Sergio Agüero
Sergio Leonel "Kun" Agüero del Castillo (lahia di Quilmes, Argentina, 2 Juni 1988; umua 31 tahun) adolah pamain sipak bola bakabangsaan Argentina nan bamain sabagai Striker untuak Manchester City di Liga Primer Inggris jo tim nasional Argentina.
Agüero bamain untuak Independiente sajak tahun 2003 hinggo tahun 2006. Agüero mancetak rekor sabagai pamain sipak bola paliang mudo dalam sijarah Primera División Argentina katiko diturunan Independiente malawan San Lorenzo pado umua 15 tahun 35 hari pado 7 Juli 2003.[1]
Agüero nan mamiliki panggilan akrab iko, basamo Lionel Messi dianggok publik dunia sabagai titisan dari Diego Maradona. Namonyo samakin tanamo katiko mambaok timnas Argentina U-20 sabagai juara Piala Dunia FIFA U-20 2005, Piala Dunia FIFA U-20 2007 dan juo medali ameh bagi Argentina pado Olimpiade Beijing 2008. Prestasi tasabuik mambuek namonyo masuak ka dalam skuat timnas senior Argentina dan bamain pado Piala Dunia FIFA 2010 jo Copa América 2011.[2]
Karier Klub suntiang
Agüero mamulai kariernyo basamo Independiente pado 2003. Tahun 2006, inyo bagabuang jo Atletico Madrid hinggo tahun 2011. Pado bulan Juli 2011, Agüero bagabuang ka Manchester City.
Manchester City suntiang
Musim 2011–12 suntiang
Pado 28 Juli 2011, Manchester City mangonfirmasi panekanan kontrak durasi limo tahun dek Agüero.[3] Dilaporkan bahwa biaya nan dikaluaan City untuak mandapekannyo sakitar £38 juta (€45 juta, $60 juta).[4][5][6] Agüero manjalani debutnyo untuak City pado 15 Agustus 2011 katiko manang 4–0 malawan Swansea City di ajang Liga Primer Inggris. Agüero masuak sabagai pamain pangganti pado minik 59 dan sambilan minik kamudian inyo langsuang mancetak gol patamonyo bagi klub. Inyo juo maagiah sabuah assist untuak David Silva dan malangkoki pentas debutnyo jo gol kaduonyo pado injury time.[7] 30 menit debutnyo tasabuik mandapek ulasan bagus dari para jurnalis sipak bola dan manyabuiknyo sabagai salah satu debut terbaik di persepak bolaan Inggris.[8][9][10] Inyo mancetak hat-trick patamonyo di Liga Primer ka jala Wigan Athletic. Pada 1 November, Agüero masuak dalam daftar namo calon pamanang FIFA Ballon d'Or.
Sapanjang musim debutnyo, Agüero taruih maagiah kontribusi bagi klub jo sumbangan golnyo di babagai patandiangan sampai manembus angko 20. Pado 4 Mei, Agüero dinobatkan sabagai Pamain Terbaik Manchester City musim tasabuik dan gol patamonyo katiko manang 6–1 malawan Norwich juo dinobatkan sabagai "Goal of the Season".[11]
- Patandiangan panantuan di akhia musim - Manchester City 3-2 QPR
Musim 2014-2015 suntiang
Sergio Aguero resmi dinobatkan sabagai pancetak gol paliang subua di Liga Inggirih musim iko.Inyo sukses maraih Premier League Golden Boot untuak musim 2014-15 satalah mangakhiri musim iko jo manorehkan catatan sabanyak 26 gol. Indak ado striker lain satupun nan mampu manyamoi torehan gol Aguero sampai musim iko barakhia.
Rujuakan suntiang
- ↑ "The rise of Sergio Aguero". BBC Sport.
- ↑ "The Rise of Sergio Aguero". BBC Sport. Diakses tanggal 25 March 2009.
- ↑ "Sergio Aguero joins Manchester City". 27 July 2011. Diarsipkan dari versi asli tanggal 7 August 2011. Diakses tanggal 26 January 2020.
- ↑ "[[Manchester City F.C.|Manchester City]]". Konflik URL–wikilink (bantuan)
- ↑ "Manchester City move 'felt right' says Sergio Aguero".
- ↑ "£85m Aguero! Man City complete amazing deal to land Argentina striker".
- ↑ "Man City versus Swansea Premier League match report – Manchester City FC". Mcfc.co.uk. 15 August 2011. Diarsipkan dari versi asli tanggal 21 August 2011. Diakses tanggal 24 August 2011.
- ↑ "£38million Manchester City striker Sergio Aguero: from the gutter to the stars".
- ↑ "Top 20 greatest football debuts". uk.eurosport.yahoo.com.
- ↑ "Top 10 debuts in football to rival Manchester City's Sergio Agüero's".
- ↑ "Aguero voted Manchester City Player of the Year". Goal.com. 4 May 2012. Diakses tanggal 12 June 2012.