Tony Prabowo

Tony Prabowo adolah musisi bakabangsaan Indonesia nan lahia di Kota Malang, Jawa Timur tahun 1956. Namonyo terkenal sabagai komposer musik instrumental nan manggabungan unsur-unsur musik tradisional Indonesia jo musik internasional. Inyo jugo marupoan kurator di Komunitas Salihara, dan ateh gagehan jo prestasinyo, inyo mandapekan babarapo penghargaan dari lua negeri.

Proses kreatif

Tony Prabowo lahia di Kota Malang, Jawa Timur, 1956. Inyo baraja musik jo komponis Slamet Abdul Sjukur. Sabagai komponis, inyo alah acok berkolaborasi jo seniman dari disiplin seni teater, film, tari jo sastra. 'Dongeng Sebelum Tidur (1992) untuak soprano jo ansambel campuran, diilhami puisi Goenawan Mohamad. Karya ko pado 1996, dimainan di Jakarta jo Belanda. Karya ko ditampilan juo oleh The New Juilliard Ensemble di Alice Tully Hall, Lincoln Center, New York, Amerika Serikat. Autumnas Steps (1996), sabuah karya orkes lengkap, dipentasan perdana oleh The New Juiliard Ensemble, Orkestra ISI Yogyakarta jo pado 1997 dimainan oleh Seattle Creative Orchestra. Requiem for Strings (19998), dimainan oleh Deutshe Kammerphilharmonis Bremen di Jakarta, sarato pado 1999 dimainan oleh Fellows of the Tanglewood Music Center di Festival of Contemporary Music, Tanglewood. Pado tahun 2005, karya Requiem for Strings dimainan oleh Den Haag National Orchestra, Belanda.

Karya-karya Tony Prabowo ko alah ditampilan pado satiok festival internasional bagengsi nan ado di Indonesia, tamasuak Art Summit 1998 dan Sacred Rhythm Millenial Percussion Festival di Bali. Salain bamusik jo gaya ensemble Barat, inyo juo mambuek komposisi kontemporer nan unik basamo musisi tradisional Indonesia. Karya-karyanyo acok bana dibaokan jo grup the New Jakarta Ensemble, nan marupoan sabuah grup jo didirian oleh inyo surang pado 1996. Grup musik ko alah tampil di Indonesia, Inggris, Amerika Serikat, jo alah mangaluaran album patamo, bajudul Commonality.

Nagara-nagara nan alah parnah disinggahi karya-karya Tony ko adolah Amerika Serikat, Eropa, Australia jo Korea Selatan. Patamo kali tibo ka Amerika Serikat bakolaborasi dalam sabuah patunjukan teater nan ado di New York International of the Arts pado 1998. Sajak saat itu inyo banyak bakolaborasi jo musisi di negara itu diantaranyo Karen Williams dan Tom Andrew's experimental play Blurred Vision (DKJ, Theater fot the New City, NYC), Visible Religion basamo komponis Jarrad Powell jo Gamela Pacifica (Seattle, Minneapolis dan Chicago), Empty Tradition, komposisi nan inyo buek pado 1988 basamo koreografer Cina-Amerika, Yin Mei pado (The Asia Society, NYC and Jacob's Pillow Dance Festival I0 dan Kali: 2000 basamo koreografer Mary Sheldon, komposer Jarrad Powel jo Goenawan Muhamad (On the Boards, Seattle).

Inyo juo mambarian parhatian pado musik vokal. Opera patamonyo, The King's Witch (1999), alah dibaokan jo the New Julliard Ensemble di Alice Trully Hall pado Juli 2000. Karyanyo Choral Work Meditation on Lu Xun II mandapek panghargoan pado sabuah festival di Linz, Austria. Karyanyo, Viola Pieces Commonality I, Music for Multiple Violas I and II ditampila jo Stephanie Griffin di New York, Seattle, Chicago, jo Jakarta.

Karyo

• Dongeng Sebelum Tidur (1992),
• Autumnal Steps (1996),
• Requiem for Orchestra (1998)
• The King’s Witch (basamo Goenawan Mohamad, 1999),
• Choral Work Meditation on Lu Xun II,
• Kali (basamo Goenawan Mohamad),
• Tan Malaka (basamo Goenawan Mohamad)

Penghargaan

• Grant dari the Ford Foundation dan the Asian Cultural Council
• Choral Work Meditation on Lu Xun II mendapat penghargaan dalam sebuah festival di Linz Austria
• Dana hibah dari Yayasan Kelola untuak babarapo projek seninyo

Lihat pula

• Komponis
• Genre musik
• Goenawan Mohamad
• Nya Ina Raseuki
• Kroncong Tenggara
• Teater Garasi
• Komunitas Salihara
• Yayasan Kelola