Suanggi
Suanggi atau swanggi dalam Kamus Besar Bahasa Indonesia (KBBI) diaratian sababagai hantu nan jaek atau buruang-buruang antu, jo pulo disabuik dukun nan bakarajo jo patolongan urang aluih atau juo disabuik makluk aluih.[1] Panamoan Suanggi disabuik juo jo namo Cuwig di Raja Ampat.[2]
Suanggi dalam pamahaman Suku di Halmahera, Suku Tobelo adolah jinih roh aluih nan suko masuak ka dalam rumah urang nan sadang lalok jo mamakan jantuang manusia tarutamo anak-anak. Suanggi daapek diaraatian jo jiwa, nyawa, atau roh nan indak bisa dicaliak, tapi coitu inyo mampunyoi kakuatan nan gadang yang bisa bapanguruah ka iduik manusia.[3]
Di Papua, tapeknyo di Yapen Utara jo Yapen Barat, Suanggi disabuik jo sabutan Nyata di Yapen Utara jo Hinata di Yapen Barat. Masyarakaik di situ manyabuik Suanggi babantuak sarupo sarupo bola api jo dapek tabang.[4] [5]
Masyarakaik di Maluku Barat Daya manyabuikk Pulau Maupora sabagai Pulau Suanggi atawa pula pamuja dubilih. Namo lain dari pulau ketek iko pulo acok disabuik jo pulau ketek iiko sabagai Pulau Batu Timbul (bahaso satampek Watupalpiali) dek karano bantuaknyo nan sarupo batu karang nan muncual di tangah lauik. Pulau Suanggi dalam pandangan ilimu goik adolah istana gadang nan mewah nan tadiri dari tigo bagian, yakni bagian muko untuak tampek pasidangan jo bagian tangah tampek rajo mampimpin rundiang jo bagian balakang tampek pambantaian jo dapua tampek mamasak.[6]
Pulau iko juo disabuik-sabuik mampunyoi batu babantuak meja pasabaahan (altar) darah para korban Suanggi untuak para panguni alam goik. Ado pulu masyarakaik nan manyaburk banamoJopie Dahoklory, jiko ado warga satampek nan sadang saki kirtis, arwah urang tu alah dijapui jo kapa khusus nan dijagi dek sampan-sampan ketek jo anak lanun Kapa barupo ruah-ruah inyiak moyang ataupun Suanggi-Suanggi dari Pulau Maupora.[6]
Asa mulo
suntiangSuanggi indak anyo tanamo di Papua sajo, tapi juo di babarapo Wilayah Timur sarupo Maluku jo Nusa Tenggara Timur, Bisa dikecek an dipicayo dek masyarakaik Timur. Cerita tantang asa mulo Suanggi di Nusa Tenggara Timur bamulo dari saurang amai-amai.[7]
Carito Suanggi nan paliang fenomenal di masyarakai adolah saurang nenek nan manyimpan banyak iri dengki dalam atinyo. Konon iri dengkinyo tasabuik pado sado urang di masyarakaik. Karano raso iri dengki tu amai tu pai ka rimbo untuak manyambah kapado batang kayu gadang di rimbo tu. Inyo manyambah jo basamedi salamo 40 ari.
Salamo 40 ari tu, pado ari ka ampek puluahnyo inyo mandapek an bisiakan untuak manyuruah pulang jo mulai malakuan ilimu nan alah didapek. Namun, salapeh ilimu tu nyo pakai, amai tu malah mati. Masyarakaik nan manamuan mayiknyo kudian maagiah namo Suanggi. Dipicayo arawah amai tu bagantayangan mancari korban.[7]
Manuruik caroyo lain dari Maluku, tapeknyo di daerah Tobelo, Kabupaten di Kepulauan Halmahera juo mancaritian ujuik Suanggi sarupo padusi rancak. Suanggi ko biaso e suko mangaduah laki-laki nan mantiak. Inyo manggoda laki-laki tu untuak bahubungan badan, salapeh tu laki-laki tu dimakannyo.[7]
Ciri-ciri
suntiangSuanggi sabananyo adolah manusia nan punyo ilimu hitam. Suanggi samo jo manusia lain nan iduik di tangah-tangah masyarakat. Suanggi puniduik babaua jo masyarakaik, walau ado juo suanggi nan manatok di rimbo.[4]
Ciri-ciri Suanggi sulik dicaliak jo kasat mato. Suanggi ko banyaknyo kalua di malam ari. Biasonyo warga nan mancaliak suanggi mangecek an kalau suanggi ko mampunyoi ciri-ciri mato manyali, babeda jo mato urang biaso. Ado pulo nan mangecek an bilo tacium baun binatang kuskus, itu aratinyo ado Suanggi barado dalam jarak dakek.
