Shireen Sungkar
Hj. Shireen Sungkar, S.I.Kom (lahia 28 Januari 1992; umua 32 taun) adolah saurang pemeran, presenter, panyanyi jo model Indonesia. Inyo dikana sajak mambintangi sinetron Cinta Fitri.
Shireen Sungkar | |
|---|---|
 Shireen Sungkar pado taun 2017 | |
| Lahia | Shireen Sungkar 28 Januari 1992 Jakarta, Indonesia |
| Kabangsaan | Indonesia |
| Alma mater | Universitas Prof. Dr. Moestopo (Beragama) |
| Karojo | |
| Taun aktif | 2006—kini |
| Pasangan | Teuku Wisnu (m. 2013–kini) |
| Anak | 3 |
| Urang tuo |
|
| Dusanak |
|
Kahidupan pribadi suntiang
Shireen adolah anak dari aktor Indonesia, Mark Sungkar nan badarah Yaman jo aktris Indonesia badarah Minangkabau, Fanny Bauty, sakaligus kakak dari model, aktris, panyanyi jo perancang busana Indonesia, Zaskia Sungkar.[1]
Sabagai wujud syukur ateh kasuksesannyo dalam mamerankan Fitri, Shireen manjalani ibadah umroh sakaligus marayoan hari rayo Idul Fitri 1428 H di tanah suci Makah.[2] Shireen barangkek jo kaduo urang gaeknyo, Mark Sungkar jo Fanny Bauty, sarato Zaskia Sungkar, jo adiaknyo Yusuf. Inyo barangkek pado tanggal 6 Oktober jo babaliak ka Jakarta pado Selasa, 16 Oktober 2007.[3]
Dalam kahidupan asmaranyo, Shireen Sungkar bapacaran jo Teuku Wisnu. Shireen manikah jo Teuku Wisnu pado tanggal 17 November 2013.[4] Kaduonyo alah dikaruniai tigo urang anak, yaitu Teuku Adam Al Fatih nan lahia pado tanggal 10 September 2014, Cut Hawwa Medina Al FatiH nan lahia pado 25 Juli 2016, jo Cut Shafiyyah Mecca Al Fatihi nan lahia pado taun 2018.[5]
Shireen juo marupokan kamanakan dari Reinier Dt. Intan Batuah, Wakil Wali Kota Solok, Sumatera Barat periode 2016-2021.[6]
Karier suntiang
Shireen Sungkar mamulai kariernyo sabagai semifinalis GADIS sampul 2006. Inyo suko baakting sajak ketek. Shireen manamukan kabaruntungan katiko maanta eteknyo ikuik casting di SinemArt. Sinetron partamo inyo adolah peran pandukuang dalam sinetron Bukan Diriku basamo Baim Wong jo Ririn Dwi Ariyanti. Namo inyo mulai dikana sajak mambintangi sinetron Wulan basamo Dhini Aminarti. Sinetron lain nan pernah juo inyo bintangi antaro lain Puteri Duyung jo Perempuan Teraniaya.[6]
Lapeh dari SinemArt, Shireen pindah ka MD Entertainment jo langsuang mandapek peran utamo sabagai Fitri dalam sinetron Cinta Fitri nan mampopuleran namonyo jo tayang sampai tujuah musim.[6]
Indak hanyo akting sajo doh, tapi Shireen punyo bakat pulo dalam bidang tariak suaro. Basamo jo kakaknyo, Zaskia Sungkar, inyo mambantuak duo vokal The Sisters. Album debut inyo nan bajudul The Journey of Love dirilis pado tanggal 25 Juli 2008.[6]
Pandidikan suntiang
- SMA Triguna jurusan IPS (2006-2009)
- Universitas Moestopo (Beragama) jurusan Ilmu Komunikasi (2010–2016)[7]
Filmografi suntiang
Film suntiang
| Taun | Judul | Peran | Catatan | Ref. |
|---|---|---|---|---|
| 2009 | Suka Ma Suka | Shireen | Bintang tamu | |
| 2013 | Wanita Tetap Wanita | Kinan | Segmen: "In Between" | |
| Honeymoon | Farah | |||
| 2016 | Ketika Mas Gagah Pergi the Movie |
Televisi suntiang
| Taun | Judul | Peran | Catatan | Ref. |
|---|---|---|---|---|
| 2006 | Bukan Diriku | Rhea | Karya debut | |
| 2006—2007 | Wulan | Shinta | ||
| 2007 | Bunga | Dewi | ||
| Cinta Fitri Season 1 | Fitri Rahayu | |||
| Hidayah | Episode: "Buruk Rupa Buruk Hati" | |||
| 2008 | Annisa | Aisyah | ||
| Cinta Fitri Season 2 | Fitri Rahayu | |||
| 2008—2009 | Cinta Fitri Season 3 | |||
| 2009 | Cinta Fitri Season 4 | |||
| 2010 | Cinta Fitri Season 5 | |||
| Cinta Fitri Season 6 | ||||
| Nuraini | ||||
| 2011 | Cinta Fitri Season 7 | Fitri Rahayu | ||
| Mas Ade | ||||
| Saodah | ||||
| Ranum | Ranum | |||
| 2012 | Dia Ayu | Ayu | ||
| 2013 | Ali James Bon | Jamila | ||
| Istri yang Dikhianati | Yasmin/Jingga | |||
| 2015 | Di Bawah Lindungan Abah | Jasmine | ||
| Cinta di Langit Taj Mahal 2 | Aisyah |
Rujuakan suntiang
- ↑ Profil di Kapanlagi.com. Diakses 20 Januari 2024.
- ↑ "Profil dan Biodata Shireen Sungkar, Aktris Sekaligus YouTuber". Pikiran Rakyat (dalam bahasa Indonesia). Diakses tanggal 20 Januari 2024.
- ↑ "Lebaran di Mekkah, Shireen Sungkar Boyong Keluarga". Kapanlagi.com. 7 Oktober 2007. Diakses tanggal 20 Januari 2024.
- ↑ "Sah! Shireen Sungkar dan Teuku Wisnu Resmi Menikah". detikcom. 17 November 2013. Diakses tanggal 20 Januari 2024.
- ↑ Zamzami, Faisal, ed. (10 September 2020). "Sudah Miliki 3 Anak, Shireen Sungkar dan Teuku Wisnu Masih Diminta Tambah Momongan, Begini Reaksinya". Tribunnews.com (dalam bahasa Indonesia). Diakses tanggal 20 Januari 2024.
- ↑ a b c d Aswan, Desi Triana (10 Mei 2019). Usman, Arif Fuddin, ed. "TRIBUNWIKI - Punya Rumah Mewah Hingga Akui Bokek, Yuk Simak Perjalanan Karier Shireen Sungkar". Tribunnews.com (dalam bahasa Indonesia). Diakses tanggal 20 Januari 2024.
- ↑ Shireen Sungkar di PDDikti. Diakses 20 Januari 2024.
Pautan lua suntiang
- (Inggirih) Shireen Sungkar pado Internet Movie Database.