (dalam bahaso bahasa Inggris). koreatimes. https://www.koreatimes.co.kr/www/news/culture/2016/05/201_203819.html. Diakses pado 19 September 2016. 
  5. "Zombies fail to impress in 'Train to Busan'" (dalam bahaso bahasa Inggris). koreatimes. http://www.koreatimes.co.kr/www/news/culture/2016/07/141_209780.html. Diakses pado 19 September 2016. 
  6. "Train to Busan: Zombie film takes S Korea by storm" (dalam bahaso bahasa Inggris). BBC News. http://www.bbc.com/news/world-asia-36939395. Diakses pado 19 September 2016. 
  7. ""Train To Busan" Is The First Korean Film Of 2016 To Break This Audience Record" (dalam bahaso bahasa Inggris). Soompi. http://www.soompi.com/2016/08/07/train-busan-first-korean-film-2016-top-10-million/. Diakses pado 19 September 2016. 
  8. "The Chosun Ilbo (English Edition): Daily News from Korea - Korean Movies Prove Box-Office Gold" (dalam bahaso bahasa Inggris). english.chosun.com. http://english.chosun.com/site/data/html_dir/2016/08/08/2016080801532.html. Diakses pado 19 September 2016. 
  9. Begum, Mumtaj. "‘Train to Busan’ speeds away to box-office record". http://www.thestar.com.my/news/nation/2016/09/24/train-to-busan-speeds-away-to-boxoffice-record/. Diakses pado 24 September 2016. 
  10. Chu, Karen. "South Korean Zombie Hit 'Train to Busan' Becomes Highest-Grossing Asian Film in Hong Kong". http://www.hollywoodreporter.com/news/south-korean-zombie-hit-train-933674. Diakses pado 1 Oktober 2016. 
  11. Wai Yee, Yip. "Train To Busan is No. 1 at Singapore box office and top Korean movie to date ", The Straits Times, 24 Agustus 2016. Diakses pado 19 Oktober 2016.
  12. "Train to Busan (Bu-san-haeng)". https://www.rottentomatoes.com/m/train_to_busan. Diakses pado 6 September 2016. 
  13. "Train to Busan Reviews". http://www.metacritic.com/movie/train-to-busan. Diakses pado 5 September 2016. 
  14. Collis, Clark. "Train to Busan: EW review". Entertainment Weekly, Inc.. http://www.ew.com/article/2016/08/24/train-busan-ew-review. Diakses pado 5 September 2016. 
  15. Jeannette, Catsoulis. "Review: All Aboard ‘Train to Busan’ for Zombie and Class Warfare". http://www.nytimes.com/2016/07/22/movies/train-to-busan-review.html?_r=0. Diakses pado 5 September 2016. 
  16. Ehrlich, David. "‘Train To Busan’ Review: This Electric Korean Zombie Movie Goes Off The Rails". Penske Business Media, LLC. http://www.indiewire.com/2016/07/train-to-busan-review-korea-zombies-yeon-sang-ho-1201706829/. Diakses pado 6 September 2016. 
  17. Jagernauth, Kevin. "Korean Zombie Thriller ‘Train To Busan’ Needs More Brains [Review"]. Spin Entertainment. http://theplaylist.net/korean-zombie-thriller-train-busan-needs-brains-review-20160722/. Diakses pado 6 September 2016.