Taman Tirta Sari dan Rumah Kurcaci

Taman Tirta Sari dan Rumah Kurcaci Sonsang nan talatak di Nagari Koto Tangah, Kecamatan Tilatang Kamang, Kabupaten Agam, Sumatera Barat, punyo tampek nan rancak, dulunyo tampek ko adolah tampek bawisata karano kurang dijago dek masyarakaik akibaiknyo Taman Tirtasari indak tarawaik jo indak disanangi. Taman ko dijadian sabagai tampek mancari ikan. Urang nan ado disinan bisasonyo bagotong royong untuak maambiak ikan, urang gaek jo urang mudo pai mamanen ikan. Dahulunyo Jorong Sonsang punyo carito surang katiko panjajahan jo parang PRRI. Tampek markas pahlawan nan disabuik Kompi Biruang. Pahlawan ko naik ka ateh bukik tasia untuak macaliak dima panjajah jo maagiah tau ka masyarakaik untuak sambunyi.

Danau tirta sari tampak dari muko

Carito lainnyo taun 90-an panduduak Jorong Sonsang ko punyo karajinan nan bisa mamabantu Negara Indonesia wakatu itu. Sangaik banyak carito nan Jorong Sonsang ko, sampai ado lo carito gadih ranti.

Akhianyo masyarakaik basipakaik untuak mambukaknyo baliak Taman tirta sari nan di rasmian bukaknyo tahun 2016. Disitu bisa mambari makan ikan, karano taman tirta sari bukan bantuaknyo nan bantuak taman tapi danau buatan nan lah ada sajak dari dulu tapeknyo nan barado di kaki bukik.

Sarana dan prasarana

Karano tampeknyo di kaki bukik mangkonyo udaranyo sajuak. Salain bisa mambari makan ikan disitu bisa jo mancaliak panorama alam, basapeda aia, mancaliak rumah kurcaci (hobbit), jo rumah pohon sambari bafoto. Ado tigo rumah hobbit nan rancak bantuaknyo nan baratokaan rumpuik, ijuiak, jo rumbia, nan indak bisa dihuni. Untuak urang gadang nan ingin mandaki di ateh bukik di ujuang danau buatan ko bisa manikmati kaindahan dari ateh sambari bafoto. rumah kurcaci ko nan tingginyo 1,5 meter dan luwehnyo 3x2 meter untuak satiok rumah kurcaci.

Bawisata ka Taman Tirtasari masuak jo harago tajangkau karano tampeknyo nan indak di punguik pitih, bayianyo tasarah awak atau sukorela. di bukak jam 08.00 nan tutuik jam 18.00 WIB, indak ado batehan hari, dibukak satiok hari,untuak litak indak usah jauh-jauh mancari makan, karano di situ alah ado lapau. Nan jadi makanan lamak nan patuik untuak dicubo adolah karupuak mie.Di sabalah Taman Tirtasari ko lah ado pulo tampek wisata baru adolah Banto Royo.