Silek Pangean
Silek Pangean (Dialek Kuantan: Silek Pangean) adolah salah ciek seni bela diri nan barasa dari Kecamatan Pangean, Kabupaten Kuantan Singingi, Provinsi Riau. Seni bela diri iko masuak kadalam kategori silek nan diwarihkan sacaro turun temurun. Untuak nan ahli seni bela diri, silek pangean tanamo karano garakannyo nan halauih ko gamulai tapi mamatian sahinggo silek iko diminati di Riau. Salain untuak beladiri, silek iko ditampilkan juo dalam acara panikahan Melayu Riau di Siak.[1][2][3][4]
Sijarah suntiang
Ado baragam versi nan macaritoan asa mulo silek pangean. Ado nan mangatoan barasa dari Nagari Pangian, Lintau Buo, Tanah Datar, Sumatra Barat, adopula nan mangatoan asli dari Pangean, Kuantan Singingi, Provisni Riau.[3] Salah ciek carito lisan manutuakan bahwasanyo silek pangean bamulo dari saurang panduduk Negeri Rantau Kuantan nan bagala Bagindo Rajo nan pai baguru ka Datuk Betabuh di Lintau, Kabupaten Tanah Datar, Provinsi Sumatra Barat. Katiko itu Bagindo Rajo pai untuak mampalajari agamo Islam jo silek untuak mambela agamanyo. Sawakatu Bagindo Rajo pai, bininyo yang banamo Gadi Ome tetap tingga di Pangean nan dijago dek Tan Garang. Pado wakatu itu Gadi Ome bamimpi didatangi dek roh Syekh Maulana Ali dari Mekkah jo roh Halimatusakdiah, bini syekh. Dari Halimatusakdiah lah, Gadi Ome belajar ilmu silat.[1][3]
Sapulangnyo dari Lintau, Gadi Ome maminta Bagindo Rajo untuak manunjuakkan kaahlian nan inyo miliki. Namun, Bagindo Rajo bahasia dikalahkan hinggo inyo maminta diajaan silek dari istrinyo. Bagindo Rajo jo Gadi Ome pun akhianyo samo-samo manjadi pangajar atau guru silek pangean nan kamudian manurunkan ilimunyo.[3] Panurunan ilimu tasabuik mulonyo dilakuan sacaro matrilineal, tabateh pado kalangan kaluarga sajo. Gadi Ome manurunkan ilimunyo badasakan suku nan inyo warisi. Samintaro Bagindo Rajo manurunkan ilimunyo kapado kamanakannnyo. Lambek laun, silek pangean diajakan ka luaa anggota kaluarga nan mamo murid partamonyo adolah Datuk Untuik. Hal iko dilakuan Bagindo Rajo sabagai baleh budi ateh ayahnyo Datuk Untuik, Tan Garang, nan alah manjago istrinyo salamo inyo pai baguru. Kamudian, Datuk Untuik mawariskan ilimunyo kapado ampek murid, yaitunyo Pandeka Malin, Maliputi, Pak Ngacak, jo Menti Kejam. Kaempek murid Datuk Untuik tasabuik diagia gala jo Induak Barompek (Dialek Kuantan: Induk berempat), gala tatinggi dalam pasakutuan silek pangen nan kamudian dari inyolah ilimu silek pangean diajaan sacaro turun temurun hinggo maso kini.[1][2]
Pasatuan suntiang
Silek Pangean marupoan cabang silek nan diajaan sacaro turun tamurun nan cukuik tatutuik. Karano sifeknyo nan cukuik tatutuik, mako nan manjadi murid-murid dari sabuah paguruan silek hanyo mandapek informasi dari muluik ka muluik sajo. Silek iko dapek dipelajari dek babagai kalangan umua. Namun, ado babagai pasyaratan nan paralu dipanuahi dek saurang murid silek pangean. Katiko datang ka guru silek, saurang murid harus mambawo:[2][5]
- ayam jantan saikua nan sedang,
- bareh sagantang,
- kain putiah,
- putiak limau manih,
- pisau sabilah,
- cincin perak.
Cincin, pisau, jo kain diagaian kapado guru sabagai wujuik atau bantuak panghormatan. Samintaro tu tigo barang lainnyo untual dipasamoan sacaro basamo-samo murid-murid silek lainnyo di galanggang. Hal iko dilakuan guno mampaarek hubuangan di antaro sasama murid sabagai ciek kaluarga silek.[2][6]
Palatiahan silek biasonyo dimulai pado malam hari salapeh salat isya. Sabalum mamulai palatiahan, biasonyo diawali jo doa-doa.[6][2]
Macam-macam silek pangean suntiang
Sacaro umum silek pangean dikalompokkan manjadi tigo macam:[1][2]
- Silek Tangan (silat tangan kosong)
- Silek Podang (silat dengan pedang)
- Silek Parisai (silat dengan pedang dan perisai).
Caliak pulo suntiang
Rujuakan suntiang
- ↑ a b c d Ratnawati, Lien (2018). Penetapan Warisan Budaya Takbenda Indonesia Tahun 2018. Jakarta: Direktorat Jenderal Kebudayaan, Kementerian Pendidikan dan Kebudayaan Republik Indonesia. p. 74.
- ↑ a b c d e f Pos, Riau (2020-04-26). "Kembang Suluh Silat Pangean". RiauPos.co (dalam bahasa Indonesia). Diakses tanggal 2020-06-06.
- ↑ a b c d Home; Terkini; News, Top; Terpopuler; Nusantara; Nasional; Riau; Internasional; Citizen. "Menelisik Perkembangan Silat Pangean, Tradisi Idul Fitri Di Riau". riau.antaranews.com. Diakses tanggal 2020-06-06.
- ↑ Ramadanita, Riska (2019). "Pertunjukan Silat Pangean dalam Pesta Pernikahan Adat Melayu di Tualang Kecamatan Tualang Kabupaten Siak Provinsi Riau" (dalam bahasa Inggris). Universitas Negeri Padang.
- ↑ Sandi, Ari Afrizal; Jonyanis, Jonyanis (2017/02). "Pencak Silat sebagai Sistem (Studi Kasus Pencak Silat Pangean)" (dalam bahasa Indonesia). Riau University.
- ↑ a b Sandi, Ari Afrizal; Jonyanis, Jonyanis (2017/02). "Pencak Silat sebagai Sistem (Studi Kasus Pencak Silat Pangean)" (dalam bahasa Indonesia). Riau University.