Takoyaki
Takoyaki (たこ焼き atau 蛸焼?) adolah makanan ringan Japang babantuak bola-bola ketek nan dibuek dari adonan gandum-jo dimasak dalam kuali panggorengan kusuih. Bola-bola tu biasonyo diisi jo dagiang gurita cancang atau potong dadu (tako), sapiahan tempura (tenkasu), acar sipadeh, jo daun bawang.[1][2] Takoyaki bagian atehnyo dioleh jo saus takoyaki (ampia samo jo saus Worcestershire) jo mayonnaise, dan ditabua rumpuik lauik (aonori) jo ikan cakalang kariang. Ado banyak variasi resep takoyaki, misanyo ponzu (kecap jo dashi dan cuko limau), goma-dare (saus wijen jo cuko) atau cuko dashi.
 Sajian biduak takoyaki | |
| Asa | |
|---|---|
| Nagara | Japang |
| Daerah | Wilayah babahaso Japang |
| Detail | |
| Jinih idangan | Makanan ringan |
| Bahan utamo | Adonan, gurita, sapiahan tempura (tenkasu), acar sipadeh, daun bawang |
Takoyaki mulonyo populer di Osaka,[1] di ma surang tukang jua makanan jalanan banamo Tomekichi Endo disabuik sabagai urang nan patamo mambueknyo pado 1935. Takoyaki diilhami dek akashiyaki, iyolah pangsit bulek ketek dari Kota Akashi di Prefektur Hyōgo nan tabuek dari adonan talua, tapuang, jo gurita.[3] Takoyaki mulonyo poluler di wilayah Kansai, kudian manyeba ka wilayah Kantō sarato wilayah-wilayah lainnyo di Japang. Takoyaki diubuangkan jo pasa kaget (yatai) dan kios-kios jajanannyo, sungguahpun ado banyak pulo rumah makan-rumah makan gadang kusuih takoyaki, tarutamo di wilayah Kansai. Takoyaki kini ko dijua di toko-toko komersial sarupo supermarket jo toserba 24-jam.
Kato "yaki" baasa dari "yaku" (焼く) nan marupoan salah satu caro masak masakan Japang, iyolah "manggoreng atau mamanggang", dan dipakai juo untuak namo masakan Japang lainnyo, sarupo teppanyaki, yakitori, teriyaki, okonomiyaki, jo sukiyaki.[4]
Kuali Takoyaki
suntiang
Kuali panggang takoyaki たこ焼き器 (takoyakiki) atau kadang disabuik juo takoyaki-nabe (たこ焼き鍋) biasonyo barupo wajan nan tabuek dari basi cor nan dipanuahi jo cetakan-cetakan satangah langkuangan bola.[2] Basi taba tu ka mambuek takoyaki dipanehan sacaro marata, nan kudian dicukia baliak mambeuk adonan matahnyo maisi cetakan jo manjadi dasa dari bola takoyaki nan bulek tasabuik. Kompor gas takoyaki komersial lah dipakai dalam festival-festival Japang atau dek padagang kaki limo. Di rumah-rumah, versi listrik pelat panggang (hot plate) atau panggangan kompor (stovetop) juo biaso tasadio.
Satiok rumah di Osaka biasonyo punyo kuali panggang (loyang) takoyakinyo surang untuak mambuek masakan tu di rumah. Sabagai makanan kabanggaan nan acok dijadian lauk untuak makan nasi putiah, panduduak Osaka biasonyo indak padusi maupun laki-laki tau caro mambuek dan dapek mamanggang takoyaki. Bahan-bahan untuak mambuek takoyaki tasadio sacara langkok di toko. Kuali panggang takoyaki marupoan salah satu parabik rumah tangga nan aruih diadiahan dek orangtua kapado anak padusinyo nan manjadi marapulai.
Galeri
suntiang-
Mamasak takoyaki -
Takoyaki diedangan jo saus Worchester Japang dan mayones -
Takoyaki diedangan jo daikon kukua dan tsuyu -
Pasa kaget (yatai) takoyaki di Taman Yoyogi, Tokyo
Caliak pulo
suntiang| Wikimedia Commons mampunyoi media nan bahubuangan jo Takoyaki |
Rujuakan
suntiang- ↑ a b "蛸焼" [Takoyaki] Archived 2007-08-25 di Wayback Machine..
- ↑ a b "Takoyaki" Archived 2007-08-25 di Wayback Machine..
- ↑ Takoyaki - Icon of Osaka
- ↑ Takoyaki, the great street snack
Pautan lua
suntiang- (Indonesia) Nasi Bungkuih Aluminium & Takoyaki Archived 2007-01-04 di Wayback Machine.
- (Inggirih) Octopus Fast Food Griddle Archived 2006-07-08 di Wayback Machine. Sajarah takoyaki
- (Inggirih) Resep takoyaki