Wikipedia

Suku Simabua

Suku Simabua adolah salah satu suku (klan) di Minangkabau nan saketek bona informasinyo bahkan di Minangkabau indak banyak urang nan tau jo iko. Di sisi lain, kadang urang-urang cuman tau "Simabua" ko nan namo nagari di Kec. Pariangan, Kab. Tanah Data, sadangkan nan suku Simabua ko indak lo tantu de' nyo. Faktanyo suku-suku nan ado di etnis Minangkabau ko ado banyak, tu sangkiang banyaknyo bahkan indak jarang lo urang-urang Minang nan indak familiar tau jo babagai suku nan ado kini ko. Suku Simabua ko ado di babagai nagari nan ado di wilayah Ranah Minang dalam ruang lingkup Prov. Sumatra Baraik. Dari suku ko disabuik ado tokoh-tokoh Minang nan juo sabagai pahlawan nasional di Indonesia.

Suku Simabua di antaronyo ado di Nagari Pandam Gadang, Kec. Gunuang Omeh, Kab. Limopuluah Kota nan tasabuik ado di sinan tokoh Minang nan jadi tokoh nasional juo, bahkan iko disabuik juo salah satu Pahlawan Indonesia, baliau banamo Tan Malaka, nan ayah baliau banamo HM. Rasad Caniago, sadangkan induak baliau banamo Rangkayo Sinah Simabur. Namo "Tan Malaka" ko sabananyo namo datuak, sadangkan tokoh tu aslinyo banamo "Ibrahim", jadi disabuiklah langkoknyo banamo "Ibrahim Datuak Tan Malaka". Dalam riwayaik baliau di sapanjang sajarah Indonesia, dari perjuangannyo Tan Malaka untuak Indonesia ko, disabuik juo baliau sabagai Bapak Republik Indonesia.[1][2]

Salain tu, ado juo di Nagari Palembayan (kini banamo Nagari Ampek Koto Palembayan), Kec. Palembayan, Kab. Agam nan ado juo tokoh Minang nan tokoh nasional juo dari suku ko, disabuik juo salah satu Pahlawan Indonesia, baliau banamo Adnan Kapau Gani, nan ayah baliau banamo Abdul Gani Sutan Mangkuto, sadangkan induak baliau banamo Rabayah.[3] Di sapanjang riwayaik sajarah Adnan Kapau Gani di Indonesia, baliau pernah manjabaik sabagai Gubernur Sumatra Salatan nan patamo dan Wakia Padana Mentri Indonesia nan patamo.

Sudah tu ado juo suku ko di Kel. Parik Muko Aia, Kec. Lamposi Tigo Nagari, Kota Payokumbuah.[4] Suku Simabua nan barado di Parik Muko Aia ko di antaronyo ado duo gala datuak yaitu Datuak Marajo Nan Kuniang dan Datuak Marajo Nan Putiah.[5] Adopun daerah lain di Kota Payokumbuah nan ado suku tu nan ado gala datuak banamo Datuak Bangso Dirajo Nan Kuniang nan bisa dicaliak ado di wilayah adaik Nagari Koto Nan IV,[6] Kec. Payokumbuah Baraik.

Tu di daerah lain nan ado suku ko tu ado juo di Nagari Balimbiang, Kec. Rambatan, Kab. Tanah Data nan di sinan ado bara gala datuak nan di antaronyo tu Datuak Rajo Mangkuto, Datuak Sati, jo Datuak Mantiko Dubalang.[7] Nagari Balimbiang ko disabuik juo nan ado jo Rumah Tuo Kampai Nan Panjang-nyo.[8]

Suku Simabua tu pacahan dari suku Sambilan nan iko ko suku pacahan dari suku Tanjuang.[9] Samo jo suku-suku nan lain, suku Simabua punyo adaik istiadaik nan indak jauah babedo.

Sub-suku

suntiang
  1. Simabua Guguak (di Nagari Balimbiang,[10] Kec. Rambatan, Kab. Tanah Data).
  2. Simabua Sipisang (di wilayah adaik Nagari Koto Nan IV,[11] Kec. Payokumbuah Baraik, Kota Payokumbuah).

Pangulu / Datuak

suntiang
  1. Datuak Tan Malaka (di Nagari Pandam Gadang, Kec. Gunuang Omeh, Kab. Limopuluah Kota).[12][13]
  2. Datuak Marajo Nan Kuniang (di Kel. Parik Muko Aia (wilayah adaik Nagari Lamposi), Kec. Lamposi Tigo Nagari, Kota Payokumbuah).
  3. Datuak Marajo Nan Putiah (di Kel. Parik Muko Aia (wilayah adaik Nagari Lamposi), Kec. Lamposi Tigo Nagari, Kota Payokumbuah).
  4. Datuak Rajo Mangkuto (di Nagari Balimbiang, Kec. Rambatan, Kab. Tanah Data).
  5. Datuak Sati (di Nagari Balimbiang, Kec. Rambatan, Kab. Tanah Data).
  6. Datuak Mantiko Dubalang (di Nagari Balimbiang, Kec. Rambatan, Kab. Tanah Data).
  7. Datuak Bangso Dirajo Nan Kuniang (di wilayah adaik Nagari Koto Nan IV, Kec. Payokumbuah Baraik, Kota Payokumbuah).

