Tari Gubang
Tari Gubang marupoan salah satu bantuak seni pertunjukan di Indonesia. Tarian iko marupoan sabuah tarian tradisional nan barasa dari Provinsi Sumatra Utara. Pasebaran tari Gubang maliputi Kota Tanjung Balai jo Kabupaten Asahan. Salain seni musik, seni tari adolah bagian dari patunjuakan Gubang. Kasenian iko bakambang di masyarakaik Melayu Asahan, tarutamo nelayannyo. Kato Gubang barasa dari kato ‘gebeng’ nan bararti parahu dalam bahasa Melayu dialek Asahan. Kato gebeng lamo-lamo barubah pangucapannyo manjadi Gubang.
Asa-usua suntiang
Berdasarkan legenda nan bakambang sacaro lisan, tarian Gubang muncua pado zaman Karajaan Asahan dengan panguasanyo nan banamo Rajo Margolang. Suatu katiko babarapo nelayan balayar ka lautan. Tibo-tibo mereka indak dapek manjalankan parahunyo di tangah lauik karano katiadoan embusan angin. Mereka kamudian badoa kapado Tuhan untuak didatangkan angin bia parahu mereka dapek bagarak lai.
Walaupun alah manyanyian lagu bajudul "Aloban Condong", pamohonan para nalayan alum juo takabua. Mereka pun indak manyarah dan mangganti nyanyian dengan lagu lainnyo. Lagu "Didong" nan mereka nyanyikan mambuek permintaan mereka takabua. Embusan angin datang dan mulai mandorong parahu. Para nelayan akhirnyo dapek malanjuikan palayaran.
Katiko angin datang, para nelayan langsuang basorak-sorai. Mereka maluapkan kagambiraan dengan malompek jo manari di parahu. Salain itu, ado irama musik nan mangiriangi tarian para nelayan itu dari suaro dayuang nan dihantak-hantakkan ka sisi parahu. Legenda iko mancetuskan panciptaan tari Gubang.[1]
Ragam Tari Gubang suntiang
Tadapek ampek hal harus diperhatikan dalam tarian melayu iko yaituyo tandak (gerakan-gerakan kaki nan tadiri dari banyak macam langkah jo lonjak), Igal (manakankan pado garakan-garakan badan jo tangan), link (garakan-garakan manunduak jo mangayunkan badan) jo lenggang (bajalan sambia manggarakkan tangan). Ragam gerakan tarian Gubang Persembahan nan biaso dilakukan dek para panari di Kabupaten Asahan dapek diuraikan sabagai barikuik.
- Garakan masuak diawali jo panari wanita nan mampunyoi gerakan manggambarkan datangnyo angin jo buruang-buruang nan batabangan di lauik sambi manari baputa-puta layaknyo saikua buruang nan tabang. Sadangkan panari laki-laki dengan garakan masuak nan manggambarkan aktivitas nelayan nan malempa jalo jo mandayuang parahu. Ragam garak iko manggambarkan aktivitas nalayan.
- Garakan sambah atau sayok, manggambarkan panghormatan kapado para tamu atau panonton nan dilakuan dek panari padusi jo panari laki-laki sacaro basamo-samo. Katiko malakukan sambah atau penghormatan kapado tamu, kapala panari dalam posisi manunduak sabagai tando hormat kapado tamu undangan, kamudian panari babaliak manaiakkan kembali kapalonyo sacaro lambek-lambek hinggo tagak luruih jo kaduo tangan saliang batamu di dado sabagai ucapan salam.
- Garakan maju jo mundur dilakuan jo caro puta ka suok jo ka kida nan dilakuan dek laki-laki jo padusi dengan lenggak lenggok panari nan lincah sarato riang. Sahinggo garakan tasabuik manggambarkan sadang mamariso para tamu undangan.
- Garakan tayang tambar, manggambarkan mambawo jambar (talam nan barisi hidangan) nan akan di suguahan untuak para tamu undangan.
- Garakan melayah marupoan garakan nan manggambarkan mambagi-bagian jambar/ mambagi hidangan kapado para tamu undangan. Dalam garakan iko panari baputa mangaliliangi panari lainnyo saolah-olah sadang mambagikan hidangan kapado tamu.
- Garakan san tabik, garakan nan mampasilakan tamu undangan untuak manyantap hidangan.
- Garakan marajuik jala dan mancabut pedang, dilakuan dek panari padusi manarikan gerakan marajuik jalo. Hal iko manggambarkan kauletan jo kalembutan padusi Asahan dalam kahidupannyo, sadangkan gerakan mancabuik pedang nan dilakuan dek panari laki-laki mancerminkan kagagahan laki-laki asahan dalam kahidupannyo.
- Garakan angka delapan, manggambarkan hilia mudiak jo kasibukan dalam malayani tamu undangan mulai dari manyajikan makanan hinggo tamu salasai manyantap hidangan. Salanjuiknyo, panari malakukan garakan baputa dengan sasamo panari nan saolah-olah sadang malayani tamu undangan.
