Wikipedia

Smile (film 2022)

Smile adolah ciek dari sakian banyak film horor supernatural psikologis nan bahasa dari Amerika Serikat (rilih tahun 2022) film ko ditulih dan disutradarai dek Parker Finn. Film ko manjadi debut panyutradaraan film panjangnyo. Karya Finn sabalumnyo barupo film pendek (tahun 2020) nan batajuak Laura Hasn't Slept. Film ko dibintangi dek Sosie Bacon subagai terapis banamo Rose Cotter, yang sasudah mancaliak pasien bunuah diri jo caro nan ndak masuak di aka. Hal tasabuik mambuek Rose mulai marasoan hal-hal aneh dan manyakikan. Kajadian-kajadian nan nyo alami mambueknyo pacayo kalau nan nyo alami dan nyo caliak adolah hal-hal nan bahubuangan jo supernatural. Film ko (Smile, 2022) turuik dibintangi dek Jessie T. Usher, Kyle Gallner, Kal Penn dan Rob Morgan, sarato Caitlin Stasey nan manjadi karakter nan samo Jo nan nyo mainkan di dalam film pendek (Laura Hasn't Slept)

Smile
Berkas:Smile (2022 film).jpg
Poster resmi
SutradaraParker Finn
Produser
  • Marty Bowen
  • Wyck Godfrey
  • Isaac Klausner
  • Robert Salerno
PanulihParker Finn
Badasar padoLaura Hasn't Slept
oleh Parker Finn
Pamain
Musik dekCristobal Tapia de Veer
SinematografiCharlie Sarroff
PanyuntiangElliot Greenberg
Parusahaan
produksiy
  • Paramount Players
  • Temple Hill Entertainment
DistributorParamount Pictures
Tangga rilis

(Fantastic Fest)

(Amerika Serikat)

Durasi
115 menit
NagaraAmerika Serikat
BahasoInggris
Pandapekan kotor$217.4 juta[1]

Adaptasi film panjang dari film pendek Finn diumumkan pado bulan Juni 2020, dan pamainnyo ditambahan pado bulan Oktober 2021. Gambar utamo diambiak pado bulan itu juo di New Jersey dan salasai di bulan November. Awalnyo dirancanoan untuak rilih di layanan streaming Paramount+, tapi distributor Paramount Pictures mamiliah untuak marilih film ko sacaro teatrikal sasudah hasil panayangan nan positif.

Smile ditayangkan partamo kali di Fantastic Fest tanggal 22 September 2022, dan rilih di Amerika Serikat pado tanggal 30 September. Film ko umumnyo mandapek ulasan positif dari kritikus, nan mamuji visual, tema, sinematografi, sarato penampilan Bacon, tapi ado kritik untuak subagian jumpscare nan mirip jo film horor lain. Film ko mandapek box office, dan mandapek labiah dari $217 juta di saluruah dunia jo anggaran $17 juta. Bagian kaduonyo, Smile 2, dirilih pada tahun 2024.

Plot

suntiang

Di bangsal psikiatri, terapis Dr. Rose Cotter basobok jo mahasiswa pascasarjana (Laura Weaver) nan manjalehan masonyo inyo nampak profesornyo maningga dek bunuah diri. Laura mayakini kalau inyo diteror dek makhluk gaib. Makhluk tasabuik acok muncua subagai urang-urang nan senyum lebar dan alah maramal kamatiannyo. Laura mulai mamakiak dan panik, kamudian Rose maminta bantuan. Laura tibo-tibo manjadi tanang dan senyum tanpa alasan nan jaleh, kamudian manggorok lihianyo surang dan mambuek Rose sumakin katakuikan.

Isuaknyo, pasien lain nan banamo Carl batingkah sarupo Laura dan mamakian ka arah Rose sambia mangecekan kalau inyo ka mati. Rose kamudian mamanggia perawat lain untuak Manahan Carl, tapi kironyo Carl salamo ko Sadang lalok. Hal tasabuik mambuek Dr. Morgan Desai prihatin jo kondisi kesehatan mental Rose. Dek karano itu, inyo manyuruah Rose untuak maambiak cuti salamo saminggu. Sialnya, halusinasi Rose indak baranti dek karano maambiak cuti, malahan Rose sumakin mambuek urang-urang tadakeknyo khawatir karano ado kemungkinan nyo akan manyakikan dirinyo surang. Rose pun Pai KA mantan terapisnyo nan banamo Dr. Madeline Northcott nan kamudian manyatokan masonyo masalah Rose bamulo dari maso keteknyo nan wakatu itu mancaliak kamatian ibunyo nan kejam dan sakik mental dikaranokan overdosis.

Di lain hari Rose tibo ka acara ulang tahun kamanakannyo, anak dari uninyo, Holly. Katiko kamanakannyo mambukak hadiah dari Rose, inyo pun takajuik karano kotak tasabuik baisi kucing Rose nan alah mati padahal sabalunyo Indak itu nan dihadiahkan dek Rose untuak kamanakannyo. Rose pun maalami gangguan publik dan mancaliak salah saurang tamu tasanyum ganjia ka arahnyo nan mambueknyo jatuah ka meja kaco dan taluko. Hal tasabuik mambuek Rose yakin kalau inyo alah manjadi korban kutukan, meskipun subananyo Trevor (tunangannyo) kalau inyo alah gilo.

