Tarusan Suez
Tarusan Suez (bahaso Arab: قناة السويس, Qanā al-Suways), di sabalah barat Semenanjung Sinai, marupoan tarusan kapal sapanjang 163 km yang talatak di Mesir, manghubuangan Palabuhan Said (Būr Sa'īd) di Lauik Tangah jo Suez (al-Suways) di Lauik Merah. Tarusan Suez diresmian taun 1869[1] yang dibangun dek prakarsa insinyur Parancih yang banamo Ferdinand Vicomte de Lesseps.
Tarusan ko mambuliahan transportasi aia dari Eropa ka Asia tanpa mangalilingi Afrika. Sabalum adonyo kanal ko, sajumlah transportasi dilakuan jo cara mangosongan kapa sarato mambaok barang-barangnyo liwaik darek antaro Lauik Tangah jo Lauik Merah.
Tarusan ko tadiri dari duo bagian, utara jo selatan Danau Great Bitter, manghubuangan Lauik Tangah ka Taluak Suez.
Dalam era Parang Dunia I tarusan Suez yang wakatu itu barado di bawah kakuasan Inggris, disarang dek pasukan Jerman jo Turki Ottoman. Posisi Suez yang strategis ko yaitu manghubuangan Lauik Mediterania ko Lauik Merah, manjadian tarusan ko objek yang diparabuikan dek pasukuan Sekutu jo poros.[2]
Katiko Mesir dipimpin Presiden Gamal Abdul Nasir, tarusan Suez pado tanggal 26 Juli 1956 dinasionalisasi pihak Mesir. Hal itu mamicu tajadinyo krisis Suez dek karano Parancih indak tarimo Suez dikuasai dek Mesir. Pado tanggal 29 Oktober 1956 tajadi sarangan gabuangan dari Israel, pasukan Inggris jo Parancih di Mesir. Malalui intervensi dari PBB, konfrontasi nan tajadi tu dapek barakhia relatif capek sahinggo kampanye parang pado 22 Desember 195 dievakuasi baliak.
Pado tanggal 9 Juni 1967 tajadi Parang Anam Hari yang mandorong Israel menguasai Suez baliak. Tarusan Suez tetap tatutuik untuak pangiriman dari Mesir sarato manampekan di pabatasan antaro Mesir jo Israel. Israel mandirian sabuah garih patahanan, yaitu garih Bar-Lev dsarato manguasoi Samananjuang Sinai. Dalam parang Yom Kippur, pado tanggal 6 Oktober 1973 Suez berhasil dikuasoi dek pasukan Mesir. Tapi pado akhianyo Israel berhasil pulo mangalahan Mesir dalam sarangan balasan pado 16 Oktober 1973, Israel manyubarangi Suez jo mambuek sabuah jambatan di ateh kanal. Pado akhia parang Yom Kippur, maskipun Mesir kalah sacaro militer tapi manang sacaro diplomatik sahinggo saluruah saluran Suez jo Samenanjuang Sinai barado di bawah kandali Mesir baliak. Sasudah ditutuik samantaro, akhianyo tarusan Suez dibukak baliak untuak umum lpado tahun 1975.
Rujuakan
suntiang- ↑ Heather Murdock (1 Februari 2015). "Pembangunan terusan suez". Diakses tanggal 9 Juli 2015.
- ↑ Susilo, Taufik Adi. Ensiklopedi Pengetahuan Dunia Abad 20. Javalitera. Yogyakarta 2010. Halaman 62
Caliak pulo
suntiang- (Inggirih) Constantinople Convention of the Suez Canal di Wikisource
Pranala lua
suntiang| Wikimedia Commons mampunyoi media nan bahubuangan jo Suez Canal |
- (Inggirih) Darius the Great's Suez Inscriptions Archived 2010-03-27 di Wayback Machine.
- (Inggirih) Constantinople Convention of the Suez Canal, 1888[pranala nonaktif permanen]
- (Inggirih) El Ferdan railway bridge Archived 2005-11-24 di Wayback Machine.
- (Inggirih) Encyclopaedia of the Orient: Suez Canal Archived 2018-09-25 di Wayback Machine. Archived 2018-09-25 di Wayback Machine.