- Garakan maju mundur, yaitu garakan nan manggambarkan kambali mamariso para tamu undangan apokah alah kasadonyo manyantap hidangan makanan nan alah disajikan.
- Sembah marupoan garakan panutup nan dilakuan dek panari sambia maagia salam penghormatan kapado para tamu undangan jo ucapan tarimo kasih ateh kahadirannyo. Sasudah itu para panari bagarak jalan maninggalkan tampek.[2]
Pakambangan suntiang
Awanyo, tari tasabuik dinamokan tari gebeng karano tarian iko dilakuan di ateh parahu atau rakik. Katika itu, para nalayan mangekspresikan kagambiraannyo dengan manari basamo di ateh parahu.
Sajalan dengan pakambangannyo, tari Gubang alah barubah fungsi. Pado zaman dahulu, tari Gubang bafungsi sabagai sarana pamanggia angin.[3] Tarian iko pun cukuik kental unsur magisnyo. Tarian rakyat iko manjadi sajinih ritual untuak mamanggia angin demi kalancaran aktivitas para nalayan. Namun, sasudah ado panyebaran agamo Islam di kalangan masyarakaik Melayu Sumatra Utara, lambek laun tari Gubang alah pulo mandapek pangaruah. Unsur magis mulai dikurangi bahkan dihilangkan. Hal iko turuik mangubah unsur sakral dari kasenian tasabuik manjadi unsua profan sajo.
Salain lakek dengan unsur magis, tari Gubang alah mampunyoi fungsi sabagai unsua hiburan. Tarian iko manjadi hiburan dek masyarakaik pesisir, tarutamo para nalayan untuak sakadar mangurangi kalatiahan sasudah malauik.
Sabalumnyo, tarian Gubang indak mampunyoi pakem karano dilakukan sacaro bebas jo spontan. Namun, tari Gubang kamudian dibawo ka istana dan dipatontonkan di hadokan rajo. Bantuak tariannyo pun mulai ditata atau disusun untuak dibakukan. Kasenian tari iko kamudian dapek di tarian, baiak dek padusi maupun dek laki-laki.
Tari Gubang mulai bakambang sairiang jo parubahan zaman. Fungsi utamo tarian Gubang manjadi hiburan masyarakaik nalayan sajo katika dipentaskan. Dalam palaksanaannyo, tari Gubang mampunyoi babarapo jinih tarian. Tarian iko mampunyoi ragam fungsi nan disasuaikan jo kabutuahan, yakninyo sabagai tarian panyambutan tamu dalam upacara adaik masyarakaik. Upacara adaik tasabuik, antaro lain, pesta panikahan, panyambutan tamu kahormatan, Sunat Rosul, jo proses pangobatan.
Nyanyian "Didong" acok sakali manjadi pangiriang tari Gubang. Biasonyo lagu nan barisi mantra pamanggia angin iko dibawoan pado awa patunjuakan tarian Gubang. Instrumen musik nan mangiariangi nyanyian tasabuik, yaitunyo duo buah gandang nan ukurannyo indak samo, sabuah gong atau tawak-tawak, jo biola. Dalam patunjuakan, dapek dipagunoan labiah dari ciek alaik musik biola asalkan mampunyoi nada nan sarupo. Musik untuak mangiriangi syair "Didong" iko batempo indak talampau capek.
Kabaradoan tari Gubang iko masih taruih dipatahankan. Tarian Gubang ko alah pulo ditatapkan sabagai salah satu Warisan Budaya Takbenda Indonesia (WBTB) 2017 dari Sumatra Utara salain holat, toge panyabungan, genderang sisibah, dan babae. Tari Gubang indak dikatahui namo panciptanyo atau anonim. Namun, ado duo urang maestro kasenian tari iko nan cukuik tanamo, yaitunyo Nurhabib jo Asrial. Kaduonyo barasa dari Kabupaten Asahan.[4]
Rujuakan suntiang
- ↑ "Tari Gubang Asahan Terima Sertifikat WBTB 2017" (dalam bahasa Inggris). Diarsipkan dari versi asli tanggal 2017-10-16. Diakses tanggal 2017-10-15.
- ↑ Fariani (2016). Tari Gubang Asahan. Banda Aceh: Balai Pelestarian Nilai Budaya (BPNB) Aceh. pp. 7-14. ISBN 978-602-9457-60-5.
- ↑ http://repository.usu.ac.id/handle/123456789/45523[pranala nonaktif permanen][pautan nonaktif salamonyo]
- ↑ catherine_krige (2017-10-10). "Tari Gubang, Warisan Budaya Tak Benda 2017 dari Sumatra Utara - Direktorat Warisan dan Diplomasi Budaya". Direktorat Warisan dan Diplomasi Budaya (dalam bahasa Inggris). Diarsipkan dari versi asli tanggal 2017-10-14. Diakses tanggal 2017-10-15.