Surat izin mengemudi

Di Indonesia, Surek ijin mangamudi atau Surat izin mengemudi (SIM) jo identifikasi nan diagiah dek Polri kapado saurang nan alah mamanuhi pasyarekan administrasi, sihaik jasmani jo rohaninyo, paham paraturan lalu lintas jo tarampil mangamudian kandraan bamotor. Satiok urang nan mangamudian kandaraan bamotor di jalan wajib atehnyo mampunyoi surek ijin mangamudi sasuai jo jenis kandaraan bamotor nan dikamudikan (Pasal 77 ayat (1) UU No.22 Taun 2009).

Sisi muko kartu SIM Indonesia.

Sisi balakang kartu SIM Indonesia.

Sabalun Smart SIM Indonesia ado.

paraturan parundang-undangan tabaru iolah Undang-undang Nomor 22 Taun 2009 nan manggantian Undang-Undang Nomor 14 Taun 1992. UU No. 14 Taun 1992 alah dicabuik dan dinyatokan indak balaku lai, tetapi Paraturan Pamarentah Nomor 44 Taun 1993 nan manjalehan UU No. 14 taun 1992 dinyatokan tetap balaku sapanjang indak batantangan atau alum diganti jo nan baru badasarkan UU No. 22 Taun 2009.

Awalnyo, jenis SIM ko hanyo ado SIM A, B jo C sajo, sabalum kamudian dibalakuan aturan nan baru dengan dibueknyo SIM D jo golongan D2 untuak panyandang  cacaik (disabilitas) roda ampek, lalu golongan SIM C dibagi manjadi tigo manuruik kapasitas masin nan digunoan yaitunyo C, C1, dan C2.

Klasifikasi

Sasuai jo Pasal 77 ayaik (2) Undang-Undang No. 22 Taun 2009 tantang lalu lintas jo angkutan jalan, Surek Ijin Mangamudi di Indonesia dapek diklasifikasian ka dalam duo kategori: SIM Kendaraan Bamotor pasauranggan (untuak kandraan pribadi) jo SIM kandraan bamotor umum (untuak kandraan umum).

SIM Pasaurangan

Pasal 80 UU No. 22 Taun 2009 manggolongan SIM Pasaurangan manjadi babarapo jinih:

• SIM A, untuak mangamudian oto panumpang jo barang pasaurangan dengan jumlah barek nan dipabuliahan labiah dari 3.500 kg.
• SIM B1, untuak mangamudian oto panumpang jo barang pasaurangan jo jumlah barek nan dipabuliahan labiah dari 3.500 kg.
• SIM B2, untuak mangamudian kandraan alaik barek, kandraan panarik, atau kandraan bamotor jo manarik kareta tempelan atau gandengan pasaurangan jo barek nan dipabuliahan untuak kareta tempelan atau gandengan labiah dari 1.000 kg.
• SIM C, untuak mangamudian sapeda motor.
• SIM D, untuak mangamudian kandraan khusus bagi payandang disabilitas

SIM Umum

Pasal 82 UU No. 22 Taun 2009 manggolongan SIM Umum manjadi babarapo jinih:

• SIM A Umum, untuak mangamudian kandraan bamotor umum jo barang untuak jumlah barek nan dipabuliahan indak malabihi 3.500 kg.
• SIM B1 Umum, untuak mangamudian oto panumpang jo barang umum dengan jumlah barek nan dipabuliahan labiah dari 3.500 kg.
• SIM B2 Umum, untuak mangamudian kandraan panarik atau kandraan bamotor dengan manarik kareta tempelan atau gandengan dengan barek nan dipabuliahan untuak kareta tempelan atau gandengan labiah dari 1.000 kg.

Mamperoleh SIM

Pasal 77 ayaik (3) dalam UU No. 22 Taun 2009 manyabuikan bahwasanyo "untuak mandapekan surek ijin mangamudi, calon pangamudi harus mampunyoi kompetensi mangamudi nan dapek diparoleh malalui pendidikan jo pelatihan atau baraja surang." Lembaga pendidikan dan pelatihan tasabuik harus mandapekan ijin dan terakreditasi dek pamarentah.

Pasyarekan Pamohonan SIM Pasaurangan

Pasyarekan pamohon SIM pasaurangan dijalehan dalam Pasal 81 ayaik (2), (3), (4), dan (5) UU No. 22 Taun 2009, sabagai barikuik:

1. Usia
   • 17 taun untuak SIM A, C, jo D
   • 20 taun untuak SIM B1
   • 21 taun untuak SIM B2
2. Administratif
   • mamiliki Kartu Tando Penduduk
   • Mangisi formulir pamohonan
   • rumusan sidik jari
3. Kesehatan
   • sihaik jasmani ditandoan dek surek keterangan dari dokter
   • sihaik rohani ditandoan dek surek lulus tes psikologis
4. Lulus ujian
   • ujian teori
   • ujian praktik dan/atau
   • ujian ketrampilan manggunokan simulator

syaraik tambahan badasarkan Pasal 81 ayaik (6) UU No. 22 Taun 2009 untuak satiok pangamudi kandraan bamotor nan akan mangajuan pamohonan;

• Surek ijin mangamudi B1 harus mamiliki SIM A sakurang-kurangnyo 12 (duo baleh) bulan; dan
• Surek ijin mangamudi B2 harus mamiliki SIM B1 sakurang-kurangnyo 60 (anam puluah) bulan.

