Soekarno M. Noor
H. Soekarno Mohammad Noor (lahia 13 September 1931 – maningga 26 Juli 1986 pado umua 54 taun) adolah saurang aktor jo sutradaro Indonesia. Inyo alah dinominasian dalam babagai pangharagoan film, tamasuak ampek Piala Citra Festival Film Indonesia, nan mamanangkan tigo di antaronyo, yaitu sabagai aktor tabaiak untuak parannyo dalam film Anakku Sajang (1957), Dibalik Tjahaja Gemerlapan (1966) jo Kemelut Hidup (1977).
Soekarno M. Noor | |
|---|---|
,_p7.jpg) | |
| Lahia | Soekarno Mohammad Noor 13 September 1931 |
| Maningga | 26 Juli 1986 (umua 54) |
| Kabangsaan | Indonesia |
| Namo lain | Soekarno M. Noor |
| Karojo | Aktor |
| Taun aktif | 1949–1986 |
| Pasangan | Lily Istiarti |
| Anak | 6, tamasuak Tino Karno, Rano Karno jo Suti Karno |
| Dusanak | Ismed M. Noor (adiak) |
Riwayaik hiduik
suntiang
Soekarno M. Noer lahia di Batavia, Hindia Balando (kini Jakarta) dari pasangan Mohammad Noer jo Janimah asa Bonjol, Sumatera Barat.[1][2] Apaknyo adolah saurang wartawan surek kaba Pemandangan di Jakarta. Katiko inyo baumua duo taun, apaknyo maningga dunia. Inyo sarato jo adiaknyo, Ismed M. Noor, kamudian pulang kampuang ka Bonjol. Akibaik hiduik susah, inyo parnah bajualan sabun jo lado kutu sambia bajalan kaki dari kampuangnyo ka Lubuak Sikapiang. Kaluargonyo kamudian pindah ka kota Tebing Tinggi, tampek inyo malanjuikan sakolah SMP di Pematangsiantar, Sumatera Utara.[3]
Karier
suntiangSabalum manjadi bintang film, Soekarno parnah bakarajo sabagai pagawai di kantua pos. Inyo mamiliah baranti sabagai pagawai karano nio mawujuikan cito-citonyo sabagai aktor. Barkat jariah payahnyo, inyo barhasil mambintangi film partamonyo nan bajudul Musafir Kelana pado taun 1953.[4]
Salamo bakarier, inyo alah mambintangi labiah dari 68 judul film sabagai pemeran utamo, kiro-kiro 30 judul film sabagai pemeran figuran, jo 20 judul drama. Soekarno tacatat alah tigo kali tapiliah sabagai Aktor Terbaik dalam Festival Film Indonesia (Piala Citra), masiang-masiang dalam film Anakku Sajang (1960), Dibalik Tjahaja Gemerlapan (1967), jo Kemelut Hidup (1979).[4]
Maningga dunia
suntiangSoekarno M. Noor maningga dunia di Jakarta pado tanggal 26 Juli 1986 akibek panyakik kanker. Janazahnyo dikubuan di TPU Tanah Kusir, Jakarta Salatan.[5]
Kaluarga
suntiangDari parnikahannyo jo Lily Istiarti, inyo dikaruniai anam urang anak, babarapo di antaronyo maikuiki jajak apaknyo manjadi bintang film, tamasuak Tino Karno, Rano Karno, jo Suti Karno.[6]
Salain itu, adiaknyo nan banamo Ismed M. Noor sato pulo manjadi aktor pado taun 1970-an.[7]
Filmografi
suntiangFilm
suntiangPangharagoan jo nominasi
suntiang| Pangharagoan | Taun | Kategori | Karya nan dinominasian | Hasil |
|---|---|---|---|---|
| Festival Film Indonesia | 1960 | Pemeran Utama Pria Terbaik | Anakku Sajang | Manang |
| 1967 | Di Balik Tjahaja Gemerlapan | Manang | ||
| 1979 | Kemelut Hidup | Manang | ||
| 1986 | Pemeran Pendukung Pria Terbaik | Opera Jakarta | Nominasi | |
| Aktor-Aktris Terbaik PWI | 1972 | Aktor Terbaik | Si Gondrong | Runner-up IV |
| 1973 | Lingkaran Setan | Runner-up I | ||
| 1974 | Jembatan Merah | Manang | ||
| 1975 | Raja Jin Penjaga Pintu Kereta | Manang |
Rujuakan
suntiang- ↑ Gol A. Gong, Rano Karno: Si Doel, Gramedia Pustaka Utama, 2016
- ↑ Lambert M Surhone, Mariam T Tennoe, Susan F Henssonow, Soekarno M. Noer, VDM Verlag Dr. Mueller AG & Co. Kg, 2010
- ↑ S.M. Ardan, Jejak Seorang Aktor Sukarno M. Noor Dalam Film Indonesia, Aksara Karunia, 2004
- ↑ a b "Soekarno M Noor di Situs Kemdikbud". Kemdikbud. Diarsipkan dari versi asli tanggal 2024-01-04. Diakses tanggal 4 Januari 2024.
- ↑ "Soekarno M Noor: Legenda Aktor Watak Indonesia". ceknricek.com. Diakses tanggal 4 Januari 2024.
- ↑ "Mengenal Soekarno M. Noor". Banten Post. Diakses tanggal 4 Januari 2024.
- ↑ "Ismed M Noor di Indonesia Film Center". Indonesia Film Center. Diakses tanggal 4 Januari 2024.
Pautan lua
suntiang- (Inggirih) Sukarno M. Noor pado Internet Movie Database.
| Pangharagoan dan prestasi | ||
|---|---|---|
| Didaului jo: Kaharuddin Syah Film : Letnan Harahap (1978) |
Pemeran Utama Pria Terbaik (Festival Film Indonesia) Film : Kemelut Hidup (1979) |
Digantian dek: Maruli Sitompul Film : Laki-Laki dari Nusakambangan (1981) |
| Didaului jo: Soekarno M. Noer Film : Anakku Sajang (1960) |
Pemeran Utama Pria Terbaik (Festival Film Indonesia) Film : Dibalik Tjahaja Gemerlapan (1967) |
Digantian dek: Benyamin Sueb Film : Intan Berduri (1973) |
| Didaului jo: A.N. Alcaff dan A. Hadi Film : Lewat Djam Malam dan Tarmina (1955) |
Pemeran Utama Pria Terbaik (Festival Film Indonesia) Film : Anakku Sajang (1960) |
Digantian dek: Soekarno M. Noer Film : Dibalik Tjahaja Gemerlapan (1967) |