TikTok
TikTok adolah layanan media sosial nan barisi vidio singkek vertikal jo gambar. Layanan media ko manyadiokan tayangan vidio singkek mulai dari 3 datiak sampai 10 minik. Topik vidionyo pun baragam, mulai dari olahraga, pandidikan, palancongan, sampai kaba barito. Mulonyo layanan ko diagiah namo Musical.ly, nan kudian barubah namo manjadi TikTok. Layanan ko sangaik tanamo dan panah manjadi aplikasi paliang banyak dimuek turun di dunia pado Agustus 2023.[1] Pado taun 2024, Indonesia manjadi nagara nan paliang banyak mamakai TikTok[2].
| Pangambang | ByteDance |
|---|---|
| Rilis awal | September 2016 |
| Sistim operasi | Android, iOS |
| Surambi | Mobile, Web |
| Katasadioan bahaso | 40 languages |
| Situs web rasmi | https://www.tiktok.com/ |
Sijarah
suntiangTikTok dibuek dek ByteDance, salah satu parusahaan pambuek aplikasi dari Cino. Diluncuaan pado bulan September taun 2016 dan taleso juo manjadi aplikasi paliang banyak dimuek turun pado Agustus 2023.[1] Pado taun 2022, TikTok alah dimuek turun sabanyak 3 miliar kali dan punyo pangguno aktif sabanyak 1 miliar pangguno dalam sabulan.[3]
Pamblokiran di Indonesia
suntiangPado 3 Juli 2018, TikTok disakek samantaro di Indonesia. Menteri Komunikasi dan Informatika, Rudiantara manyabuik, baso di TikTok banyak konten negatif, utamonyo ka bakeh anak-anak.[4] Manuruiknyo, panyakatan didasari dek asia pamantau tim AIS Kominfo, palaporan dari Kementerian Pemberdayaan Perempuan dan Anak (Kemen PPA), Komisi Perlindungan Anak Indonesia (KPAI), sarato laporan dari masyarakaik.[5]
Pihak TikTok lansuang mananggapi panyakatan nan dilakukan. Pihak TikTok bajanji marekrut 20 staf untuak manyensor konten TikTok di Indonesia.[6] Kominfo mancabuik panyakatan TikTok 8 ari kudian.[7]
Rujuakan
suntiang- ↑ a b https://www.cnnindonesia.com/teknologi/20230918143850-185-1000458/tiktok-jadi-raja-aplikasi-dunia-kalahkan-instagram-hingga-whatsapp
- ↑ "TikTok users by country 2024". Statista (dalam bahasa Inggris). Diakses tanggal 2024-11-03.
- ↑ Singh, Shubham (2024-08-20). "How Many People Use TikTok (2024 Statistics)". DemandSage (dalam bahasa Inggris). Diakses tanggal 2024-11-03.
- ↑ https://www.cnnindonesia.com/teknologi/20180703181921-185-311178/alasan-kominfo-blokir-tik-tok
- ↑ https://tekno.kompas.com/read/2018/07/03/18503327/tik-tok-diblokir-di-indonesia-karena-dinilai-negatif-untuk-anak
- ↑ https://www.reuters.com/article/technology/chinese-video-app-tik-tok-to-set-up-indonesia-censor-team-to-overturn-ban-repor-idUSKBN1JV0KY/
- ↑ https://www.reuters.com/article/technology/indonesia-overturns-ban-on-chinese-video-app-tik-tok-idUSKBN1K10B9/