pasyaraikan pamohonan SIM Umum

Pasyaraikan pamohonan SIM Umum badasakan Pasal 83 ayaik (1), (2), jo (3) UU No. 22 Taun 2009:

1. Syaraik Usia
   • SIM A Umum 17 taun
   • SIM B1 Umum 22 taun
   • SIM B2 Umum 23 taun
2. syaraik khusus
   • Lulus ujian teori
   • Lulus ujian praktik

syaraik tambahan badasakan Pasal 83 ayaik (4) UU No. 22 Taun 2009:

• Pamohonan SIM A Umum harus mamiliki SIM A sakurang-kurangnyo 12 bulan
• Pamohonan SIM B1 Umum harus mamiliki SIM B1 atau SIM A Umum sakurang-kurangnyo 12 bulan
• Pamohonan SIM B2 Umum harus mamiliki SIM B2 atau SIM B1 umum sakurang-kurangnyo 12 bulan

Kamudahan

SIM untuak kandraan bamotor dapek digunoan sabagai SIM kandraan bamotor nan jumlah bareknyo samo atau labiah randah, sabagai barikuik:

• SIM A Umum dapek balaku untuak mangamudian kandraan bamotor nan seharusnyo manggunoan SIM A.
• SIM B1 dapek balaku untuak mangamudian kandraan bamotor nan saharusnyo mangunoan SIM A
• SIM B1 Umum  dapek balaku untuak mangamudian kandraan bamotor nan saharusnyo manggunoan SIM A, SIM A Umum, jo SIM B1.
• SIM B2 dapek balaku untuak mangamudian kandraan bamotor nan saharusnyo mangunoan SIM A jo SIM B1.
• SIM B2 Umum dapek balaku untuak mangamudian kandraan bamotor nan saharusnyo manggunoan SIM A, SIM A Umum, SIM B1 Umum, SIM B2.

Katantuan Pidana

Satiok urang nan mangamudian kandraan bamotor di jalan nan indak mampunyoi surek ijin mangamudi sabagaimano dimaksud dalam Pasal 77 ayaik (1) dipidana jo pidana kuruangan paliang lamo 4 (ampek) bulan atau didando paliang banyak Rp 1.000.000,00 (ciek juta rupiah).

Satiok urang nan mangamudian kandraan bamotor di jalan nan indak dapek manunjuakan surek ijin mangamudi nan sah kandraan bamotor nan dikamudiannyo sabagaimano dimakasuik dek Pasal 106 ayaik (5) huruf b dipidana jo pidana kuruangan paliang lamo 1 (satu) bulan dan/atau dando paliang banyak Rp 250.000,00 (duo ratuih limo puluah ribu rupiah).

Salain pidana, panjaro kuruangan, atau dando, palaku tindak pidana lalu lintas dapek dijatuhi pidana tambahan barupo pancabuikan surek ijin mangamudi atau ganti karugian nan diakibekan dek tindak pidana lalu lintas inyo.

Penandoan pelanggaran lalu lintas pado SIM dilakuan patugas Polri jo pancatatan pado pangkalan data Regident Pengemudi sacaro elektronik dan/atau manual. Tentang iko tatuang di Pasal 73 ayaik (1) jo (2) paraturan Kapolri nomor 9 taun 2012 tentang surek ijin mangamudi.

Pambuatan SIM baru

Pambuatan SIM dapek dilakuan di kantua Satuan Penyelenggara Administrasi SIM (Satpas) tadakek dari domisili KTP pandaftar. Prosedur dapek barubah sasuai jo domisili pandaftar SIM, namun umumnyo sabagai barikuik:

1. Mambuek surek katerangan sihaik jasmani jo rohani nan dikaluakan dek dokter (dapek dilakuan di polres satampek)
2. Manyiapkan fotokopi KTP sabanyak 4 lembar.
3. Mambali formulir pamohonan pambuatan SIM sasuai harago nan ditantuan.
4. Mambayia asuransi sagadang Rp 30.000. Asuransi iko sifaiknyo indak wajib.
5. Isi formulir jo kumpuakan di loket nan alah disadiokan
6. Pandaftar dimintak untuak malalui 2 tahap tes
7. Satelah pandaftar dinyatoan luluih dari kaduo tes tasabuik, pandaftar akan dimintak manunggu panggilan untuak pangambilan foto jo tando tangan ka dalam kartu SIM baru.
8. Pandaftar biasonyo dimintak untuak manunggu di dalam kantua, hinggo SIM baru salasai dicetak.

Jikok pandaftar dinyatokan gagal dalam tes, kepolisian umumnyo akan mamintak pandaftar untuak mangikuti baliak ujian di minggu barikuiknyo.

Mulai 1 Juni 2015, Kepolisian RI jugo manyadiokan aplikasi pamohonan pambuatan dan papanjangan SIM babasis daring, tasentralisasi, jo taintegrasi nan disabuik jo OCI. Sistem iko mamudahan masyarakaik untuak mangajuan panabikan kartu SIM baru atau mampapanjang tanpa tarikaik domisili badasarkan KTP-nyo, sarato otomatih taintegrasi jo basis data kapendudukan jo catatan sipil kemendagri.

Liek pulo

• Tilang
• STNK
• Pangamudi