Tampuo

Tampuo (atau buruang manyar dalam bahaso Indonesia) adolah jinih buruang pamakan biji-bijian (granivora) nan hiduik di habitat padang rumpuik, tapi hutan, rawa, jo parsawahan. Buruang iko biasonyo banyak basobok di Asia, tarutamo di Asia Selatan jo Asia Tenggara. Di Asia Tenggara, ado ampek jinih tampuo, nan tigo di antaronyo ado di Indonesia. Katigo jinih tampuo nan tun adolah: Ploceus philippinus, Ploceus manyar (manyar jambul), jo Ploceus hypoxanthus (manyar emas). Tampuo-tampuo nan dikenal di Indonesia digolongan dalam marga Ploceus anggota suku Ploceidae.^[2]

Tampuo adolah buruang panganyam atau dalam bahaso Inggirih disabuik "weaver bird". Bantuak sarang tampuo cukuik rumik. Saking rumiknyo, bak kecek urang Minang, kusuik sarang tampuo api nan manyalasaikan.^[3] Salain rumik, kadang-kadang tampuo mambuek "pintu icak-icak" untuak mangicuah pamangsonyo. Pintu iko tampak mangango, samantaro pintu nan sabananyo tasuruak. Pamangso nan mancubo masuak ka pintu iko beko basarobok jo jalan buntu, nan indak tasambuang jo rongga tampek talua atau anak tampuo barado.

Reperensi

Ado kategori tantang Tampuo di Wikimedia Commons

↑ Perrins, Christopher M. (toim.) 1994: Handbook of the Birds of Europe, the Middle East and North Africa. – Oxford University Press. Hong Kong. ISBN 0-19-854679-3
↑ Clements, J. F., T. S. Schulenberg, M. J. Iliff, B.L. Sullivan, C. L. Wood, and D. Roberson (2012). "The eBird/Clements checklist of birds of the world: Version 6.7".
↑ Kusuik Sarang Tampuo^{[pranala nonaktif permanen]}. Harian Singgalang.

[Perrins-1] Perrins, Christopher M. (toim.) 1994: Handbook of the Birds of Europe, the Middle East and North Africa. – Oxford University Press. Hong Kong. ISBN 0-19-854679-3

[Clements-2] Clements, J. F., T. S. Schulenberg, M. J. Iliff, B.L. Sullivan, C. L. Wood, and D. Roberson (2012). "The eBird/Clements checklist of birds of the world: Version 6.7".

[3] Kusuik Sarang Tampuo^{[pranala nonaktif permanen]}. Harian Singgalang.

[2]

[1]

[3]