Situs Gunuang Padang

Situs Gunuang Padang marupokan situs prasejarah paninggalan kabudayaan Megalitikum di Jawa Barat. Tapeknyo barado di pabatehan Dusun Gunuang padang dan Panggulan, Desa Karyamukti,Kecamatan Campaka, Kabupaten Cianjur. Lokasi dapek dicapai 20 kilometer dari pasimpangan kota kecamatan Warungkondang, dijalan antaro Kota Kabupaten Cianjur dan Sukabumi. Lueh kompleks utamonyo kurang labiah 900 m², talatak pado katinggian 885 m dpl, dan areal situs iko sakitar 3 ha, manjadikannyo sabagai kompleks punden barundak tagadang di Asia Tenggara.

Panamuan

Laporan patamo manganai kaberadoan situs iko dimuek pado Rapporten van de Oudheidkundige Dienst (ROD, "Buletin Dinas Kepurbakalaan") taun 1914. Sajarawan Belando, N. J. Krom juo talah mayinggungnyo pado taun 1949. Satalah sampek "talupokan", pado taun 1979 tigo panduduak satampek, Endi, Soma, dan Abidin, malaporkan kapado Edi, Panilik KabudayaanKecamatan Campaka, manganai kabarodaan tumpuakan batu-batu parsegi gadang jo babagai ukuran nan tasusun dalam suatu tampek barundak nan mangarah kaGunuang Gede. Salanjuiknyo, basamo-samo jo Kapalo Seksi Kabudayaan Dapartemen Pandidikan Kabudayaan Kabupaten Cianjur, R. Adang Suwanda, inyo mangadakan pangecekan. Tindak lanjuiknyo adolah kajian arkeologi, sajarah, dan geologi nan dilakuan Puslit Arkenas pado taun 1979 tahadok situs iko

Tampek

Tampek situs babukik-bukik curam dan sulik dijangkau. Kompleksnyo mamanjang, manutupi pamukaan sabuah bukik nan dibatehi dek jajaran batu andesit gadang babantuak parsegi. Situs tu dikalilingi dek ngarai nan sangek dalam. Tampek iko sabalumnyo memang alah dikaramaikan jo warga satampek. Panduduak manganggapnya sabagai tampek Prabu Siliwangi, raja Sunda, barusaho mambangun istano dalam samalam.

Guno

Guno situs Gunuangpadang diparkirokan adolah tampek pamujaan jo masyarakaik nan bamukim di sinan pado sakitar 2000 taun SM. Hasil panelitian Rolan Mauludy dan Hokky Situngkir manunjuakkan kamungkinan adanyo palibekan buni dari babarapo batu megalit nan ado. Selain Gunuangpadang, tadapek babarapo tapak lain di Cianjur nan marupokan paninggalan pariode megalitikum/Zaman Batu

Pranala lua

• (Indonesia) Artikel mengenai situs Gunung Padang di Kompas.
• (Indonesia) Gunung Padang lebih luas dari Borobudur.
• (Indonesia) Ditemukan 5 makam tua di Gunung Padang Archived 2014-10-31 di Wayback Machine..
• (Inggirih) Gunung Padang, The Mysterious Ancient Pyramid In Indonesia That Is Rewriting History.