Sri Parmini
Brigadir Jenderal TNI (Purn.) Dra. Sri Parmini, M.M. (lahia di Boyolali, Jawa Tengah, 12 September 1956; umua 68 taun) adolah purnawirawan pawira tinggi Tantara Nasional Indonesia Angkatan Darat (TNI-AD). Jabatan struktural tarakianyo adolah sabagai Kapalo Sekretariat Umum (Kasetum) TNI dari bulan Februari hinggo Desember 2013. Inyo marupoan padusi katigo nan manyandang pangkek brigadir jenderal di TNI-AD.
| Sri Parmini | |
|---|---|
| Born 12 September 1956 | |
| Sri Parmini.jpg | |
| Place of birth | Boyolali, Jawa Tengah, Indonesia |
| Allegiance |  Indonesia |
| Service/branch |  TNI Angkatan Darat |
| Years of service | 1981 – 2014 |
| Rank |  Brigadir Jenderal TNI |
| Unit | Corps Ajudan Jenderal (CAJ) |
Lahia dari kaluarga non-militer, Sri Parmini mahabihan maso keteknyo di Kota Boyolali. Inyo mamulai karirnyo sabagai pawira di Korps Wanita Angkatan Darat sasudah lulus dari Universitas Negeri Sebelas Maret. Inyo manjalani babagai panugasan di lingkungan Pusat Pandidikan Korps Wanita TNI AD, Dinas Pangamanan jo Pasandian, sarato Komando Daerah Militer Jayakarta sabalum akhianyo ditugaskan sabagai pawira pambantu di Markas Besar TNI-AD pado tahun 2005. Ampek tahun kamudian, inyo dipromosikan manjadi staf ahli Panglima TNI sarato mandapekan kanaikan pangkek manjadi brigadir jenderal. Inyo kamudian dimutasi manjadi Kasetum TNI jo manjabaik dari bulan Februari hinggo Desember 2013. Sasudah maso jabatannyo barakhia, inyo batugas sabagai staf khusus untuak Kapalo Staf Angkatan Darat sampai inyo pensiun.
Kahidupan awal
suntiangSri Parmini lahia pado tanggal 12 September 1956 di Boyolali, Jawa Tengah[1]. Inyo marupokan anak suluang dari ampek basaudara. Ayahnyo adolah guru sakolah dasar (SD), sadangkan ibunyo marupokan ibu rumah tangga nan manghidupi kaluarganyo jo manggaleh barang tambang.[2] Inyo digadangkan sarato manampuah pandidikan dasar hinggo manangah ateh di kota kalahirannyo tu.[3]
Katiko alah lulus SMA, Sri manampuah pandidikan tinggi di Jurusan Pandidikan Sosial Fakultas Ilmu Pandidikan Universitas Negeri Sebelas Maret. Babarapo wakatu sabalum inyo diwisuda dari universitas tu, Sri indak sangajo mancaliak salebaran dari Komando Distrik Militer (Kodim) Surakarta tentang kasempatan untuak bagabuang jo Korps Wanita Angkatan Darat (Kowad) untuak padusi nan alah lulus pandidikan tinggi.[4]
Katiko Sri ka mandaftar manjadi calon anggota Kowad, proses pandaftaran alah ditutuik. Ado bintara banamo Peltu Koesnan kamudian mambantu Sri untuak mandaftar. Sri kamudian manjalani proses seleksi salamo babarapo hari di Bandung. Kamudian inyo ditarimo manjadi calon perwira Kowad katiko dinyatakan lulus seleksi.[4]
Sri nan alah manjadi calon perwira kamudian basobok jo urang tuonyo, kamudian maagiah tau masalah pandaftarannyo. Kaduo urang tuonyo cameh karano mereka sabalumnyo alah marencanakan Sri untuak manjadi guru ilmu pengetahuan sosial di Surakarta. Maskipun ayahnyo awalnyo indak satuju, inyo berhasil mayakinkan ayahnyo.[3] Sri kamudian baliak ka Bandung untuak manampuah pandidikan militer di Pusat Pendidikan Korps Wanita TNI AD (Pusdikkowad). Inyo manyalasaikan pandidikannyo di Pusdikkowad nan kamudian dilantik sabagai letnan satu pado tahun 1981.[4]
Tando jaso
suntiangTando jaso nan pernah di dapek dek Sri Parmini (Per-tanggal 31 Desember 2013)[5]
|
||
|
|
|
|
|
|
| Baris ke-1 | Bintang Yudha Dharma Nararya | ||||||||
|---|---|---|---|---|---|---|---|---|---|
| Baris ke-2 | Bintang Kartika Eka Paksi Nararya | Satyalancana Dharma Bantala | Satyalancana Kesetiaan 24 Tahun | ||||||
| Baris ke-3 | Satyalancana Kesetiaan 16 Tahun | Satyalancana Kesetiaan 8 Tahun | Satyalancana Dwidya Sistha | ||||||
Rujuakan
suntiang- ↑ "Sri Parmini Jenderal Perempuan Ketiga". Surya.co.id (dalam bahasa Indonesia). Diakses tanggal 2022-04-22.
- ↑ Hana (19 Februari 2010). "Inilah Sri Parmini, Brigadir Jenderal Wanita Indonesia Terbaru". Radio Lombok. Diarsipkan dari versi asli tanggal 27 April 2016.
- ↑ a b "Nembak Oke, Ngajari Nembak Mau". JPNN. 25 Oktober 2010. Diarsipkan dari versi asli tanggal 16 Agustus 2021.
- ↑ a b c "Karier Saya Tidak Pernah Direncanakan". Kompas. 19 Februari 2010. Diarsipkan dari versi asli tanggal 16 Agustus 2021.
- ↑ "Foto-foto Jenderal Moeldoko Pimpin Sertijab Petinggi TNI". Tribunnews.com (dalam bahasa Indonesia). Diakses tanggal 2022-04-22.