Sutan Aswar
Sutan Aswar (lahia di Padang, Hindia Belanda, 23 Juni 1925 – maningga di Jakarta, Indonesia, 27 Agustus 2006 pado umua 81 taun) adolah salah saurang tantaro nan turuik mambangun Angkatan Udara Republik Indonesia dan marupoan pancipta bensin pesawat (AFTUR) partamo di Indonesia, dek parentah Komodor Udara Halim Perdanakusuma pado taun 1947. Inyo pernah mandapek pendidikan di Technische Hoogeschool (ko kini Institut Teknologi Bandung) sabalun bagabuang dalam perjuangan kamardekaan. Inyo pernah pulo manjabab sabagai nggota Hakim Mahkamah Militer Luar Biasa (Mahmilub), kamudian diangkat manjadi anggota Majelis Permusyawaratan Rakyat Republik Indonesia dari taun 1966-1976.[1]
| Sutan Aswar | |
|---|---|
 Sutan Aswar maso mudo | |
| Lahir | 23 Juni 1925 Padang |
| Meninggal | 27 Agustus 2006 Jakarta |
| Kebangsaan | Indonesia |
| Pekerjaan | Tentara Angkatan Udara Republik Indonesia Hakim Mahmilub Anggota MPR-RI |
| Dikenal atas | Pancipta bensin pesawat patamo di Indonesia |
| Suami/istri | Puti Ida Martunus |
| Anak | Sativa Sutan Aswar Aero Sutan Aswar |
Riwayaik
suntiangKarir di AURI
suntiangIndak ado catatan riwayaik hiduik Sutan Aswar pado maso keteknyo, tapi inyo pernah manjalani pakuliahan di Technische Hoogeschool (sekarang Institut Teknologi Bandung) sabalun maso Revolusi.[2] Pado maso Revolusi, barulah inyo ikuik bajuang demi kamardekaan Indonesia dengan bagabuang ka dalam Angkatan Udara Republik Indonesia (AURI). Pado tanggal 28 Desember 1947 dari Yogyakarta dikirim Tetra Ethyl Fluid (TEL) ka Sumatera untuak produksi bensin pesawat udara. TEL tasabuik ditarimo dek AURI Yogyakarta dari Pabrik Minyak Cepu siso-siso pabrik pado taun 1942. Dari darek, TEL diangkek dari Pekanbaru dan Jambi malalui Bukit Tinggi; Komodor Udaro Halim Perdanakusuma manunjuk OMU-2 Sutan Aswar pado jabatan minyak di Jambi dibantuak SMU Mardjoeki.[3] Bensin udara nan dimaksud iolah bahan bakar nan dipakai untuak manjalankan pesawat terbang. Jinihnyo babedo jo bensin nan dipakai untuak manyalaan oto jo motor.
Alat-alat nan minim dan sederhana bana dibuek dek Japang sabagai instalasi darurat, sahinggo sandirinyo indak sasuai jo standar untuak mambuek bensin ringan sabagai dasar bensin pesawat udara. Baitu juo alat untuak mamareso akurasi hasil gas, hanyo dapek mangatawui jenis jo berat ASTM distillatie.[4] Ahli-ahli dalam pembuatan bensin udara itu indak ado, sadangkan input nan ditarimo dari urang-urang ahli dari Sawahlunto negatif, untuak hub ybs. indak setuju jo kondisi alat nan indak pasamoan (Alm. Jacob dan Soediardjo). Tenaga dari Pabrik Minyak Jambi nan banyak mambari tanaga hanyo saurang tukang nan mangarati seluk-beluk alat sajo, tapi indak ka proses pembuatan bensin udara. Hal iko mambuek kondisi makin rumit.[5]
Kondisi iko mambuek OMU-2 Sutan Aswar jo SMU Mardjoeki, dibantua dek tukang nan ado, barusaho mambaranian diri mangarajokan proses pembuatan bensin udara, resikonyo adolah tanggung jawab OMU-2 Sutan Aswar. Hasil partamo didapek pado akhir Februari 1948. Manuruik contoh nan diparesoan di Cepu, banyak juo dilakuan parubahan dalam fraction bensin dek OMU-2 Sutan Aswar, tapi alun juo memenuhi syarat bensin udara.[5] Pado bulan Maret 1948, maso nan basijarah bana dek Sutan Aswar, pesawat Anson tibo di Jambi, dan dek harus mangisi bensin maka OMU-2 Sutan Aswar berani manyatokan baso bensin udara tasabuik siap untuak dipakai. Mutu bensin udara diasah dek OMU-2 Sutan Aswar, jo ujiannyo dimulai jo hasil bensin udara patamo Indonesia tasabuik. Sajak itu hasil bensin udara dari Jambi taruih digunoan, mulai dari Batang Hari, Sungai Dareh, hinggo ka Sungai Semelidu.[3] Iko marupokan suatu prestasi nan gadang nan aratinyo dalam usaha untuak self help dalam maso perjuangan.
