Tari Rapa'i Bubee
Tari Rapa'i Bubee adolah tari tradisional nan barasa dari Aceh, iyolah bakambang di tangah-tangah masyarakaik Kabupaten Pidie Jaya.[1] Rapa-i Bubèe diangkek manjadi sabuah pertunjukan dek salah satu tokoh masyarakaik Pidie Jaya nan banamo Abu Mukim nan barasa dari Gampong Paru Cot, jo mangangkek sabuah legenda atau kisah rakyat nan dialami masyarakaik Pidie Jaya khususnya kacamatan Trienggadeng, di mano masyarakaik alah manjalani panyakit hilangnyo bayi dalam kandungan nan disababkan dek makhluk halus. Abu Mukim mangangkek carito iko untuak dapek mambari pangatahuan kapado masyarakaik baso Rapa-i dulu dipakai sabagai ubek.
Sijarah
suntiangRapa'i bubee partamo kali hadir di Gampong Mee pangwa, Kacamatan trienggadeng, Kabupaten Pidie Jaya sakitar saratuih limo puluah (150) taun nan lampau.[2] Pado maso nan lalu, Rapai Bubee iko banamo Rapai Kaoy, nan dimainan dek duo baleh (12) saniman Aceh, inyo manamokan dirinyo "Tgk. Shiiah". Mulai jo ciek rapai-i karano kurang sumangaik, mako ditambahi tujua jiniah irama nan mangiringinyo katiko inyo tampil jo syair ayat al quran jo salawat kapado nabi. Rapa-i Kaoy ko mampunyoi fungsi untuak mangusia makhluk halus jo digunokan untuak pangobatan untuak urang sakik. Dalam penampilan rap-i kaoy indak ado gerakan tari tarian inyo hanyo manabua Rapa-i.[3]
Tapi Rapa-i Kaoy indak buliah dijadikan seni pertunjukan dek dianggap sakral dan indak buliah dimainkan di sambarang tampek jo hanyo dapek dimainkan katiko pelepasan nazar jo juo digunokan untuak panyakik tatantu sarupo panyakik gangguan jin, maka dek Abu Mukimlah diciptaakan rapa-i bube nan bakambang manjadi salah satu seni pertunjukan untuak manghibur masyarakaik satampek. Salain itu pado taun 1870 Abu Mukmin mangambangkan carito iko manjadi pertunjukan jo iringan musik rap-i sabagai hiburan. Acara iko mampunyoi unsur mistis iyolah Bubee' iko digali dek makhluk halus (jin pari). Pado maso itu seni iko hanyo ditampilkan di pakarangan rumah jo tampek terbuka sajo jo tujuan untuak manarik perhatian masyarakat sabagai hiburan sajo.
Pangambangan Rapa-i Bubee sabagai seni pertunjukan iko makin malueh pado taun 2007 samo jo pangambangan wilayah kabupaten Pidie di timur manjadi Kabupaten Pidie Jaya ditambah lagi jo Rapai Bube mandapek Juara 1 Tari tradisional pado wakatu Minggu Kebudayaan Aceh ka-5 taun 2009.[3]
Rujuakan
suntiang- ↑ Afni, Nurul; Zuriana, Cut. "PERTUNJUKAN RAPA'I BUBÈE DI KABUPATEN PIDIE JAYA". jim.usk.ac.id. Diakses tanggal 2023-10-8.
- ↑ "Sejarah Rapa'I Bubee". Budaya Pidie Jaya. Diakses tanggal 2023-10-08.
- ↑ a b "Warisan Budaya Takbenda | Beranda". warisanbudaya.kemdikbud.go.id. Diakses tanggal 2023-10-08.