Setrika
Setrika (didapek dari bahaso Balando: strijkijzer) adolah caro manghilangkan karutan dari pakaian dangan alat nan dipanaskan. Alat nan biasonyo paguno untuak ko go disabuik juo "setrika". Biasonyo pakaian nan baru dicuci haruih disetrika supayo kambali licin. Iko tajadi bilo molekul-molekul polimer pado serat pakaian dipanaskan, serat-serat tasabuik diluruihkan basobok beban dari setrika. Satalah dingin, pakaian mampartahankan bantuak luruih ko. Babarapo bahan pakaian parolu dibari aia untuak malonggarkan ikatan antar molekul. Kini tadapek banyak bahan pakaian dari polimer sintetis nan dipromosikan sabagai bahan nan indak parolu disetrika.
Setrika kuno dibuek dari basi nan diisi arang api manyalo. Kini setrika kabanyakan dibuek dari aluminium dan baja tahan karat, dangan sumber paneh dari listrik. Pado setrika tadapek thermostat nan mangandalikan temperatur suhu paneh. Salain tu babarapo setrika modern dapek juo mangubah aia manjadi uap aia untuak mambasahi pakaian. Setrika paneh nan sodang indak digunakan haruih dilotaàn tagak luruih hinggo indak mambaka parmukoan di bawahnyo dan manyobabkan kabakaran. Salain tu tadapek jua setrika nirkabel nan dipanaskan di sabuah docking station, dan setrika portable nan bantuaknyo ketek untuak manyatrika dasi atau untuak dibao bapargian. Salain Setrika dibari thermostat, ado juo thermofuse nan paguno untuak pangaman nan baguno samo ajak sikring, namun pado tempratur suhu paneh nan malewati bateh toleransi thermofuse taputuih.
Pautan lua
suntiang
Media tantang Setrika di Wikimedia Commons- Charcoal and other antique irons from the White River Valley Museum
- Antique Irons from the Virtual Museum of Textile Arts
- The Official Site of Radomysl Castle Archived 2020-08-14 di Wayback Machine.
