Talua barendo
Talua barendo atau talua dadar barendo maupoan jinih makanan olahan talua nan dibuek tipih indak terlalu padek. Mukasuik kato talua barendo disiko sarupo talua nan balubang-lubang sarupo rendo atau renda. Caro mambueknyo pun samo jo mambuek talua dadar nan biaso. Di Minangkabau, Sumatera Barat, talua barendo biasonyo dibuek dari talua itiak nan dicampua jo bawang samo lado. Jinih hidangan ko banyak dijua di rumah makan padang atau kadai nasi.[1]
 Talua barendo | |
| Asa | |
|---|---|
| Namo lain | Talua dadar barendo |
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Talua, bawang |
Caro mambuek
suntiangBahan-bahan untuak mambuek talua barendo tadiri dari talua, lado, bawang merah, daun bawang, garam, jo minyak. Caro mambueknyo dicampua sadolah bahan sarato dikocok. Angekan minyak sampai angek bana supayo bisa kalua rendo taluanyo beko. Masuakan adonan tadi ka minyak, sudah tu digoreng. Sambia digoreng jan lupo dibaliakan supayo masaknyo marato. Goreng sampai kariang jo masak tangahnyo.[2]
Rujuakan
suntiang- ↑ "Talua Dadar atau Talua Barendo". 2020-03-01. Diarsipkan dari versi asli tanggal 2021-06-14. Diakses tanggal 2021-06-14.
- ↑ "Mencicipi Renyahnya Talua Barendo, Telur Dadar Khas Payakumbuh". iNews.ID (dalam bahasa Indonesia). 2019-11-20. Diakses tanggal 2021-06-14.