Talam ampek

Talam adolah dulang yang indak bakaki. Di kecamatan Lintau talam digunoan untuak mambaok seserahan di acara baralek yang disabuik jo talam ampek. Talam ampek marupokan seserahan yang dibawo katiko baralek gadang sasudah  pernikahan. Talam ampek iko dapek di sobokan di Kecamatan Lintau. Urang yang mambaok talam ampek iko biaso sanak keluarga dari pihak bako. Talam ampek iko biasonyo dibao urang kampuang dalam arak-arakan anak daro samo marapulai. Talam ampek iko barisi makanan-makanan. Sarupo paniaram, sikunik atau nasi kunyik, galamai, silamak dan kue-kue lain nyo. Biaso nyo isi dari talam ampek iko akan di bagi-bagian ke urang kampuang nan mambao talam selain talam ampek. Talam ampek iko hanyo dapek disobokan di acara baralek gadang sajo.

Nasi kuniang merupakan makanan yang harus ado dalam talam ampek, atau disabuik juo makanan inti. Nasi kuniang ko tabuek dari puluik jo kunyik. Paniaram adolah makanan pencuci muluik yang wajib adolo ditalam ampek. Paniaram ko tabuek dari tapuang bareh dicampua jo gulo merah. Galamai tamasuak pulo makanan yang wajib ado di talam ampek. Galamai ko tabuek dari puluik, santan, ditambah jo kacang, saka anau, atau gulo merah.

Selain urang kampuang samo bako nan mambao, sanak ipar-ipar bisa juo untuak mambaok talam ampek ko. Biasonyo nan mambaok talam ampek ko disadioan makan di dakek anak daro jo marapulai. Babeda jo tamu undangan lainnyo. Biasonyo arak-arakan ndak dapek balangsuang katiko rombongan talam ampek alun tibo di lokasi. Mako ditungguan dulu rombangan iko tibo baru bisa diadoan arak-arakan anak daro jo marapulai. Biasonyo arak-arakan iko diiringi samo talempong pacik.