Surabaya Samator
Surabaya Bhayangkara Samator adolah salah satu klub voli putra profesional nan bamarkas di Kota Surabaya, Jawa Timur. Klub ko marupokan salah satu klub nan ikuik ka dalam kajuaraan Proliga. [3] Tahun 2019 ko, Surabaya Samator manjadi juara pado Proliga 2019 satalah mangalahan regu Jakarta BNI 46 jo skor 3-1. Sabalumnyo, Surabaya Samator alah parnah bahadapan jo Jakarta BNI salamo Proliga 2019, tapi tigo kali kalah malawan Jakarta BNI. [4]
 | |||
| Namo panjang | Surabaya Bhayangkara Samator | ||
|---|---|---|---|
| Namo pendek | SBS | ||
| Namo panggilan | Samator | ||
| Didirian | |||
| Arena | Driyorejo, Gresik | ||
| Manajer | Samator Group & POLRI | ||
| Manajer | Kombespol Nanang Masbudi | ||
| Pelatih | Ibarsjah Djanu Tjahjono | ||
| Liga | Proliga | ||
| 2018 | Juara | ||
| Uniforms | |||
| |||
Grand final ko diadokan di GOR Amongrogo, Yogyakarta. Awalnyo regu Jakarta BNI nan mamimpin di set patamo, namun pado set kadua Surabaya Samator mulai manyusul dan mangalahan Jakarta BNI. Pado duo set barikuiknyo, tim asuhan palatih Ibarsjah Djanu Tjahjono ko indak bisa dikalahkan dan akhirnyo Surabaya Samator manang.[5]
Sijarah suntiang
Surabaya Samator didirian pado 2002 sarato disponsori jo parusahaan Samator Group nan marupoan parusahaan nan mamproduksi gas industri paliang gadang di Indonesia. Surabaya Samator didukung pulo oleh Kepolisian Republik Indonesia untuak mangambangan potensi bola voli nan ado di Indonesia mulai pambinaan hinggo turun di kompetisi sacaro resmi. Karajo samo ko dilakuan di gedung NTMC, Jakarta. [6]
Informasi Pamain suntiang
Pamain klub iko bajumlah 19 urang, nan tamasuak ka dalam urang-urang pilihan untuak mangikuti pertandingan Proliga 2019. Dalam pertandingan iko, Surabaya Samator mamiliah Rendy Febriant Tamamilang atau biaso dipanggia Rendy untuak manjadi kapten pado tim tasabuik. Rendy jugo batugas sabagai open spiker untuak mancetak poin di satiok patandingan. Salain Rendy, adolo Rivan Nur Mulki atau biaso disapo Rivan, marupokan salah satu pamain nan ditakuti jo klub lain dek karano spike kareh pado lawannyo. [7]
Surabaya Samator punyo lo Yuda Mardiansyah nan mandapek posisi sabagai middle blocker. Yuda mampunyoi kakuatan dalam manangkok dan mangumpan bola bahkan dirinyo acok dimasukan ka dalam tim nasional. Ado pulo Nizar Julfikar nan mampunyoi kalabihan dalam maagiah umpan bahkan alah diakui pulo samo palatihnyo. [7]
Adonyo Rendy jo Rivan alun langkok tanpa kahadiran Galih Bayu Saputra dalam patandingan. Hal iko dikaranokan Bayu mamiliki kakuatan untuak manjatuhan lawan. [7] Rendy, Rivan, Yuda, Nizar dan Bayu marupoan pamaian Surabaya Samator nan dimasukan ka dalam pamain timnas. Salain kalimo pamain tasabuik, ado pulo Mahfud Nurcahayadi nan masuak ka dalam pemain timnas. Mahfud marupoan pamain voli nan paliang tuo di Surabaya Samator. [8][7]
Pamain Surabaya Samator indak hanyo pamain lokal, tapi ado pulo pamain asing nan didatangan langsuang dari Kuba, yaitu Yosvani Gonzalez Nicolas jo Reidel Gonzalez Toiran. [9]
Daftar pamain Surabaya Bhayangkara Samator 2019 tadiri dari:
Tabel Pamain suntiang
- Per 2 November 2019.[10]
| No. | Nama | Tanggal lahir | Posisi |
|---|---|---|---|
| 1 |  Ahmad Fadli
|
