Wikipedia

Sirosis

Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis.
Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor.
Kok Sanak paralu bantuan atau ka barubek bakonsultasilah jo tanago kasihatan profesional.

Sirosis, disabuik pulo sirosis hepatis atau sirosis hati, adolah karusakan hati nan tajadi dalam jangko wakatu nan lamo (kronik). Panyakik ko manjadi stadium akhia dari pajalanan panyakik hati. Nan tajadi adolah paradangan dari kamatian jaringan sel hati nan laweh (nekrosis) nan mambuek tabantuaknyo jaringan ikek sabagai jaringan bakeh luko (scar tissue) dan mar usak bantuak dari bantuak hati sainggo tajadi parubahan dari sirkulasi darah baiak sacaro mikro, maupun makro. Pakambangan panyakik ko balansuang lamo dalam wakatu bulanan atau taunan. Mulonyo indak bagejala. Sairiang mamburuak, urang nan mandarito panyakik ko mulai marasokan panek, gata, bangkak pado kaduo tungkai, kulik manguniang, mudah mambiru, takumpua aia dalam paruik, atau tabantuak jaringan cando sarang lawah-lawah di kulik paruiknyo.[1][5]

Sirosis
Namo lainSirrosis di hati, hepatika sirosis
Paruik urang jo sirosis nan manunjuakan banyaknyo cairan nan tatampuang sarato tampak vena sacaro jaleh
Palafalan
SpesialisasiGastroenterologi
GejalaPanek, gata, bangkak di tungkai bawah, kulik kuniang, mudah lebam, cairan tatampuang pado paruiknyo[1]
Komplikasiperitonitis bakterialis spontan, ensefalopati hepatik, palebaran vena di esofagus, kanker hati[1]
AwitanBulanan atau taunan[1]
DurasiJangko lamo[1]
PanyababAlkohol, hepatitis B, hepatitis C, non-alcoholic fatty liver disease[1][2]
DiagnosisPareso darah, pancitraan medis, biopsi hati[1]
PanagahanVaksinasi (cando hepatitis B), manjauahi alkohol[1]
ParawatanSasuai jo gejala nan ado[1]
Frekuensi2,8 juta (2015).[3]
Kamatian1,3 juta (2015)[4]

Epidemiologi

suntiang

Prevalensi sirosis di dunia dipakirokan 100 dari 100.000 urang, tapi angko ko baragam manuruik nagara jo wilayah. Sirosis ado dalam urutan ka-14 panyabab paliang acok kamatian pado urang gadang di dunia.[6][7] Manuruik laporan rumah sakik umum pamarintah di Indonesia, rato-rato prevalensi sirosis hepatis adolah 3,5% dari sadoalah pasien nan dirawaik di bangsal Panyakik Dalam.[8]

Pajalanan panyakik

suntiang

Pakambangan panyakik sirosis utamonyo dimulai dari proses fibrosis nan malibaikkan reaksi inflamasi, aktivasi sel Stelata, angiogenesis, jo oklusi pambuluah darah nan badampak pado palawehan lesi parenkim hati. Sel Stelata batugeh untuak manyimpan retinoid (vitamin A). Namun, dek stimulus paradangan mambuek sel ko aktif inggo tarus mambalah (proliferasi), mamproduksi matriks ekstraseluler (kolagen tipe I jo III, proteoglikan sulfat, glikoprotein), sarato manjadi sel miofibroblas jo ikuik dalam proses fibrosis.

