Telekomunikasi

Telekomunikasi adolah teknik caro pangiriman atau panyampaian informasi jarak jauah, dari suatu tampek ka tampek lainnyo. informasi tasabuik dapek barupo tulisan, suaro, gamba, ataupun objek nan lainnyo.

Stasiun bumi di tampek fasilitas satelit komunikasi di Raisting, Bavaria, Jerman

Stasiun bumi Fuchsstadt, Jerman.

Sacaro garis bosegh, telekomunikasi alah ado sajak abad ka-18 dan kini alah bakambang dangan sengek copek. Biasonyo teknologi iko dapek dibedakan manjadi baberapo jinih, saparti telegraf, telepon, televisi, dan banyak lagi nan lainnyo.

Telekomunikasi talah mamainkan poran pantiang ka hubungan sosial masyarakaik. Bilo, parangkek saparti sistem telepon pado mulonya kenalkan dangan panakanan pado dimensi praktis parangkek (saparti kamampuan untuak malakukan bisnis manggaleh atau mamosan layanan rumah) nan batontangan dangan dimensi sosial. Baru pado akhia 1920-an dan 1930-an dimensi sosial parangkek manjadi tema utamo dalam iklan telepon. Promosi baru mulai menariak emosi ka konsumen, manakankan pantiangnyo mangecek sosial dan salalu tahubuang dangan keluargo dan kawan. Sajak itu poran telekomunikasi dalam hubungan sosial manjadi samakin pantiang. Pado babarapo taun tarakhia, popularitas situs jejaring sosial talah maningkek sacaro dramatis. Situs-situs iko mamungkinkan pangguno untuak saliang bakomunikasi saroto mangirimkan foto, acaro, dan profil surang untuak dicaliak urang lain. Profil dapek mancantumkan umua, minat, preferensi seksual, dan statui hubungan sasaurang. Dangan caro iko, situs-situs iko dapek mamainkan poran pantiang dalam segalo hal, mulai dari mangatur katarlibatan sosial hingga maintai.

Dalam hal budayo, telekomunikasi talah maningkekkan kamampuan urang ramai untuak mengakses musik dan film. Dangan televisi, urang dapek manonton film nan alun inyo caliak sabalunnyo di rumahnyo sandiri tanpa harui pai ka toko video atau bioskop. Dangan radio dan internet, urang dapek mandangakan musik nan alun parnah inyo danga sabalunnyo tanpa harui pai ka toko musik.

Pautan lua

• Media tantang Telekomunikasi di Wikimedia Commons