Sidukuang anak (urinaria)
| Sidukuang anak | |
|---|---|
| |
| Klasifikasi ilmiah | |
| Kingdom: | Plantae |
| (unranked): | Angiosperms |
| (unranked): | Eudicots |
| (unranked): | Rosids |
| Order: | Malpighiales |
| Family: | Phyllanthaceae |
| Tribe: | Phyllantheae |
| Subtribe: | Flueggeinae |
| Genus: | Phyllanthus |
| Species: | P. urinaria |
| Namo binomial | |
| Phyllanthus urinaria L. | |
Sidukuang anak (diijo pulo karambia-karambia atau sidukuang sajo) atau Phyllanthus urinaria adolah sajinih tanaman nan mampunyoi bantuak batang bulek tagak luruih, tinggi tanaman bisa mancapai sameter labiah dalam kondisi tanah subur.[1] Daun dari tanaman ko batulang manyirip ganok, satiok satangkai mampunyoi daun majemuk jo ukuran nan ketek jo babantuak lonjong.[1] Bungo tumbuahan ko ado di satiok katiak daun sarato maadok ka bagian bawah.[1]
Sidukuang anak umumnyo indak dipiaro, karano dianggap tumbuahan rumpuik biaso.[1] Sidukuang anak tumbuah subur di tampek nan lambok pado dataran randah sampai katinggian 1000 meter di atek pamukoan lauik.[1] Senyawa kimia nan takanduang di dalam sidukuang anak adolah zat filantin, kalium, damar jo zat panyamak.[1] Tanaman ko dapek digunokan untuak ubek panyakik kuniang, disentri, batuak, damam, sawan, haid balabiahan jo malaria.[1]
Dalam bahaso Indonesia, tumbuahan ko disabuik meniran. Dalam bahaso Inggirih disabuik juo jo chamber bitter, gripeweed, shatterstone, stonebreaker, atau leafflower.[2] Panamoan "sidukuang anak" indak hanyo untuak spesies urinaria sajo, tapi niruri juo.
Deskripsi
suntiangSidukuang anak dapek tumbuah inggo 50 cm jo bantuak batangnyo nan bulek. Badaun ijau galok (Phyllanthus nuri) atau ijau agak sirah (Phyllanthus urinaria). Bantuak daunnyo daun majemuk bajumlah anam, nan tiok daunnyo ketek, bulek lonjong (gadang di ujuang, ketek di pangka). Daunnyo manyuruak di malam ari dan mambukak di siang ari. Bungonyo barono putiah kaijauan, ketek, jo muncua di katiak daun, sarato kapsul bijo. Banyak buah ijau-sirah ketek, bulek, jo aluih, ditamukan di sapanjang bagian bawah batang, nan tagak jo sirah.[3][4]
Tanaman ko dianggap sabagai amo kompetitif di babarapo daerah, dek jumlah bijonyo nan gadang, toleransi naungannyo nan tinggi, sarato sistem ureknyo nan laweh.
Distribusi
suntiangWalau barasa dari Asia, tumbuahan ko sacaro laweh dapek tasuo di sadoalah daerah tropis di dunia. Di Amerika Sarikat, dapek tasuo di nagara-nagara bagian sarupo Virginia, Florida, Georgia, Alabama, Karolina Selatan, New Mexico, atau Texas.[5]
Maso tumbuah
suntiangTumbuahan ko paralu tanah jo cahayo nan angek. Di daerah ampek musim, tumbuahan ko tumbuah di musim paneh taunan dan mulai bakacambah dari awal musim paneh inggo awa musim gugua.[6]
Galeri
suntiang-
Tumbuah lia -
Alah dicabuik dari tanah -
Tampak daunnyo nan bulek lonjong
Rujuakan
suntiang- ↑ a b c d e f g "Pellagra". IPTEK. Diarsipkan dari versi asli tanggal 2011-09-11. Diakses tanggal 27 Mei 2014.
- ↑ "Phyllanthus urinaria". Natural Resources Conservation Service PLANTS Database. USDA. Diakses tanggal 30 September 2015.
- ↑ www.asiamaya.com[pranala nonaktif permanen]
- ↑ "www.iptek.net.id www.iptek.net.id". Diarsipkan dari versi asli tanggal 2011-09-11. Diakses tanggal 2019-10-06.
- ↑ "Digital Atlas of the Virginia Flora | Phyllanthus urinaria L. ssp. urinaria". vaplantatlas.org (dalam bahasa Inggris). Diakses tanggal 2018-09-26.
- ↑ Wehtje, Glenn R.; Gilliam, Charles H.; Reeder, Jesse A. (1992). "Germination and Growth of Leafflower (Phyllanthus urinaria) as Affected by Cultural Conditions and Herbicides". Weed Technology (dalam bahasa Inggris). 6 (1): 139–143. doi:10.1017/S0890037X00034448. ISSN 0890-037X.