Rose alah mancubo maelokan hubungannyo jo Trevor, tapi baujuang berang dek karano Trevor manalepon Madeline untuak maagiah intervensi psikologis tanpa maminta izin ka Rose labiah dulu. Kesal dek itu, Rose pun pai untuak mangecek jo Holly nan kironyo ikuik manulak kayakinan Rose bahwasannyo inyo dikutuak. Holly manyamoan parangai Rose jo almarhum ibunyo.

Di suatu wakatu, Rose pai ka rumah maso keteknyo dan sadar bahwasannyo inyo indak dapek malanjuikan kutuakan kok inyo mati surang. Kamudian, entitas tasabuik muncua subagai ibu Rose dan tabukak bahwasannyo wakatu Rose ketek nyo Indak manolong amaknyo dikaranokan amaknyo nan kasa. Entitas tasabuik taruih manyarang Rose dan makin angek. Rose pun akhianyo pai babaliak ka apartemen Joel, tapi tibo di sinan nyo mancaliak Joel senyum ganjia ka arahnyo. Inyo sadar bahwasannyo itu hanyo halusinasi sajo.

Nyatonyo, Joel alah malacak telepon Rose ka rumah lamonyo dan manyobokannyo di lua rumah. Rose nan panik pun babaliak lari ka dalam rumah dima entitas tasabuik manampakkan wujud aslinyo, sosok semi humanoid tanpa kulik kapalo jo rahang cacat nan basarang di dalam muncuang gadangnyo nan tasanyum. Panampakan tasabuik mambuek Rose kasurupan karano entitas tasabuik mamaso masuak ka badan Rose lewaik muluiknyo. Joel nan mandobrak pintu rumah dan mancaliak Rose Sadang tasanyum sambia mambaka dirinyo, dek karano itu Joel pun manjadi urang nan malanjuikan kutuakan.

Pamain

suntiang
  • Sosie Bacon subagai Rose Cotter
  • Kyle Gallner subagai Joel
  • Jessie T. Usher subagai Trevor
  • Robin Weigert subagai Dr. Madeline Northcott
  • Caitlin Stasey subagai Laura Weaver
  • Kal Penn subagai Dr. Morgan Desai
  • Rob Morgan subagai Robert Talley
  • Gillian Zinser subagai Holly
  • Judy Reyes subagai Victoria Muñoz
  • Jack Sochet subagai Carl Renken
  • Nick Arapoglou subagai Greg
  • Perry Strong subagai Detective Buckley
  • Dora Kiss subagai Mom
  • Sara Kapner subagai Stephanie
  • Kevin Keppy subagai Nightmare Mom
  • Marti Matulis subagai The Monstrosity

Panarimoan

suntiang

Di situs web agregator ulasan Rotten Tomatoes, film ko mandapek rating satuju 79% berdasarkan 195 ulasan, dan rating rato-rato 6,6/10. Konsensus kritis situs tasabuik babunyi, "Visual nan sangaik ngeri dan Sosie Bacon nan manonjol sumakin maningkekan eksplorasi trauma Smile nan mambuek rasah, manambah fitur langka nan bakambang sacaro mamuehan dalam wakatu singkek."[3] Di Metacritic, film ko mamiliki skor rato-rato tatimbang 68 dari 100, berdasarkan 32 kritikus, nan manunjuakan "ulasan nan umumnyo disukoi".[4] Panonton nan disurvei dek CinemaScore maagiah film ko nilai rato-rato "B–" pado skala A+ hinggo F, samantaro penonton nan disurvei di PostTrak maagiah skor positif kasadonyo 69%, jo 53% manyatokan kalau urang tu pasti akan merekomendasikan film tasabuik ka urang lain.[5]

Referensi

suntiang
  1. ↑ Templat:Cite Box Office Mojo
  2. ↑ Rubin, Rebecca (September 28, 2022). "Billy Eichner's Gay Rom-Com 'Bros' Takes on Creepy Thriller 'Smile' at Box Office". Variety. Diakses tanggal September 28, 2022. 
  3. ↑ "Smile (2022)". Rotten Tomatoes. Diakses tanggal 17 November 2024. 
  4. ↑ "Smile (2022) Reviews". Metacritic. Diakses tanggal April 2, 2023. 
  5. ↑ D'Alessandro, Anthony (October 2, 2022). "'Smile' Sees $2M In Previews, 'Don't Worry Darling' Ends First Week With $25.5M+ – Box Office". Deadline Hollywood. Diakses tanggal October 2, 2022. 

Pranala lua

suntiang

Templat:Parker Finn

Diambiak dari "https://min.wikipedia.org/w/index.php?title=Smile_(film_2022)&oldid=3158486"