Serimbang
Serimbang adolah namo sabuah tarian masyarakaik Tempilang dari Provinsi Kepulauan Bangka Belitung nan digunoan untuak manyambuik tamu kahormatan.Tari Serimbang marupoan panggambaran salah satu jinih buruang Cebuk. Katiko buruang iko bakicau atau manggerakkan badannyo, buruang-buruang lain ikuik bakicau di sakalilingnyo, saakan-akan tatariak dek dayo pikek buruang Cebuk iko.[1] Istilah Serimbang diambiak dari kato "seri/sri" jo "mbang". Dalam bahaso Tempilang, buruang Cebuk sarupo "seri" atau permaisuri (ratu), nan disabuik sabagai tokoh utamo dan "mbang" barasa dari akhiran kato "tembang", nan bararti lantunan (irama) nyanyian katiko patunjuakan tari iko. Tembang tasabuik barupo pantun nan disasuaikan dengan tema acara nan sadang balangsung. Contoh pantun nan diucapkan saurang dukun pado katiko upacara adat adolah sarupo barikuik iko, "Gendang panjang, gendang Tempilang. Gendang disambit, kulet belulang. Tari kami tari Serimbang, Tari untuk nyambut, tamu yang datang pada perang ketupat".[2]
Jadi, Serimbang dapek diartikan sabagai irama nan mangiriangi garakan nan rancak, dipersembahkan kapado permaisuri atau rajo, dan untuak kondisi katiko kini tapeknyo dipasambahkan kapado tamu agung. Tari Serimbang digunoan untuak manyambuik kadatangan tamu agung/pembesar negara nan bakunjuang ka Desa Tempilang.[3]
Kisah suntiang
Tarian iko mancaritoan saikua buruang malam (burung Cebuk) nan hinggok di ateh sabatang batnag kayu di dakek rumah panduduak, pado suatu siang nan cerah. Kamudian, datang buruang-buruang lainnyo mangarumuni buruang malam tasabuik dengan mangapakkan sayoknyo sarato kapalo manunduak dan takadang tagak nan diiriangi dek suaro hiruak pikuak, saakan-akan bagembira manyambuik kadatangan burung malam tasabuik. Masyarakaik Tempilang manganggap bahwasanyo buruang malam atau burung hantu tasabuik sabagai Dewi Sri, yaitu tamu agung.[3]
Sijarah jo pakambangan suntiang
Tari Serimbang lahia di masyarakaik padesaan nan masih sangaik manjago adaik tradisi daerah satampek. Tarian iko alah ado sajak abaik ka-17 atau sakitar 1670-1680 sabagai tari untuak manyambuik pahlawan Tempilang nan pulang sasudah malakukan paparangan tahadok lanun atau para parompak.[4] Salain itu, tarian Serimbang dapek pulo dipatunjuakan sabagai hiburan untuak pahlawan nan gagal dalam paparangan malawan panjajah.[1] katiko maso kini, Tari Serimbang alah manjadi bagian dari upacara Parang Katupek nan disalanggaroan sa tahun sakali, sabagai panyambutan datangnyo bulan suci Ramadhan. Di sampiang itu, Serimbang digunoan pado babagai kagiatan masyarakaik, nan barupo kagiatan sosial, panyambutan tamu, panikahan, dakwah pandidikan sarato hiburan masyarakaik.
Kapercayaan suntiang
Tari Serimbang dipacayo manjadi tari penghantar dalam malam sasajenan, pado upacara adaik Taber (malaruang parahu ketek ka lauik nan di dalamnyo barisi sesajen). Masyarakaik satampek pacayo bahwasanyo Tari Serimbang adolah salah satu media untuak mangundang leluhur supayo ikuik sarato basamo-samo dalam prosesi raso syukur ateh hasi lauik nan ditarimo. Masyarakaik pun mayakini tarian iko dapek manjadi panghubuang antaro dunia profan (tidak suci) jo sakral (suci) pado ritual dalam upacara Parang Katupek.
Tari Serimbang dipandang sakral, sahinggo para panarinyo adolah gadih-gadih nan masih suci. Caro manarikannyo adolah dengan manggarakkan tangan jo pinggul dengan garak nan lamah gemulai nan manggambarkan sakawanan buruang sarimbang nan sadang tabang di ateh awan.[5] Karano kasakralannyo, tari iko indak ditarikan untuak sambarang kasempatan. Kadudukan tari Serimbang adolah bagian dari konsepsi budaya Tempilang, sahinggo hanyo bakambang dan dikatahui dek masyarakaik Tempilang.[4]
Rujuakan suntiang
- ↑ a b Bandung, Perpustakaan ISBI. "Perpustakaan ISBI Bandung". perpustakaan.isbi.ac.id. Diakses tanggal 2019-04-02.
- ↑ "Mengintip Kentalnya Aroma Mistis Perang Ketupat Tempilang, sang Dukun pun Tiba-Tiba Kesurupan". Bangka Pos (dalam bahasa Indonesia). Diakses tanggal 2019-04-02.
- ↑ a b "Tari Serimbang Ditetapkan sebagai Warisan Budaya Takbenda". babelreview.co.id (dalam bahasa Indonesia). 2018-10-25. Diarsipkan dari versi asli tanggal 2019-04-02. Diakses tanggal 2019-04-02.
- ↑ a b Paluseri, Dais D.; Putra, Shakti A.; Hutama, Hendra S.; Hidayat, Moechtar; Putri, Ririn A. (2018). Penetapan Warisan Budaya Takbenda Indonesia Tahun 2018. Jakarta: Kementerian Pendidikan dan Kebudayaan. p. 57-58. https://warisanbudaya.kemdikbud.go.id/dashboard/media/Buku%20Penetapan%20WBTb%202018.pdf?utm_source=Misi+1&utm_campaign=abe9bdd185-EMAIL_CAMPAIGN_2019_03_11_11_25&utm_medium=email&utm_term=0_36dc46f689-abe9bdd185-303652529.
- ↑ "Tari Serimbang - Wadaya". wadaya.rey1024.com (dalam bahasa Inggris). Diakses tanggal 2019-04-02.