Wikipedia

Soichiro Honda

Soichiro Honda (本田 宗一郎 Honda Sōichirō?, 17 November 1906 – 5 Agustus 1991) adolah surang insinyua jo industrialis asa Japang.[1] Pado taun 1948, inyo mandirian Honda Motor Co., Ltd. sarato mangawasi pakambangannyo, dari sabuah gubuak kayu pabirik sapeda motor manjadi sabuah parusaoan mobil jo sapeda motor multinasional.[2]

Infobox orangSoichiro Honda
Namo dalam bahaso usali(ja) 本田 宗一郎 Edit nilai pada Wikidata
Biografi
Lahia17 Nopember 1906 Edit nilai pada Wikidata
Shizuoka (id) Terjemahkan Edit nilai pada Wikidata
Kamatian5 Agustus 1991 Edit nilai pada Wikidata (84 tahun (id) terjemahkan)
Juntendo University Hospital (en) Terjemahkan Edit nilai pada Wikidata
Panyabab kamatianLiver failure (en) Terjemahkan Edit nilai pada Wikidata
AlmamaterHamamatsu Advanced Institute of Technology (en) Terjemahkan
Hamamatsu Shiritsu Futamata Elementary School (en) Terjemahkan Edit nilai pada Wikidata
Kagiatan
Bidang karajoHonda (id) Terjemahkan Edit nilai pada Wikidata
KarajoPebisnis (id) Terjemahkan, insinyur (id) Terjemahkan jo pengusaha (id) Terjemahkan Edit nilai pada Wikidata
Kaluarga
AnakHirotoshi Honda (id) Terjemahkan Edit nilai pada Wikidata

Maso awa

suntiang

Honda laia di kampuang Kōmyō, Distrik Iwata, Shizuoka, dakek Hamamatsu, pado 17 November 1906. Inyo maabihan maso keteknyo manolong apaknyo, Gihei, surang tukang basi nan mambuko bengke karetangin. Sadang amaknyo Mika adolah surang tukang tanun.[3] Honda indak tatariak jo pandidiakan tradisional. Sikolanyo manyarahan laporan nilai kapado murik-murik, tatapi musiti dibaliakan jo setempel kaluargo, untuak mamastian baso urang gaeknyo alah malieknyo. Honda mambuek setempel kaluargo palasu dari kajai bakeh panutuik pedal karetangin.[4] Panipuan itu capek tabongka kutiko inyo muloi mambuek setempel palasu untuak murik-murik lainnyo. Honda indak sadar baso setempel aruih dibuek tabaliak sarupo camin. Namo kaluargonya 本田 simetris uruf kanjinyo kutiko ditulih sacaro tagak (vertikal), inggo indak ado masaalah kok dicap, tatapi babarapo namo kaluargo murik-murik lain indak baitu.

Sajak masiah paja ketek, Honda alah sanang bana mancaliak oto patamo nan panah malinteh di kampuangnyo. Pado maso gadangnyo, inyo acok mangatoan baso inyo indak dapek lupo baunyo minyak oli nan taseba dari oto tu.[5] Soichiro panah maminjam salah satu karetangin apaknyo untuak maliek demonstrasi sabuah pasawaik tabang nan dibuek dek pilot Art Smith, nan manguekan cintonyo taradok masin jo panamuan.[4]

Pado usia 15, walau indak ado pandidiakan formal, Honda maninggakan rumah pai ka Tokyo untuak mancari karajo. Inyo ditarimo magang di sabuah bengke oto pado taun 1922. Satalah babarapo lamo indak jaleh kapagawaiannyo, inyo tingga karajo di sinan salamo anam taun sabagai mekanik oto; sabalun kudian baliak ka kampuangnyo untuak mamuloi bisnis bengke otonyo surang pado taun 1928 kutiko usianyo 22 taun.[6]

Honda sato pulo mambalap oto Ford bamasin turbo dalam "Balap Oto Japang Patamo" di Tamagawa Speedway pado taun 1936. Iyo maalami kacilakoan jo luko parah pado mato kidanyo. Sudaronyo lai taluko juo. Satalah itu, inyo baranti mambalap oto.[7]

