Tifatul Sembiring
Tifatul Sembiring (lahia di Bukittinggi, 2 September 1961; umua 63 taun) adolah saurang politikus Indonesia. Inyo marupokan mantan katua Partai Keadilan Sejahtera jo Mantari Komunikasi jo Informatika pado Kabinet Indonesia Bersatu.
Tifatul Sembiring | |
|---|---|
 | |
| Lahia | 28 September 1961 |
| Kabangsaan | Indonesia |
| Kantua | Anggota Dewan Perwakilan Rakyat Republik Indonesia |
| Partai politik | Partai Keadilan Sejahtera |
| Pasangan | Sri Rahayu |
| Anak | 7 |
Biografi
suntiangKahidupan jo kaluarga
suntiangAyahnyo adolah katurunan Karo bamarga Sembiring nan pindah ka Bukittinggi. Di sinan inyo manikah jo saurang padusi Minangkabau.[1] Tifatul adolah saurang datuak di kampuangnyo di Guguak Tabek Sarojo, Kabupaten Agam, Sumatra Barat, nan bagala Datuak Tumangguang.[2] Inyo manikah jo Sri Rahayu, nan dikaruniai tujuah urang anak, yaitu Sabriana, Fathan, Ibrahim, Yusuf, Fatimah, Muhammad jo Abdurrahman Sembiring.[1]
Pandidikan
suntiangTifatul mandapek gala sarjana teknik komputer dari Sekolah Tinggi Ilmu Manajemen Informatika dan Komputer (STI&K) Jakarta, sarato manjadi aktivis di sajumlah organisasi Islam samanjak bakuliah, contohnyo di Pelajar Islam Indonesia.[3][4]
Karier
suntiangSabalum tajun ka politik, Tifatul sampek bakarajo sabagai karyawan PLN di bagian telekomunikasi jo pemrosesan data. Salain tu, inyo mamiliki usaho panarbitan banamo Asahuddin Pres., nan manjabek sabagai direktur sakaligus panulis. Pado taun 2004, inyo diangkek sabagai katua Partai Keadilan Sejahtera. Pado taun 2009, inyo ditunjuak dek Presiden Susilo Bambang Yudhoyono sabagai Menteri Komunikasi dan Informatika pado Kabinet Indonesia Bersatu. Inyo mangundurkan diri sabagai Menkominfo pado tanggal 30 September 2014.[1][5]
Tifatul alah tigo kali tapiliah sabagai anggota Dewan Perwakilan Rakyat, nan partamo pado pamilu 2009 mawakili daerah pemilihan Sumatera Utara I. Inyo tapiliah baliak pado taun 2014 mawakili dapil nan samo, jo sakali lai tapiliah pado taun 2019.[6] Pado pamilu legislatif 2019, Tifatul manjabek sabagai Katua Fraksi Partai Keadilan Sejahtera.[7]
Kontroversi
suntiangPado taun 2009, inyo menyalahan tindakan idak bamoral sabagai panyabek tajadinyo gampo bumi jo bancano alam lainnyo. Katiko maagiah caramah ka jamaah salat Jumek di Padang, Tifatul mangatokan "banyak program televisi yang merusak akhlak. Oleh karena itu, bencana alam akan terus terjadi."[8]
Kainginannyo untuak manyariang konten negatif di internet mandapek panantangan sacaro malueh. Langkah iko samakin mangamuko samanjak munculnyo skandal seks artis Ariel, nan sacaro kontroversial dikaitkannyo jo panyaliban Yesus Kristus.[9] Langkah Tifatul untuak manyariang konten di internet didukuang dek presiden Susilo Bambang Yudhoyono, nan kamudian malahiakan program "Internet Positif" nan kontroversial.[10]
Pado bulan Mei 2014, Kemenkominfo manyatokan akan mamblokir situs babagi video, Vimeo. Di Twitter, Tifatul manulih bahwasonyo inyo alah manghubuangi Vimeo takaik pamblokiran iko. Manganai alasan pamblokiran, Tifatul mangklaim kalau manuruik laporan, Vimeo sacaro eksplisit banyak barisi konten pornografi.[10] Inyo juo mangaikkan pornografi jo HIV/AIDS, mangatokan bahwasonyo panyakik tu disabekan dek kaum homoseksual.[11] Inyo dikritik pulo karano mangutip parkataan Adolf Hitler di akun Twitternyo, mamposting "Pertemuan antara dua anak manusia, kemudian keduanya saling melengkapi, ini adalah sebuah keajaiban - Adolf Hitler".[12] Karagu-raguannyo dalam mangutuak panculikan 276 padusi dek kalompok teroris Boko Haram di Nigeria manuai kritik jo manimbulkan partanyaan tantang kakompetenannyo untuak manjabek sabagai menteri.[13]
Rujuakan
suntiang- ↑ a b c "Profil Tifatul Sembiring". merdeka.com. Diakses tanggal 9 Januari 2024.
- ↑ "Tifatul Diangkat Datuk di Minangkabau". viva.co.id. 27 Februari 2010. Diakses tanggal 9 Januari 2024.
- ↑ "Tifatul Sembiring; Ensiklopedi Tokoh Indonesia". tokoh.id. Diakses tanggal 9 Januari 2024.
- ↑ "United Indonesia Cabinet 2009-2014". The Jakarta Post (dalam bahasa Inggris). 22 Oktober 2009. hlm. 3. Diakses tanggal 9 Januari 2024.
- ↑ "Tifatul lepaskan jabatan Menkominfo". bbc.com. 30 September 2014. Diakses tanggal 9 Januari 2024.
- ↑ "Tifatul Sembiring, Mantan Menteri yang Kembali Menjadi Caleg di Pemilihan Umum 2019". Kumparan. 5 Desember 2018. Diakses tanggal 9 Januari 2024.
- ↑ "Sudah Dilobi Golkar dan Gerindra, PKS Belum Tentukan Dukungan Calon Ketua MPR". kompas.com. 3 Oktober 2019. Diakses tanggal 9 Januari 2024.
- ↑ "Indonesia minister says immorality causes disasters". bbc.co.uk (dalam bahasa Inggris). 28 November 2009. Diakses tanggal 9 Januari 2024.
- ↑ "Para Tokoh Desak Tifatul Minta Maaf". tempo.co. 21 Juni 2010 2019. Diakses tanggal 9 Januari 2024.
- ↑ a b "5 Aksi Kontroversial Tifatul Sembiring di Twitter". liputan6.com (dalam bahasa Inggris). 14 Agustus 2014. Diakses tanggal 9 Januari 2024.
- ↑ "Tweet Tifatul Soal AIDS Jadi Perbincangan di Twitter". tempo.co. 30 September 2010. Diakses tanggal 9 Januari 2024.
- ↑ "Tifatul quotes Adolf Hitler on Twitter". thejakartapost.com (dalam bahasa Inggris). 9 April 2010. Diarsipkan dari versi asli tanggal 3 October 2014. Diakses tanggal 9 Januari 2024.
- ↑ "Soal Boko Haram, Tifatul Sembiring Dihujat Tweeple". liputan6.com. 12 Mei 2014. Diarsipkan dari versi asli tanggal 2014-10-03. Diakses tanggal 9 Januari 2024.
| Jabatan politik | ||
|---|---|---|
| Didaului jo: Muhammad Nuh |
Menteri Komunikasi dan Informatika 2009–2014 |
Digantian dek: Rudiantara |
| Jabatan politik partai | ||
| Didaului jo: Hidayat Nur Wahid |
Ketua Partai Keadilan Sejahtera 2004–2009 |
Digantian dek: Luthfi Hasan Ishaaq |