Taman Nasional Siberut

Taman Nasional Siberut talatak di Pulau Siberut, Kabupaten Kepulauan Mentawai, Sumatra Barat. Taman Nasional nan punyo lueh sakitar 190.500 hektare iko ditetapkan malalui Surat Keputusan Menteri Kehutanan Nomor 407/Kpts-II/1993. Sabalumnyo taun 1981 pulau iko alah ditetapkan sabagai cagar biosfer malalui projek Man and Biosphere UNESCO.

Batang aia di pulau siberut, kabupaten kepulauan mentawai

Di Pulau Siberut tadapek 896 spesies tumbuhan kayu, 31 spesies mamalia, dan 134 spesies buruang. Tadapek pulo ampek spesies endemik primata nan tarancam punah. Kaampek spesies endemik tasabuik adolah siamang Mentawai (bilou, Hylobates klossii), lutung (joja, Presbytis potenziani), monyet Mentawai (simakobu, Simias concolor), jo beruk (bokoi, Macaca pagensis).

Flora Taman Nasional Siberut

Hutan hujan nan menyalimuti pulau ko hampie 65 %. Hutan iko marupoan istana dek kahidupan flora jo fauna karano di pulau ko tasadio sumber makanan jo tampek tingga sarato jo hutan ko baguno sabagai pandukuang kahidupan tradisional masyarakaik Mentawai tarutamo sabagai obat-obatan tradisional.

Fauna Taman Nasional Siberut

Binatang nan banyak ditamui disiko yaitunyo Hylobates klossii (Bilou atau Siamang Kerdil). Bilou marupoan jinih primata nan paliang terkenal di Mentawai. Sacaro anatomis tamasuak jinih ungko tatuo nan masih hiduik dengan bulu-bulu yang jarang bawarna hitam galok dan salapuik antaro jari keduo jo katigo. Pekik Bilou paling sederhana di antaro pekikan ungko, labiah panjang, dan bavariasi. Bilou hiduik bakalompok nan tadiri dari induak jantan jo batino dengan anak-anaknyo nan alum gadang. Bilou tamasuak hewan monogami dengan ciek kaluarga rato-rato tigo sampai ampek individu, sadangkan jumlah anggota dalam ciek kalompok dapek mancapai 11 individu.