Sungai Jambu Nagari Asa Nenek Moyang Minangkabau

Sungai Jambu Nagari Asa Nenek Moyang Minangkabau

Nagari sungai jambu mampunyoi ampek jorong, jorong Batur, jorong Bulan Sariak Jambak Ulu, jorong Labuatan jo jorong Sungai Jambu. Bamulo dari jorong Batur, kata Batur barasa dari bahaso Minang, ba aatur (diatur). Tampek partamo kalinyo adaik Minangkabau diukia dek Datuak Katumangguangan jo Datuak Parpatiah Nan Sabatang. Adaik nan alah digambaran salanjuiknyo diperkenalkan ka jorong Jambak Ulu, Jambak Ulu dalam bahaso Minang bararti baliekkan ka hulu. Pajalanan adaik Minangkabau dilanjuikkan ka Bulan Sariak. Disikolah kato mufakaik muncua manganai adaik Minangkabau, papatah Minang mangatoan “bulek aia dek pambuluah, bulek kato dek mufakaik, lah janiah aia dalam tabek, disitu ikan mako tampeklah sudah rundiang baru dimulai bakarajo.

Sejarahnyo

Datuak Maharjo Dirajo nan turun dari Gunuang Marapi, turun dari bukik Siguntang-Guntang, taruih ka Galundi Nan Baselo, baranti datuak di situ, nan dibawo kuciang siam, harimau campo, kambiang hutan. Malintang ka tapi Gunuang Marapi, taruih ka Kuok ka Bangkinang arah di ranah Labuatan. Dek indak tatahan dingin dilapeh pandang ka kiri kanan, takilek candonyo api, tapanca candonyo asok, arah ka Padang Panjang Pariangan. Pajalanan adaik di nagari Sungai Jambu kamudian dilanjuikkan ka nagari Pariangan, tapeknyo di jorong Padang Panjang.