Sasudah maso Kamerdekaan Indonesia, inyo sampek bakarajo sabagai hakim Mahkamah Luar Biasa (mahmilub), mungkin katiko tajadi huru-hara Kominih pado 30 September 1965 dan banyak tajadi pambantaian urang pado maso itu. Katiko masuak maso Orde Baru, inyo mawakili Angkatan Bersenjata Republik Indonesia (ABRI) Angkatan Udara duduak dalam Majelis Permusyawaratan Rakyat Republik Indonesia (MPR-RI) dari taun 1966-1976. Inyo maningga di Jakarta pado tanggal 27 Agustus 2006.[3] Inyo maninggakan tigo anaknyo, di antaronyo Sativa Sutan Aswar dan Aero Sutan Aswar. Sativa iolah saurang ahli kain tradisional nan baminek bana jo kain batik hinggo songket. Karya-karya padusi nan acok dipanggia Atitje itu alah dikenal senasional, salain inyo pernah manulih buku mengenai seni kain urang Minang, di antaronyo Antakesuma Suji Dalam Adat Minangkabau.[6][7] Sadangkan Aero iolah saurang olahragawan cabang jetski bidang internasional. Inyo maraih gelar juara dunia dalam kelas Pro Runabout Stock katiko kompetisi jetski Internasional World Finals diselenggaraka pado tanggal 12 Oktober 2014 di Lake Havasu, Arizona, Amerika Serikat.[8][9]
Panamuan
suntiangGasol udara; 91 oktan untuak Anson, C-47 untuak Dakota, 80 oktan untuak Stinson.
Penghargaan
suntiangSutan Aswar dianugerahi pabagai macam bintang jo tanda jasa:
- Bintang Dharma
- Bintang Gerilya
- Bintang Yudha Dharma Pratama
- Bintang Yudha Dharma Nararya
- Bintang Swa Bhuwana Paksa Pratama
- Bintang Swa Bhuwana Paksa Nararya
- Bintang Sewindu APRI
- Satyalancana Kesetiaan 24thn
- SL Kesetiaan 16thn
- SL Kesetiaan 8thn
- SL Kemerdekaan I
- SL Kemerdekaan II
- SL Sapta Marga
- SL Penegak
- SL Pepera Irian Barat
- SL Dwidya Sistha
- SL HUT AURI X - dll.
Referensi
suntiang- ↑ Soewito, Irna H.N Hadi, Suyono, Nana Nurliana, Suhartono, Soedarini. Awal Kedirgantaraan Indonesia-Perjuangan AURI 1945-1950 ed.1, Yayasan Obor Indonesia, 2008
- ↑ Liputan6.com (2018-10-05). "Sutan Aswar, Ilmuwan Minang Pendiri TNI Angkatan Udara". liputan6.com (dalam bahasa Indonesia). Diakses tanggal 2024-01-22.
- ↑ a b c Afdol, Rian (2022-08-27). "Pencipta Bahan Bakar Pesawat Pertama di Indonesia Ternyata Orang Padang - Laman 2 dari 2". Sumbarkita.id (dalam bahasa Indonesia). Diakses tanggal 2024-01-22.
- ↑ Arya, Mohammad (2017-08-28). "Urang Awak Perintis AURI dan Penemu Bahan Bakar Pesawat Terbang". Padangkita.com (dalam bahasa Indonesia). Diakses tanggal 2024-01-22.
- ↑ a b "Sutan Aswar Asal Sumatera Barat, Pejuang Tangguh dan Pencipta Bensin Pesawat Pertama di Indonesia",https://www.harianhaluan.com/news/109745519/sutan-aswar-asal-sumatera-barat-pejuang-tangguh-dan-pencipta-bensin-pesawat-pertama-di-indonesia diakses tanggal 22 Januari 2024
- ↑ Sastra, Destia. "Puan Puti Reno Sativa Sutan Aswar, Sang Kartini Asal Tanah Datar Itu Total Membina Perajin Kain Tradisional". BAKABA | Bangun Karakter Bangsa (dalam bahasa Indonesia). Diakses tanggal 2024-01-22.
- ↑ Sativa Sutan Aswar. Antakesuma Suji Dalam Adat Minangkabau. Jakarta: Penerbit Djambatan. ISBN: 9794281484
- ↑ "Aero Aswar, Atlet Jetski Muda Indonesia Penakluk Dunia". Asumsi (dalam bahasa Indonesia). 2022-06-14. Diakses tanggal 2024-01-22.
- ↑ TNR, Nurdin Saleh (2014-10-14). "Aero Aswar Raih Gelar Juara Dunia Jetski". Tempo (dalam bahasa Inggris). Diakses tanggal 2024-01-22.