Tokoh

suntiang
  1. Amat Datuak Tan Malaka (I).[14]
  2. Ma'ali Datuak Tan Malaka (II).[15]
  3. Abu Tahir Datuak Tan Malaka (III).[16]
  4. Rangkayo Sinah Simabur (induak dari Tan Malaka).
  5. Ibrahim Datuak Tan Malaka (IV) (nan umumnyo disabuik jo namo "Tan Malaka", Bapak Republik Indonesia).[17][18]
  6. Somat Datuak Tan Malaka (V).[19]
  7. Abdul Muis Datuak Tan Malaka (VI).[20]
  8. Hengky Novaron Datuak Tan Malaka (VII).[21][22]
  9. Rabayah (induak dari Adnan Kapau Gani).[23]
  10. Adnan Kapau Gani[24] (Gubernur Sumatra Salatan nan patamo dan Wakia Padana Mentri Indonesia nan patamo).


Caliak pulo

suntiang
  1. ↑ KOMPASTV (8 Oktober 2019). "Risalah Tan Malaka - SINGKAP". YouTube. Diakses pas tanggal 31 Oktober 2021.
  2. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  3. ↑ Pemerintah Nagari Ampek Koto Palembayan - Kec. Palembayan - Kab. Agam (15 Agustus 2024). "A.K Gani: Cadiak Pandai Suku Simabua dari Palembayan". Website Resmi Nagari Ampek Koto Palembayan. Diakses pas tanggal 13 November 2024.
  4. ↑ Masyarakaik suku Simabua di Parik Muko Aia.
  5. ↑ Urang suku Simabua nan ditanyo-tanyo.
  6. ↑ Atviarni (29 Maret 2024). "Niniak Mamak Pasukuan Simabua Sipisang dan Dusun Koto Balai Tabuah Baukia, Dukung Almaisyar untuk Jadi Wako Payakumbuh". HarianHaluan.id. Diakses pas tanggal 13 November 2024.
  7. ↑ Gustariny, Fitriany Febby Adiana (7 September 2024). "Literasi 'Mengenal Rumah Adat Nagari Balimbing (6) Rumah Dt.Rajo Mangkuto'". Gurusiana. Diakses pas tanggal 13 November 2024.
  8. ↑ F, Irfan dan Hady P. (13 November 2016). "Suku Simabua Nagari Balimbing Batagak Rumah Gadang". Pasbana. Diakses pas tanggal 13 November 2024.
  9. ↑ Sumber dari babagai suku Simabua nan ditanyo-tanyo.
  10. ↑ Gustariny, Fitriany Febby Adiana (7 September 2024). "Literasi 'Mengenal Rumah Adat Nagari Balimbing (6) Rumah Dt.Rajo Mangkuto'". Gurusiana. Diakses pas tanggal 13 November 2024.
  11. ↑ Atviarni (29 Maret 2024). "Niniak Mamak Pasukuan Simabua Sipisang dan Dusun Koto Balai Tabuah Baukia, Dukung Almaisyar untuk Jadi Wako Payakumbuh". HarianHaluan.id. Diakses pas tanggal 13 November 2024.
  12. ↑ KOMPASTV (8 Oktober 2019). "Risalah Tan Malaka - SINGKAP". YouTube. Diakses pas tanggal 31 Oktober 2021.
  13. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  14. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  15. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  16. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  17. ↑ KOMPASTV (8 Oktober 2019). "Risalah Tan Malaka - SINGKAP". YouTube. Diakses pas tanggal 31 Oktober 2021.
  18. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  19. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  20. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  21. ↑ KOMPASTV (8 Oktober 2019). "Risalah Tan Malaka - SINGKAP". YouTube. Diakses pas tanggal 31 Oktober 2021.
  22. ↑ Wicaksono, Bayu Adi dan Andri Mardiansyah (14 April 2017). "Jejak Rekam Hengky, Penerus Gelar Datuk Tan Malaka". VIVA.co.id. Padang. Diakses pas tanggal 6 November 2024.
  23. ↑ Pemerintah Nagari Ampek Koto Palembayan - Kec. Palembayan - Kab. Agam (15 Agustus 2024). "A.K Gani: Cadiak Pandai Suku Simabua dari Palembayan". Website Resmi Nagari Ampek Koto Palembayan. Diakses pas tanggal 13 November 2024.
  24. ↑ Pemerintah Nagari Ampek Koto Palembayan - Kec. Palembayan - Kab. Agam (15 Agustus 2024). "A.K Gani: Cadiak Pandai Suku Simabua dari Palembayan". Website Resmi Nagari Ampek Koto Palembayan. Diakses pas tanggal 13 November 2024.
Diambiak dari "https://min.wikipedia.org/w/index.php?title=Suku_Simabua&oldid=3158374"