Komplikasi sirosis timbua dek adonyo hipertensi porta sarato insufisiensi hepar. Hipertensi porta marupokan paningkekan takanan vena porta > 5 mmHg nan tajadi dek paningkekan tahanan aliran darah porta sarato aliran masuak vena porta nan maningkek. Paningkekan ko disababkan parubahan struktur parenkim hati (tajadi deposisi jaringan fibrosis jo regenarasi nodular), sarato mekanisme vasokonstriksi pambuluah darah sinusoid hepar.[9]

Insufisiensi hepar marupookan parubahan struktur jaringan (histologis) nan kan diiriangi jo panurunan fungsi hati. Panuruunan dungsi nan ka dialami antaro lain, gangguan fungsi sintesis, ekskresi, jo metabolisme. Kudiannyo dapek mambuek parubahan materi genetik pado hepatosit sainggo bapotensi manjadi karsinoma hepatoseluler.[9]

Tando jo gejala

suntiang

Sirosis hepatis sacaro klinis tabagi manjadi sirosis hepatis kompensata jo sirosis hepatis dekompensata, perubahan dari kompensata manjadi dekompensata disababkan dek insufisiensi sel hati jo hipertensi porta.[6][10] Hal ko ka mampangaruahi tes fungsi hati sarato pamaresoan hematologi nan diantaronyo yaitu kadar albumin, jumlah trombosit, jo kadar kreatinin. Albumin marupokan protein nan hanyo disintesis di hati sainggo kadarnyo ka mamburuak sairiang hati nan mamburuak.[11] Jumlah trombosit pado sirosis hepatis biasonyo ka maalami panurunan dan ka maningkekan risiko pardarahan pado pasien sirosis hepatis.[12] Pangukuran serum kreatinin dapek digunokan untuak menilai fungsi ginjal pado pasien sirosis hepatis.[13]

Stadium awa sirosis acok tanpa gejala sainggo kadang ditamukan pado wakatu pasien malakukan pamaresoan kasihatan rutin atau dek kalainan panyakik lain.[11] Kok sirosis hati alah lanjuik, gejala-gejala labiah mancolok utamonyo kok muncua komplikasi kagagalan hati jo hipertensi porta, nan tadiri ateh ilangnyo rambuik badan, gangguan lalok, jo damam nan indak baitu tinggi. Dapek disaratoi adonyo gangguan pambakuan darah, pardarahan gusi, epistaksis (mimisan), gangguan siklus haid, ikterus (kakuniangan) jo aia pipis nan karuah cando teh pakek, muntah darah ataupun melena (cirik kaitaman), sarato parubahan mental, cando mudah lupo, payah konsentrasi, binguang, parabo, sampai koma.[11]

Tando-tando

suntiang

Ikterik

suntiang

Badan manguniang (ikterik/jaundice) manandokan urang tasabuik takanai panyakik hati. Panguniangan dapek tajadi di kulik jo mato katiko hati sadang indak bisa manyerap bilirubin.[14] Ikterus manjadi panujuak barek ringannyo karusakan. Ikterus ado pado 60% pandarito salamo pajalanan panyakik.[11]

Asites jo edema

suntiang

Katiko hati ilang kamampuannyo untuak mambuek protein albumin, aia manjadi manumpuak di kaki (edema) jo paruik (asites). Faktor utamo asites adolah paningkekan takanan hidrostatik pado kapiler usus. Samantaro edema biaso muncua salapeh asides ado dek hipoalbuminemia (kadar albumin randah di darah) sarato resistensi garam jo aia.[11]

Hepatomegali

suntiang

Hati nan manggadang (hepatomegali) dapek manyasak ka arah diafragma nan talatak di atehnyo, sarato manyasak pulo ka bawah. Hati manggadang kiro-kiro 2-3 cm, jo konsistensinyo nan lambiak atau agak lunak sarato padiah kok ditakan.[11]

Hipertensi porta

suntiang

HIpertensi porta adolah paningkekan takanan darah vena porta nan manatap di ateh nilai normal. Panyababnyo adolah paningkekan resistensi aliran darah malalui hati.[11]

