Surau Tinggi Calau
Surau Tinggi Calau (biaso disabuik colou) adolah surau nan talatak di Jorong Subarang Sukam, Nagari Muaro, Kecamatan Sijunjung, Kabupaten Sijunjung. Surau Tinggi Calau barado di kompleks surau nan dinamoan "Kompleks Kampuang Calau". Mamasuki gerbang bajalan kurang labiah 10 m akan tacaliak papan namo batuliskan "Situs Cagar Budaya Surau Tinggi Calau".[1]
| Surau Tinggi Calau | |
|---|---|
| Namo sasuai jo Sistem Registrasi Nasional Cagar Budaya | |
 | |
 Cagar budaya Indonesia | |
| Paringkek | Kabupaten |
| Kategori | Bangunan |
| Lokasi | Jorong Subarang Sukam, Nagari Durian Gadang , Kabupaten Sijunjung |
| Taun panatapan | 30 Desember 2020 |
| Pamiliak | Pemerintahan Kabupaten Sijunjung  Indonesia |
| Pangalola | Pemerintahan Kabupaten Sijunjung |
| Koordinat geografi | 0°40′07″S 100°57′40″E / 0.6686186°S 100.9611871°E |
Surau Tinggi Calau babantuak rumah gadang atok bagonjong ampek. Bantuak bangunan Surau Tinggi Calau ditinggian dari tanah. Bangunan Surau Tinggi Calau dibuek jo struktur dan konstruksi nan tabuek dari kayu kacuali atok nan dibuek dari seng. Sandi dibuek dari batu babantuak pipih nan bafungsi sabagai pondasi bangunan, dan janjang pado bagian sarambi dibuek dari karamik.
Ruang di dalam Surau Tinggi Calau tabagi ateh lanjar dan ruang nan ditandoi dek tiang. Lanjar adolah bagian antaro deretan tiang di muko dan balakang. Samantaro, ruang adolah bagian antaro tiang kiri dan kanan. Surau Tinggi Calau tadiri dari tigo ruang dan tigo lanjar. Bangunan Surau Tinggi Calau mamiliki tujuah tingkok nan taseba pado kaampek sisi bangunan surau.
Rujuakan
suntiang- ↑ Desri Yusfita, Rizka (1 April 2019). "Surau Tinggi Calau". TribunPadang.com. Tribun. Diakses tanggal 31 Agustus 2019.