Wikipedia

Sheikh Muszaphar Shukor

Sheikh Muszaphar Shukor Al Masrie bin Sheikh Mustapha (lahia 27 Juli 1972; umua 52 taun) adolah astronaut Malaysia nan partamo.[1] Inyo ditabangan ka Stasiun Luar Angkasa Internasional jo kapa antariksa Soyuz TMA-11 basamo awak Expedition 16 pado tanggal 10 Oktober 2007.[2][3] Sheikh Muszaphar tabang ka lua angkasa ateh karajo samo jo Rusia malalui program Angkasawan. Inyo babaliak ka Bumi pado tanggal 21 Oktober 2017 jo pasawat Soyuz TMA-10 basamo awak Expedition 15, Fyodor Yurchikhin jo Oleg Kotov.[4][5]

Yang Berbahagia Dato' Dr.

Sheikh Muszaphar Shukor

DSNS
Lahia27 Juli 1972 (umua 52)
Kuala Lumpur, Malaysia
StatusAktif
Alma materManipal University
KarojoAstronaut
dokter badah

Biografi

suntiang

Sheikh Muszaphar lahia di Kuala Lumpur, anak dari Sheikh Mustapha. Inyo badarah Malayu, Minangkabau, jo Arab.[6] Inyo basakolah di SMA Maktab Rendah Sains MARA di Muar, kamudian inyo mandapek gala sarjana kadokteran dan bedah dari Kasturba Medical College, sabuah paguruan tinggi nan baafiliasi jo Universitas Manipal di Manipal, India.[7] Sheikh Muszaphar pernah bakarajo sabagai patugas medis ortopedi, tapi indak manyalasaian spesialisasinyo di Universiti Kebangsaan Malaysia.[8] Pado taun 1998, Sheikh Muszaphar bakarajo di Rumah Sakik Seremban, kamudian pindah ka Rumah Sakik Umum Kuala Lumpur pado taun 1999, jo manjadi staf di Rumah Sakik Selayang dari taun 2000 sampai 2001. Sheikh Muszaphar juo manjadi model paruah wakatu.[4][9][10][11]

Program Angkasawan

suntiang

Sheikh Muszaphar jo tigo kandidat lainnyo dipiliah pado awal taun 2006 untuak ikuik program Angkasawan, sabuah program panabangan lua angkasa Malaysia. Program iko dicatuihan satalah Rusia sapakek untuak maangkuik surang warga Malaysia ka ISS sabagai baleh jaso ateh pambalian 18 jet tempur Sukhoi Su-30MKM punyo Rusia saharago miliaran dolar dek Malaysia. Satalah manyalasaian palatihan awal di Star City, Rusia, Sheikh Muszaphar jo Faiz Khaleed dipiliah untuak manjalani program palatihan salamo 18 bulan di Rusia, dan pado akhianyo Sheikh Muszaphar tapiliah sabagai anggota awak utamo, sadangkan Faiz Khaleed sabagai awak pandukuang. Satalah tes kasehatan tarakhir jo ujian palatihan, pado tanggal 17 September diumuman baso Sheikh Muszaphar akan tabang dalam misi Soyuz TMA-11.[12][13]

Dalam konferensi pers NASA basamo awak Ekspedisi 16 pado tanggal 23 Juli 2007, jo konferensi pers satalah pamiliahannyo, Sheikh Muszaphar mangatoan baso inyo baharok dapek maambiak babagai sel di bulan untuak dipalajari dalam panarbangannyo.[2][14]

Untuak manghormati Sheikh Muszaphar sabagai astronaut Malaysia partamo nan dikirim ka lua angkasa, panitia panyelenggara ASEAN University Games 2008 mamiliah astronaut sabagai maskot partandingan tasabuik, nan diagiah namo A1 Angkasawan.[15]

Rujuakan

suntiang
  1. ↑ "Malaysia's first astronaut to visit space station". New Scientist Space and Reuters. 9 Oktober 2007. Diakses tanggal 9 Januari 2024. 
  2. ↑ a b The Associated Press (20 September 2007). "Malaysian Astronaut Won't Ignore Faith". The Associated Press / USA Today. Diakses tanggal 9 Januari 2024. 
  3. ↑ Andrew Hammond (30 September 2007). "Saudi prince says Islam proud of Malaysia spaceman". Reuters. Diakses tanggal 10 Januari 2024. 
  4. ↑ a b Chris Baldwin (24 September 2007). "First Malaysian in space to observe Ramadan later". Reuters. Diarsipkan dari versi asli tanggal 19 February 2009. Diakses tanggal 9 Januari 2024. 
  5. ↑ NASA (17 July 2007). "NASA Holds Briefing With First Female Station Commander and Crew". NASA. Diarsipkan dari versi asli tanggal 6 October 2018. Diakses tanggal 9 Januari 2024. 
  6. ↑ "Astronot Malaysia Itu Ternyata Urang Awak", okezone (dalam bahasa Indonesian), 15 December 2007, diakses tanggal 10 Januari 2024 
  7. ↑ Universiti Kebangsaan Malaysia (2007). "Angkasawan lands in UKM". Universiti Kebangsaan Malaysia. Diarsipkan dari versi asli tanggal 22 August 2007. Diakses tanggal 10 Januari 2024. 
  8. ↑ "First Malaysian in space to observe Ramadan later". CNN. 2007. Diarsipkan dari versi asli tanggal 12 October 2007. Diakses tanggal 10 Januari 2024. 
  9. ↑ Nurul Asyikin Yusoff (3 August 2016). "Malaysia's first astronaut turns entrepreneur". TNP. Diakses tanggal 10 Januari 2024. 
  10. ↑ SpaceDaily (2007). "Part-time model is Malaysia's first astronaut". SpaceDaily. Diakses tanggal 10 Januari 2024. 
  11. ↑ AFP (2007). "Malaysians take last tests before blast off into space". AFP. Diarsipkan dari versi asli tanggal 12 October 2007. Diakses tanggal 10 January 2024. 
  12. ↑ Space Daily (2007). "Malaysia announces first astronaut". Agence France-Presse. Diakses tanggal 10 Januari 2024. 
  13. ↑ WIFR – Gray Television Group (2007). "First Malaysian Cosmonaut". WIFR – Gray Television Group. Diarsipkan dari versi asli tanggal 11 October 2007. Diakses tanggal 10 Januari 2024. 
  14. ↑ BBC News (10 Januari 2024). "Malaysia astronaut set to launch". BBC News. Diakses tanggal 10 October 2007. 
  15. ↑ "Accreditation in conjunction with the 14th ASEAN University Games (AUG) 2008 in Kuala Lumpur, Malaysia". Diakses tanggal 10 Januari 2024. 

Pautan lua

suntiang


Diambiak dari "https://min.wikipedia.org/w/index.php?title=Sheikh_Muszaphar_Shukor&oldid=3155470"