Aksi Suanggi umumnyo banyak jo mambunuah urang. Bahkan untuak iko ado pulo Suanggi nan minta bayaran. Bisa barupu pitih atau pun piriang gantuang yang punyo ilimu tu. Kini ko di Kabupaten Kepulauan Yapen ado babarapo daerah nan masih takuik urang bakunjuang ka situ. Dek karano ilimu ilmu Suanggi nan masih kuaik jo dipunyoi dek warga yaitu i di Poom, Ansus, Woy jo Marau.[4]
Ilimu Suanggi
suntiangIlimu Suanggi lazim digunoan sarupo santet. Jikok santet babantuak kiriman nan dikirim dek urang nan punyo niaik jaek malalui media tatantu, lain halnyo jo suanggi. Pambarian paragiah buruak dilakuan dek urang nan alah tapangaruah dek kakuatan buruak.[7]
Suanggi biasonyo malakuan aksinyo di malam ari. Konon kutiko Suanggi nio mambunuah urang, hanyo jo manggunoan matra jo baco-bacoan sajo atau inyo bisa barubah sarupo bayangan tu pai ka rumah korban. Biasonyo urang nan dikanaian ko akan sakik babarapo ari kudian, sakiknyo dek hal nan indak wajar.
Ubek sacaro medis biasonyo indak biasonyo indak bisa mangatahui sumber panyakiknyo, Mayik korban pulo manjadi santapan bagi suanggi, indak lain untuak manambah ilimunyo. Biasonyo Suanggi makan isi paruik korban jo sabagainyo.[4]
Supayo dapek manjadi Suanggi, uran nan nio manuntuik aruih baraja ka urang nan punyo Suanggi. Ujian untuak manjadi Suanggi barupo dibunuah dek Suanggi, urang nan manuntuik haruih dapek iduik baliak jo ilimu yang alah dipalajari. Caro lainnyo jo kanai mantra dek daun Suanggi. Suangi marupuan namo tanaman, dek mato urang biaso bantuaknyo sarupo daun ubi atau daun pisang. Dalam mato Suanggi daun pisang tu marupoan daun Suanggi. Jikok masuak dalam tubuah, urang nan makan daun suanggi tu dapek kanai panyakin nan indak bisa cegak atau urang nan kanai alah bisa dikecekan sabagai Suanggi tu sandiri.[8]
Korban isu
suntiangWalapun jaman alah barubah, tapi praktik pambunuhana jo stigma Suanggi masih ditamuan. Salah satunyo di Desa Sidabui, Kabupaten Alir, Nusa Tenggara Timur. Sambilan urang dibunuah dek saurang pria nan banamo Yonas. Inyo mambunuah korban tu dek dugaan alah mangirim suanggi ka kapalo desa Sidabui. Disabuik Yonas sambilan urang nan masih dalam satu kaluarga itu mangirim Suanggi nan babantuak kalilawa. Akibaik Suanggi nan dikirim dek korban manyabab an korban munta darah. Walau isu Suanggi ko masih alun jaleh kabanarannyo alah manimbuan sabanyak 9 korban.[9]
Panulak
suntiangBeberapa informasi menyebutkan bahwa Suanggi memiliki beberapa pantangan, yakni jerut purut, ikan poro babi, dan coral laut. Jika Suanggi dihadapkan dengan benda-benda tersebut, Suanggi akan menjadi beringas dan jahat.[4]
Diangkek jadi film
suntiangKisah Suanggi ko diangkek manjadi film fek Rumah produksi Putra Tidore. Film ko marupoan film partamo yang di produksi dek rumah produksi ko. Film ko diparanan dek Doly Martin, Baby Sexyola, Della Puspita, Yati. Film ko disutradari dek sutradara Amir Gumay jo produser Ade Muhammad Nur. Film berdurasi 90 minik ko tayang pado taun 2016.[10]
Pasal pidana atas praktik ilimu hitam
suntiangPanja KUHP DPR manyutujui pasal nan mangatua urang nan manyatoan dirinyo punyo ilimu itam untuak malakuan tindakan buruak. Pasal tu pulo tanamo jo pasal santet. Jiko tabukti, uran nan manggunoan ilimu itam bisa kanai pidana 5 taun pinjaro. [11]
Barikuik bunyi pasal 295 KUHP Buku II Bab V tantang tinda pidana taadok kataratikan umum.
