Tarian Alo Ambek marupoan tarian nan dilakuan dek duo urang nan dibantu duo pandampiang nan dinamoan dampeang; (dampiang) jo duo urang janang. Tarian iko marupoan palombaan katarampilan manyarang jo manangkih sacaro bagantian antaro duo urang nan bahadokan. Bantuak sarangan mantun marabuikan pakaian lawan, sarupo deta, baju jo kain sasampiang nan dililkkan di pinggang. Sia sajo dapek tampil ka galanggang saumpamo parmainan pancak untuak mamparagoan kapandaiannyo. Pamainan iko dipimpin samo urang nan diimbau dampeang. Karajo  dampeang iko maatua pamainan sambia banyanyi. Surang mamakai suaro randah untuak mangatua langkah tarian nan diancang-ancang sarupo dalam pancak sabalun sarangan dibuek.

Pamain suntiang

Dampeang ko disabuik juo jo dampeang batino. Nan lain disabuik dampeang jantan mamakai suaro tinggi maaagiah aba-aba dimulai jo dibarantian ciek babak pataruangan. Janang pun maaagiah panilaian ateh kamahiran duo pamain tu. Sasudah malakuan salam ka panonton, kaduo pamain iko saliang bahadokan mambuek garik tarian nan dipimpin dek dampeang batino, katiko dampeang jantan manyorakkan aba-aba, kaduo pamain  mamulai patarungan jo garikan pancak baiak wakatu manyarang atau katiko wakatu manangkih.

Bantuak Tarian suntiang

Guno manyarang  untuak marabuik pakaian nan disarang. Inyo diagiah wakatu untuk manyarang dalam tigo babak. Kudian pihak nan manyarang ko mandapek giliran untuak disarang dalam tigo babak pulo. Antaro babak patamo jo barikuiknyo diagiah maso garik tarian.  Panyarang malakuan garikan untuak maambiak pakaian lawannyo dari babagai arah samo garik kicuah. Pola garik itu dinamoan guntiang, iolah mangguntiang kain sampiang lawan; simbua, iolah manyimbua lawan sarato marabuik buah bajunyo; sarato batuah, yaitu mamikua kapalo lawan untuak maambiak detanyo. Apo nan dibuek tu indak lo ditantuan, tagantuang pado maso nan mamungkinkan pado wakatu pataruangan. Nan manyarang dapek mambuek garik  nan mangicuah, sarupo mambuek garik guntiang. Acok pulo dibuek garik nan sabana iolah garik batuah. Pihak nan disarang dapek mambaco garik tu jo manangkih sarangan jo garik nan tapek. Jikok nan manyarang dapek marabuik, inyo dinyatoan manang. Jikok nan manyarang dapek manangkih, inyo dinyatoan kalah. Dalam sababak hanyo dilakuan sakali manyarang jo hal nan itu ditandoi sorak dampeang jantan. Pisik kaduo panari dalam malakuan garik patarungan indak buliah basingguangan, sahinggo satiok garik manyarang jo manangkih takah garik pantomim jo takah gaya pancak bebas di arena kaduo pihak, bebas mambuek garik-garik dalam mancapai sasaran surang-surang.

Tampek suntiang

Tarian Alo Ambek ko dapek diliek di Kota Pariaman jo Kabupaten Padang Pariaman.

Rujuakan suntiang

[1]

  1. Navis, A.A (1984). Alam Takambang Jadi Guru. Jakarta: Penerbit PT Grafiti Pers. pp. 268–269.