Tembesu
| Tembesu | |
|---|---|
| |
| Klasifikasi ilmiah | |
| Kingdom: | Plantae |
| (unranked): | Angiospermae |
| (unranked): | Eudikotil |
| (unranked): | Asteridae |
| Order: | Gentianales |
| Family: | Gentianaceae |
| Genus: | Fagraea |
| Species: | F. fragrans |
| Namo binomial | |
| Fagraea fragrans Roxb. | |
| Sinonim | |
|
Fagraea cochinchinensis | |
Tembesu (Fagraea fragrans Roxb.) marupokan jenis pohon panghasil kayu banilai tinggi nan taseba sacaro alami di Sumatera, Kalimatan, Papua, dan Jawa Barat. (2). Di Sumatera bagian selatan (Sumatera Selatan, Jambi, dan Lampuang), Tembesu sangaik populer karano mamiliki nilai ekonomi dan nilai budayo nan sangaik tinggi bagi masyarakatnya. Patumbuahannyo pun elok dan pemanfaaiknyo sangaik baragam. Karano kaunggulannyo pohon iko disabuik juo Kayu Rajo oleh masyarakat Jambi dan Sumatera Selatan.[1]
Pohon nan tamasuak famili Loganiaceae iko bisa tumbuah dengan baiak di barbagai jenis tanah maupun lingkungan mode tanah data atau tampek nan tidak becek, tanah liek bapasia. Walaupun mode itu, lokasi panaman Tembesu sabaiaknyo pado lokasi dengan tipe curah ujan A-B dan barado pado katinggian 0-500 mdpl. Namun jenis iko dapek tumbuah juo di katinggian 1000-1100 mpdl.[2]
Deskripsi
suntiangTembesu marupokan jenis pohon nan mampunyoi sifek ijau sapanjang taun dengan cabang nan banyak. Tinggi tanaman iko dapek mancapai 40 m, tinggi bebas cabang sampai 25 m dengan diameter dapek mancapai 150 cm.[1]
Batang pohon tembesu mamiliki ciri fisik bagalombang lamah tanpa banir. Kulik batangnyo taba dan cukuik kareh, warno cokelat hinggo itam, ba-alur dangka sampai dalam dan saketek mangalupeh. Kayunyo kareh bawarno kuniang ameh tuo atau cokelat jingga dan tamasuak ka dalam kaleh kuek I-II dan kaleh awet I. Tekstur kayu aluih hinggo agak aluih dan pamukoan kayu agak mangkilek.[1][3]
Tajuak pohon babantuak karucut dan daunnyo babantuak mato tombak hinggo bulek talua-lonjong dengan ukuran panjang 4–15 cm dan leba 1,5–6 cm. Dalam patumbuahannyo, Tembesu tamasuak jenis tanaman nan manghasilkan cabang nan sangaik banyak nan sacaro alami sulik mangalami paluruhan sahinggo cabang manjadi samakin gadang saiiriang batambahnyo umua tanaman.[1]
Bungonyo bawarno putiah nan marupokan bungo tungga dengan aroma arum. Tabuang daun mahkota bungo babanttuak corong dengan panjang bakisa 0,7-2,3 cm. Jikok musim babuah, buah Tembesu manghasilkan buah nan sangaik banyak dengan bantuak bulek badiameter 0,5–1 cm. Jikok masih mudo, warno buahnyo bawarno ijau atau kuniang kalau alah masak bawarno merah atau kuniang kamerahan.
Patumbuahan
suntiangTanaman Tembesu umunyo mulai babuah pado umua 5-6 tahun. Tembesu dapek babuah satiok taun di November-Januari. Namun dalam tigo taun tarakhir, untuak wilayah Sumatera Selatan alah tajadi pageseran waktu babuah yaitu bakisa antaro Maret-Juni dengan maso bungo dan pambuahan nan tidak sarantak, baik antar tanaman dalam ciek populasi maupun antar populasi.[4]
Manfaaik
suntiangKayu Tembesu tamasuak kalompok kayu kuek dan awet sarato tahan tahadok jamur. Oleh sabab itu, Tembesu mampunyoi nilai jua Rp 4-5 juta/m3. Kayunyo digunoan untuak keperluan pondasi rumah, lantai, papan, balok jambatan, bahan pambuatan kapa, bantalan kereta api, industri kerajinan ukiran kayu khas Palembang nan alah takenal sampai negara-negara Asia Tenggara (Malaysia dan Singapura).[5]
Sabagai bahan konstruksi rumah, Tembesu mampunyo nilai budayo nan tinggi dan manambah nilai prestise bagi pamiliknyo. Adopun Tembesu nan basifek lembut dipakai untuak bahan baku produk ukiran karano kayu Tembesu iko mudah dibantuak, indak mudah ratak dalam pangarajoannyo sarato nilai panyusutannyo nan ketek. Salain itu, ado babarapo bagian nan dapek dijadikan ubek-ubekan, parfum dan kosmetik.[1]
Panyebaran
suntiangSalain ado di Indonesia (Sumatera, Jawa Barat, Kalimantan, Sulawesi dan Papua), Tembesu taseba juo di Begal, India, Myanmar, Andaman Islands, Indo-Cina, Filipina, Thailand,
Peninsular Malaysia, dan Singapura.[2]
Kakurangan
suntiangWalaupun Tembesu tamasuak jenis kayu maha, namun masyarakaik alun manjadikan pohon iko manjadi pilihan utamo bagi patani untuak mananamnyo. Hal iko karano Tembesu tamasuak salah ciek jenis pohon nan lambek tumbuah dengan daur tabang sakita 25 tahun.
Dalam patumbuahannyo pun Tembesu mamarlukan pangalolaan intensif supayo kayunyo nan dihasilkan babantuak luruih dan panjang. Tingginyo nilai komoditas lain mode karet dan sawit di wilayah Sumatera mambuek masyakaraik mamilih karet dan sawit dari pado Tembesu sabagai alternatif utamo sabagai panompang ekonomi kaluargo.[1]
Rujuakan
suntiang- ↑ a b c d e f Mindawati, Nina, dkk. (2014). Tembesu Kayu Raja Andalan Sumatera. Bogor: Forda Press.
- ↑ a b Subdrajat, Dede J.; Bramasto, Yulianti. Karakteristik Morfo-Fisiologi Daun, Buah, Dan Benih Tembesu (Fagraea Fragrans Roxb.) dari Lima Populasi di Jawa Bagian Barat dan Sumatera Selatan. Bogor: Balai Penelitian dan Pengembangan Teknologi Perbenihan Tanaman Hutan.
- ↑ Coding, Desa; Admin. "Balai PSI LHK Palembang | Buku / Booklet ~ Budidaya Tembesu Bag I". http://www.bpk-palembang.org/ (dalam bahasa Indonesia). Diakses tanggal 2022-05-27. Hapus pranala luar di parameter
|website=(bantuan)[pranala nonaktif permanen] - ↑ A, Martawijaya; Kartasujana, I dkk. (2005). Atlas Kayu Indonesia. Jilid II. Badan Penelitian dan Pengembangan Kehutanan Departemen Kehutanan.
- ↑ Teknik Budidaya Tembesu: Pengelolaan Hutan Tanaman Penghasil Kayu Pertukangan”. Balai PSI LHK Palembang. 4 Nopember 2010.