"Satiok urang nan manyatoan dirinyo mampunyoi kakuatan goik, maagiah tahu, maagia harapan, mambasoan jo manantuan bantuan jasa ka urang lain bahwa karano karajonyo dapek manimbuan panyakik, kamatian, pandaritaan mental, jo fisik sasaurang dapek dipidana limo taun pinjaro atau dikanan denda paliang banyak sanilai kategori IV".[3]
Rujuakan
suntiang- ↑ "Pengertian Suanggi".
- ↑ "Islam Raja Ampat dan Mitos Hantu Cuwig: Benturan Agama, Adat dan Kepercayaan Lokal pada Masyarakat Multikultural di Kampung Lilinta Papua Barat". line feed character di
|title=pada posisi 49 (bantuan) - ↑ a b Banjo, Elstonsius; Mainassy, Alfred (2014). ""Suanggi" dalam Perspektif Hukum Pidana". Jurnal UNIERA. 3 (1): 2. Diarsipkan dari versi asli tanggal 2019-10-03. Diakses tanggal 18 Januari 2020.
- ↑ a b c d e Liputan6.com (2019-01-07). "Suanggi, Ilmu Hitam Paling Ditakuti di Tanah Papua". liputan6.com (dalam bahasa Indonesia). Diakses tanggal 2020-01-08.
- ↑ Farhan, Afif. "Suanggi, Hantu yang Paling Ditakuti Orang Papua". detikTravel (dalam bahasa Indonesia). Diakses tanggal 2020-01-08.
- ↑ a b "Wajib Tahu! Maupora, Pulau Di Maluku Yang Jadi Tempat Pertemuan Setan Sedunia - REQnews.com". www.reqnews.com (dalam bahasa Indonesia). 2019-08-31. Diarsipkan dari versi asli tanggal 2020-01-02. Diakses tanggal 2020-06-05.
- ↑ a b c d Jitunews.com (2019-08-22). "Suanggi Hantu Daerah Timur yang Membawa Petaka". Jitunews.com (dalam bahasa Indonesia). Diarsipkan dari versi asli tanggal 2020-06-05. Diakses tanggal 2020-06-05.
- ↑ "Suanggi — Indonesia Mengajar". indonesiamengajar.org. Diakses tanggal 2020-06-05.
- ↑ Tempomedia (1993-03-20). "Sembilan korban suanggi di sidabui". Tempo (dalam bahasa Inggris). Diakses tanggal 2020-06-05.
- ↑ www.kapanlagi.com https://www.kapanlagi.com/showbiz/film/indonesia/suanggi-kisah-ilmu-hitam-dari-indonesia-timur-d28eb8.html. Diakses tanggal 2020-06-05. Tidak memiliki atau tanpa
|title=(bantuan) - ↑ Putra, Wisnu Prasetiyo Adi. "Pasal Santet Disetujui, Dukun Ilmu Gaib Terancam 5 Tahun Bui". detiknews (dalam bahasa Indonesia). Diakses tanggal 2020-06-05.