Skandinavia

Skandinavia marujuak ka duo nagara (Norwegia jo Swedia), nan talatak di Tanjuang Skandinavia, ditambah Denmark.

Tanjuang Skandinavia punyo populasi nan randah sarato tatutui jo hutan pinus, birch jo, cemara. Di bagian barat jo utara ado pagunuangan. Pagunuangan Skandinavia adolah salah satu pagunuangan tatuo di dunia. Gunuang nan tatinggi adolah Galdhøpiggen di Norwegia.

Denmark adolah nagara Skandinavia nan paliang ketek, populasinyo labiah padek, dan banyak nan dari lahannyo digunokan untuak patanian. Kopenhagen, ibukota dari Denmark, adolah kota tagadang di Skandinavia.

Skandinavia adolah bagian dari Nagara Nordik nan mancakuik juo Islandia jo Finlandia. Kalima nagara ko mangkoordinasi aktivitas politik jo kabudayoan di Dewan Nordik. Denmark, Finlandia, jo Swedia adolah anggota Uni Eropa. Sadangkan Norwegia jo Islandia adolah anggota Asosiasi Perdagangan Bebas Eropa (EFTA)

Bahaso-bahaso di Skandinavia amaik bakaitan sarato kabanyakan urang Skandinavia dapek mangarati satu samo lain. Bahaso Skandinavia tamasuak dalam bahaso Jermanik, sarumpun jo bahaso Jerman dan Inggris.

Satiok nagara punyo mato uangnyo masiang masiang, walaupun banamo samo, krona atau krone. Ciek krona tabagi lai manjadi 100 øre atau öre. Nilai dari ciek krona kiro-kiro sakitar 10-15 seneuro.

Sapanjang sijarah, nagara-nagara Skandinavia alah malalui parang jo pabatasannyo alah baubah labiah dari sakali, namun kini Skandinavia adolah nagara nan cukuik damai.

Panambahan nagara utama Skandinavia:

Denmark (Monarki konstitusional jo sistem parlementer)
Norwegia (Monarki konstitusional jo sistem parlementer, kemerdekaan sajak 1905)
Swedia (Monarki konstitusional jo sistem parlementer)

nagara utamo Nordik sabagai barikuik:

Finlandia (Republik parlementer, mardeka sajak 1917)
- Åland (propinsi otonomi di Finlandia sajak 1920)
Kapulauan Faroe (sabuah wilayah otonomi dalam nagara Denmark, punyo pamarintahan surang sajak 1948)
Greenland (sabuah wilayah otonomi dalam nagara Denmark, mambantuak pamarintahan surang sajak 1979)
Islandia (Republik parlementer, mardeka sajak 1918, manjadi bagian dari Denmark hinggo1944)
Svalbard, marupokan wilayah nan tamasuak dalam kadaulatan Norwegia, indak dianggap sabagai bagian dari wilayah sijarah budayo Skandinavia, tapi marupokan bagian dari karajoan Norwegia (sejak 1925), tamasuak dalam nagara-nagara Nordik.

Pautan lua

"Scandinavia: Official Website of the Scandinavian Tourist Boards in North America". Scandinavian Tourist Boards in North America, Globescope Internet Services, Inc. 2005. Diarsipkan dari versi asli tanggal 4 June 2013. Diakses tanggal 5 September 2008.
Nordic Council – Official site for co-operation in the Nordic region
Nordregio – Site established by the Nordic Council of Ministers
Scandinavia House – The Nordic Center in New York, run by the American-Scandinavian Foundation
Scandinavia News – Scandinavia news and analysis of current events
Historical atlas of Scandinavia – Personal web site of Örjan Martinsson
ReRailEurope Archived 2015-04-13 di Wayback Machine. – A Railway map of Scandinavia (flash file)
vifanord – a digital library that provides scientific information on the Nordic and Baltic countries as well as the Baltic region as a whole