Sjaiful Bahri

Sjaiful Bahri adolah saurang musisi, pamimpin orkestra jo pangarang lagu dari Minangkabau. Baliau lahia di Payakumbuah tanggal 9 September 1924, maningga umua 52 tahun di Tokyo Jepang tanggal 5 Desember 1976 . Bakat Sjaiful Bahri mulai taliek sajak baliau bagabuang jo kalompok musik wakatu pandidikan di Meer Uitgebreid Lager Onderwejs (MULO) kayutanam Sumatera Barat. Barikuiknyo Sjaiful Bahri marantau ka Jakarta. tahun 1940. Sjaiful Bahri tapiliah manjadi pamain biola Orkes Studio Djakarta. Sapuluah tahun barikuknyo Sjaiful Bahri alah manjadi pamimpin Orkes Studio Djakarta salamo satu pariode. Sjaiful Bahri basamo Titiek Puspa, Bing Slamet, Sam Saimun, S. Effendy jo Mochtar Embut alah pai ka babarapo nagari di Malaysia. Wakatu Sjaiful Bahri di Malaysia, timbua panggana manulih lagu bajudul "Semalam di Malaya" nan dilagukan dek S. Effendi. Sajak tu Sjaiful Bahri mamilih karajo di Malaysia, satalah tu kalua lagu-lagu nan lain diantaronyo bajudul "Senjakala", "Surat Tak Bernama', kenangan Masa' jo "Fajar harapan". Sjaiful Bahri pandai pulo balagu dan main fil bajudul "Terimalah Laguku" tahun 1952. Di studio Merdeka malaysi, Sjaiful Bahri manulih Music Score Film jo namo Surya Buana di film'Jauh di Mata" tahun 1964.