Televisi digital di Indonesia

Siaran TV Digital adolah siaran TV jo sinyal nan dikirimkan adolah sinyal digital (digital broadcasting).

Kebaradaan TV Digital di Indonesia

Hamping sado stasiun TV panyiaran baiak TVRI maupun TV swasta nasional alah mamanfaaikan sistem teknologi panyiaran jo teknologi digital khususnyo pado sistem parangkek studio untuak mamproduksi program, malakukan panyuntiangan, parakaman dan panyimpanan data. Pangiriman sinyal gambar, suaro dan dato alah menggunokan sistem transmisi digital dangan manggunokan pamancar. Sistem transmisi digital malalui pamancar iko manggunokan standar nan disabuik DVB-T (Digital Video Broadcasting Terestrial).

Uji Cubo TV Digital

Dari hasil uji cubo siaran digital TV, teknologi DVB-T mampu mamultipleks babarapo program sakaligus. Anam program siaran dapek dimasuakan sakaligus ka dalam satu kanal TV baleba pita 8 MHz, dangan kualitas cukuik elok. Di sampiang tu, panambahan varian DVB-H (handheld) mampu manyadiokan tambahan sampai anam program siaran lai, khususnyo untuak panerimoan bagarak (mobile). Hal iko sangaik mamungkinkan bagi panambahan siaran-siaran TV baru.

Sistem panyiaran TV Digital adolah panggunaan aplikasi teknologi digital pado sistem panyiaran TV nan dikambangkan di patangahan taun 90 an dan diujicubokan pado taun 2000. Pado awal pangoperasian sistem digital ko umumnyo dilakuakan siaran TV sacaro Simulcast atau siaran basamo jo siaran analog sabagai maso transisi. Sakaliguih ujicubo sistem tasabuik sampai mandapekan hasil panarapan siaran TV Digital nan paliang ekonomis sasuai jo kabutuhan dari nagaro nan mangoperasikan.

Panonaktifan analog

1. Fase I (2008–2010)
   • Pacobaan DTV
   • Pangosongan layanan primer lainnyo (broadband talepon ganggam dan RFID)
2. Fase II (2010–29 April 2022)
   • Siaran TV analog & DTV simulcast
3. Fase III (30 April 2022-2 November 2022)
   • TV analog dimatikan
   • Pangosongan siaran DTT malalui saluran 22 sampai 48
   • Pangosongan broadband talepon ganggam di galombang 694 MHz sampai 806 MHz
4. Fase IV (2 November 2022-)
   • indak ado layanan TV analog
   • 100% siaran DTV malalui saluran 22 sampai 48