Pangambangan Honda Motor Co, Ltd

suntiang

Pado taun 1937, Honda mandirian Tōkai Seiki untuak mamproduksi cincin piston untuak Toyota. Salamo Parang Dunia II, sarangan pambom B-29 AS maancuaan pabirik Yamashita Togai Seiki pado taun 1944, jo pabirik Iwata runtuah dek gampo Mikawa 1945. Satalah parang, Honda manjua siso-siso parusaoannya nan masiah dapek disalamaikan kapado Toyota saarago ¥ 450.000, jo mamakai dana nan didapek untuak mandirian Institut Panalitian Teknis Honda pado Oktober 1946. [8][9] Pado 1948 inyo muloi mamproduksi sapeda motor langkok, yaitu Tipe A, nan digarakan dek masin produksi massal patamo nan dirancang Honda, nan tajua sampai 1951. Tipe D pado 1949 adolah sapeda motor sajati bakarangko baja takan, nan dirancang jo diproduksi surang dek Honda bamasin 2-tak, 98 cc (6,0 cu in) 3 pk (2,2 kW); iko manjadi model patamo dalam seri sapeda motor Dream. Society of Automotive Engineers of Japan (dalam bahasa Jepang) mamasuakan model Tipe A jo Tipe D sabagai duo dari 240 Tonggak Teknologi Otomotif Japang.[10][11]

Maso akia

suntiang

Soichiro Honda maningga pado 5 Agustus 1991, babarapo ari sabalu Grand Prix Hongaria, dek karano gaga ati. Ayrton Senna, pamanang Grand Prix, mandedikasian kamanangannyo untuak mandiang Soichiro Honda. Inyo diagiah bintang jaso anumerta Kakaisaran Japang, dinaiakan ka paringkek senior katigo dalam urutan prioritas, jo diangkek sabagai Panjago Aguang dari Ordo Matoari Tabik.[12][13]

Rujuakan

suntiang
  1. ↑ Honda Soichiro di Encyclopædia Britannica
  2. ↑ "Do You Remember September 24,1948 ?". Honda History. Honda Motor Co., Ltd. Diakses tanggal 13 August 2013. Including President Soichiro Honda, there were 34 employees. 
  3. ↑ Sharma, Aditya (31 October 2012). "Honda - It Ain't A Dream Without Everyone Being A Part Of It". AutoSpace. Diakses tanggal 13 August 2013. Mr. Honda wasn’t satisfied with the use of a readymade engine, he wanted to engineer and invent the future of his company. 
  4. ↑ a b Tremayne, David (17 January 2001). "Soichiro Honda: The man behind a legend". Grandprix.com. Inside F1, Inc. Diarsipkan dari versi asli tanggal 15 October 2013. Diakses tanggal 13 August 2013. When Gihei Honda learned what his son had done to get to the airfield, he was more impressed with his initiative, determination and resilience than he was angry with him for taking the money and the bike. 
  5. ↑ "Honda Worldwide - History". honda.com. Diakses tanggal 4 December 2016. 
  6. ↑ "Joy of Manufacturing". Honda History. Honda Motor Co., Ltd. Diakses tanggal 13 August 2013. All kinds of cars were brought to Art Shokai for repair, making it an ideal place for Honda to work and study, eager–even greedy–as he was in his pursuit of knowledge. 
  7. ↑ Brown, Allen. "Soichiro Honda". oldracingcars.com. Diakses tanggal 20 August 2018. 
  8. ↑ Kutipan rusak: Tag <ref> indak sah; indak ado teks untuak ref banamo Alexander2008
  9. ↑ Kutipan rusak: Tag <ref> indak sah; indak ado teks untuak ref banamo Falloon2005
  10. ↑ "Honda Type A". 240 Landmarks of Japanese Automotive Technology. Society of Automotive Engineers of Japan, Inc. Diarsipkan dari versi asli tanggal 6 February 2012. Diakses tanggal 12 August 2013. The Type A was basically a ready-made bicycle on which was mounted the first independently designed mass-produced engine to carry the Honda name. 
  11. ↑ "Honda Dream Type D". 240 Landmarks of Japanese Automotive Technology. Society of Automotive Engineers of Japan, Inc. Diarsipkan dari versi asli tanggal 15 May 2014. Diakses tanggal 12 August 2013. This was the first model in the Dream series of motorcycles. 
  12. ↑ Kutipan rusak: Tag <ref> indak sah; indak ado teks untuak ref banamo Sendoff
  13. ↑ Hart, Marion (June 2012). "Soichiro Honda Biography". ASME Intl. Diakses tanggal 13 August 2013. He was inducted into the Automotive Hall of Fame in 1989, taking his place beside Henry Ford, Walter Chrysler, Alfred Sloane of General Motors and Karl Benz. 

Pautan lua

suntiang
Wikiquote punyo koleksi kutipan nan berkaitan jo:
Diambiak dari "https://min.wikipedia.org/w/index.php?title=Soichiro_Honda&oldid=3147208"