Tabek Gadang Sungai Tanang
Tabek Gadang ko talatak di Kanagarian Sungai Tanang, Kecamatan Banuhampu, Kabupaten Agam, Sumatra Barat. Tabek Gadang ko adolah tampek wisata nan lumayan banyak dikunjuangi urang. biasonyo, Tabek gadang ko dijadian tampek baralek acara manangkok lauak dek urang Sungai Tanang. Hari Sabtu jo Minggu banyak urang nan bakunjuang ka Sungai Tanang, khususnyo urang nan tingga disekitar Agam. ado nan dari Padang Lua, Pakan Sinayan jo ado juo nan dari Jam Gadang Bukiktinggi. Tabek Gadang ko dilengkapi jo berbagai macam permainan diantaronyo biduak jo sapeda aia. di Tabek Gadang ko dilengkapi jo bamacam lauak nan rancak-rancak nan digunokan sabagai hiasan di dalam Tabek diantaronyo adolah lauak ameh jo lauak koi. ndk hanyo itu yg bisa d caliak dan di Tabek Gadang tapi pangunjuang atau wisatawan buliah baranang di tabek tu asalkan pangunjuang jan marusak kebersihan Tabek. indak hanyo tampek wisata, Tabek Gadang ko digunokan urang Sungai Tanang untuak malakukan tradisi nan lah lamo dari nenek moyang, tradisi tu namonyo bacarotai yang artinyo tradisi manangkok lauak basamo-samo jo manggunokan alat panangkok lauak yang namonyo diminang tangguak untuak panangkok lauak. tradisi ikolah yang dilakukan urang Sungai Tanang sakali satahun di Tabek Gadang Sungai Tanang Jorong Sungai Tanang Gadang. kagiatan tradisi bacarotai iko dilakukan salapeh subuah nan waktu salasai acara nyo manjalang siang. satiok warga nan ikuik malakukan tradisi acara bacarotai ko dibuliahkan mambaok hasil tangkok an nyo tanpa dipunguik pitih sapersenpun.
