Tapai ubi

Tapai ubi atau tapai singkong iolah makanan nan tabuwek  dari ubi nan di paramkan (fermentasikan).Tapai ubi ko dahulu manjadi makanan nan paliang banyak dimakan dek urang tarutamo di acara-acara adaik di suatu tampek. Tapai ubi ko puunyo raso nan khas iyolah raso nan asam-asam manih nan dapek mambuwek badan manjadi labiah angek katiko dingin. Dalam mambuwek tapai ubi ko, ubi itu di param dalam babarapo waktu, biasonyo duo malam panuah.

Mambuek tapai ubi ko payah-payah murah, kadang-kadang ado nan indak dapek jadi tapainyo. Tapai nan indak jadi, biasonyo salah di wakatu mamaram nyo. Tapai ubi nan kurang param (fermentasi) biasonyo akan hambar rasonyo. Biasonyo dalam mambuek tapai ubi, dalam mamakai ubi indak dapek sambarangan. Supayo hasilnyo rancak, ubinyo harus rancak pulo, indak busuak, indak dek ulek dan indak kareh isi ubinyo.

Caro mambuwek tapai ubi nan murah jo gampang harus ado bahan-bahan nyo nan rancak. Bahan-bahan untuak tapai ubi tu iolah 2 kg singkong, 3 buah ragi bulek jo Daun pisang

Caro mambuek Tapai Ubi  ko indak lo payah-payah bana, partamo,Bukak kulik dari singkong atau ubi, lalu dibasuah dan kukus (kukua) sampai empuk atau lunak, Jamua ragi bulek tadi salamo 15 minik , Kalau ubi alah di kukua tadi lah dingin, agie ragi di atehnyo sampai rato, Lalu tungkuih jo daun pisang kasadonyo, bian duo hari duo malam, lalu bukak, harum tapainyo.

Jadi untuak mambuek Tapai Ubi itu indaklah payah. Cuma jumlah dari ubi harus seimbang jo ragi nan di agie. Jan sampai ragi tabanyak dari ubi dan jan sampai ragi saketek dari ubinyo. Tapai ubi ko banyak manfaatnyo, contohnyo dapek maangekan badan katiko wakatu dingin, dan dapek untuak mancagah Anemia, dan dapek lo untuak malalwan sakik darah tinggi.