8 Nopember 1993 | opposite |
| 2 | Galih Bayu Saputra
|
22 Pebruari 1993 | outside hitter |
| 3 | Mahfud Nurcahyadi
|
13 Maret 1989 | libero |
| 4 | Nizar Julfikar
|
9 Desember 1994 | middle blocker |
| 5 | Yuda Mardiansyah
|
22 September 1996 | middle blocker |
| 6 | Faris Nugoroho
|
14 September 1995 | setter |
| 7 |  Yosvani Gonzales Nicolas
|
18 April 1988 | Tosser |
| 8 | Hadi Suharto
|
20 Mai 1996 | opposite |
| 10 | Samsul Kohar
|
30 September 1992 | middle blocker |
| 11 | Rivan Nurmulki
|
16 Juli 1995 | outside hitter |
| 12 | Reidel Alfonso Gonzalez Toiran
|
31 Oktober 1984 | middle blocker |
| 14 | Henry Ade Novian
|
12 Nopember 1998 | setter |
| 15 | Yuniar Setiono
|
7 April 1996 | libero |
| 18 | Rendy Febriant Tamamilang (c)
|
12 Pebruari 1996 | outside hitter |
| 19 | Budi Prasetyo (pebola voli)
|
13 Desember 1994 | outside hitter |
Prestasi suntiang
Surabaya Bhayangkara Samator marupoan tim nan sukses pado kompetisi tatinggi bola voli putra Proliga sajak kompetisi ko diperkenalkan pado 2002. Ado 7 galar nan barhasil didapekan dari tim ko.
Tabel Prestasi Proliga suntiang
| Nasional | ||
|---|---|---|
| Kompetisi | Titel | Musim |
| Proliga | 7 | 2004, 2007, 2009, 2014, 2016, 2018, 2019 |
Prestasi lainnyo nan didapek Surabaya Samator adolah juaro Asian Peace Cup 2019 nan diadokan pado 23-25 Juni 2019 di GOR Simpruk Pertamina Jakarta. Turnamen iko marupokan turnamen persahabatan nan diikuti jo ampek nagaro, Korea Salatan, Korea Utara, Indonesia dan Vietnam, tapi untuak turnamen tim putra hanyo diikuti tigo nagaro yaitu Korea Selatan, Korea Utara sarato Indonesia. [11]
Rujuakan suntiang
- ↑ Informasi klub Surabaya Samator Archived 2019-11-01 di Wayback Machine. STMIK A. Yani. Diakses tanggal 1/11/2019
- ↑ Surabaya Samator, antara prestasi dan dedikasi. Kompasiana.com. 20 Maret 2017. Diakses tanggal 1/11/2019
- ↑ Bola.com (2018-11-23). "Jelang Proliga 2019, Surabaya Samator Datangkan Pemain Asing Baru". bola.com (dalam bahasa Indonesia). Diakses tanggal 2019-12-11.
- ↑ Prasetyo, Hari (2019-02-25). "Proliga 2019: Kunci Surabaya Samator Tekuk BNI di Final". Tempo (dalam bahasa Inggris). Diakses tanggal 2019-12-17.
- ↑ Diah, Femi. "Tim Putra Samator Juara Proliga 2019". detiksport. Diakses tanggal 2019-12-17.
- ↑ "Official Surabaya Bhayangkara Samator Web". mhs.stmikayani.ac.id. Diarsipkan dari versi asli tanggal 2019-11-01. Diakses tanggal 2019-12-11.
- ↑ a b c d Times, I. D. N.; Wulandari, P. "Kenalan Yuk dengan 6 Pemain Voli Andalan dari Surabaya Samator". IDN Times (dalam bahasa Indonesia). Diakses tanggal 2019-12-11.
- ↑ Bola.com (2019-02-26). "Pemain Asing Samator Sarankan Pevoli Indonesia Berkarier di Luar Negeri". bola.com (dalam bahasa Indonesia). Diakses tanggal 2019-12-12.
- ↑ Bola.com (2018-12-17). "Terganjal Kitas, Pemain Asing Samator Belum Bisa Turun di Proliga 2019". bola.com (dalam bahasa Indonesia). Diakses tanggal 2019-12-12.
- ↑ "Daftar Pemain Surabaya Bhayangkara Samator Proliga 2019". Diarsipkan dari versi asli tanggal 1 November 2019. Diakses tanggal 2 November 2019.
- ↑ Bola.com (2019-06-26). "Asian Peace Cup: Setelah Jadi Tuan Rumah, Indonesia Akan Tampil di Korea Utara". bola.com (dalam bahasa Indonesia). Diakses tanggal 2019-12-12.