Rujuakan

suntiang
  1. ↑ a b c d e f g h i "Cirrhosis". National Institute of Diabetes and Digestive and Kidney Diseases. April 23, 2014. Diarsipkan dari versi asli tanggal 29 November 2020. Diakses tanggal 19 May 2015. 
  2. ↑ GBD 2013 Mortality and Causes of Death, Collaborators (17 December 2014). "Global, regional, and national age-sex specific all-cause and cause-specific mortality for 240 causes of death, 1990–2013: a systematic analysis for the Global Burden of Disease Study 2013". Lancet. 385 (9963): 117–71. doi:10.1016/S0140-6736(14)61682-2. PMC 4340604  . PMID 25530442. 
  3. ↑ GBD 2015 Disease and Injury Incidence and Prevalence, Collaborators. (8 October 2016). "Global, regional, and national incidence, prevalence, and years lived with disability for 310 diseases and injuries, 1990–2015: a systematic analysis for the Global Burden of Disease Study 2015". Lancet. 388 (10053): 1545–1602. doi:10.1016/S0140-6736(16)31678-6. PMC 5055577  . PMID 27733282. 
  4. ↑ GBD 2015 Mortality and Causes of Death, Collaborators. (8 October 2016). "Global, regional, and national life expectancy, all-cause mortality, and cause-specific mortality for 249 causes of death, 1980–2015: a systematic analysis for the Global Burden of Disease Study 2015". Lancet. 388 (10053): 1459–1544. doi:10.1016/s0140-6736(16)31012-1. PMC 5388903  . PMID 27733281. 
  5. ↑ McCormick PA. Hepatic cirrhosis. Dalam: Dooley JS, Lok AS, Burrouhgs AK, Heathcote EJ, editor (panyuntiang). Sherlock's Diseases of the Liver and Billiary System. Edisi ka-12. USA: Wiley-Blackwell; 2011. hlm.103-20.
  6. ↑ a b Tsao GG. Cirrhosis and its sequel. Dalam: Goldman L, editor (panyuntiang). Goldman's Cecil Medicine. Edisi ka-24. Philadelphia: Elsevier; 2012. hlm.999-1007.
  7. ↑ Tsochatzhis EA, Bosch J, Burroughs AK. Liver cirrrhosis. The Lancet. 2014;383(9930):1749-61.
  8. ↑ PPHI (Perhimpunan Peneliti Hati Indonesia). Sirosis hati Archived 2020-12-05 di Wayback Machine. 2013.
  9. ↑ a b Kumar, Vinay, et al. (ed.). Buku ajar patologi Robbins. Singapura: Elsevier; 2015. hlm. 599-600.
  10. ↑ Lindseth GN. Gangguan hati, kandung empedu, dan pangkreas. Dalam: Hartanto P, Wulansari ND, A  Mahanani,  editor (panyuntiang).  Patofisiologi Konsep Klinis Proses-Proses  Penyakit. Jakarta: EGC; 2005. hlm. 472-508.
  11. ↑ a b c d e f g Nurdjanah S. Sirosis hati. Dalam: Sudoyo AW, Setiyohadi  B,  Alwi I, Simadibrata  M,  Setiati S editor (panyuntiang). Buku ajar ilmu penyakit dalam jilid 1. Edisi ka-4. Jakarta: Balai Penerbit FKUI; 2006. hlm.445-8.
  12. ↑ Afdhal N, McHutchison J, Brown R, Jacobson I, Manns M,  Poordad  F,  et al.  Trombocytopenia associated with chronic liver disease. Journal of Hepatology. 2008;48(6):1000-7.
  13. ↑ Gines P, Schrier RW. Renal failure in cirrhosis. The New England Journal of Medicine. 2009;361:1279-90
  14. ↑ Gulley, D., Teal, E., Suvannasankha, A., Chalasani, N., & Liangpunsakul, S. (2008). Deep vein thrombosis and pulmonary embolism in cirrhosis patients. Digestive diseases and sciences, 53(11), 3012-3017.

Pautan lua

suntiang
Klasifikasi
Sumber lua
  • Cirrhosis of the Liver pado the National Digestive Diseases Information Clearinghouse (NDDIC). NIH Publication No. 04-1134, Desember 2003.
  • "Cirrhosis". MedlinePlus. U.S. National Library of Medicine. 
Diambiak dari "https://min.wikipedia.org/w/index.php?title=Sirosis&oldid=2495277"