Sepakat

Sepakat adolah koran atau surek kaba yang mamicu samangek nasionalisme dan tabik di Bandung pado saat perang dunia kaduo, tapeknyo pado Selasa 1 April 1941. Biasonyo judul-judul laporan utamo Harian Sepakat mampunyoi ciri tema luar nagari yang biasonyo tentang Perang Dunia Kaduo. Nasionalisme dari surek kaba Harian Sepakat kian menguat saat hampia sapanjang 1941 mangaluaan berita saputa PD II. Tema lokal yang diambiak Harian Sepakat pun biasonyo masih tentang persatuan, misalnyo tentang rapek tahunan XXV Paguyuban Pasundan di Bandung.

Penghormatan Harian Sepakat Kapado Jasa Paguyuban

Harian Sepakat manyambuik rapek iko bukan karano diadokan di Bandung, tapi labiah atas penghormatan jasa Paguyuban. Pado edisi Kamis, 10 April 1941, Harian Sepakat manulis bahwa Paguyuban Pasundan layak mamparoleh penghargaan: "Soeatoe perkoempoelan jang berangan-angan federatif, dan soenggoh mengendahkan angan-angan, perasaan cultuur sedaerah-daerahnja, oentoek pembentoekan soesoenan masyarakat kita, wadjib mendapat penghargaan jang sepantas-nya dibangsa Indonesia."

Salamo tigo hari baturuik-turuik, sabalum jo sasudah rapat berlangsung, Harian Sepakat malaporkan rapat Paguyuban Pasundan. Pado edisi Sabtu, 12 April, hasil rapek disajikan oleh Harian Sepakat jo judul "Pidato Ketua Pasundan dalam Rapat Tahunan: Ratu Adil Joko Lodang". Tadapek 13 dasar berdirinyo Paguyuban Pasundan, yaitu:

1. Kemakmuran masyarakat harus salareh dengan kemakmuran seseorang. Suatu bangso tak akan dapek disabuik makmur kalau indak sampai di sagalo lapisan masyarakatnyo.
2. Kemakmuran bangso harus disusun oleh pamarintah surang.
3. Daya upayo untuk manyusun kemakmuran itu harus bakarajo giat. Masyarakat mampunyoi hak untuak manggunokan tanago anggota masyarakat.
4. Seseorang anggota masyarakat bukan hanyo mampunyoi hak akan, tapi punyo kewajiban pulo.
5. Kaum ibu samo haknyo samo kaum bapak.
6. Urang yang labiah caidak, kuek mampunyoi tanggungan yang labiah gadang.
7. Kebanggaan karajo indak ditentukan dengan gadangnyo buruh, tapi lamonyo dan susahnyo karajo tersebut.
8. Menghendaki kemakmuran itu, indak untuk samantaro tapi salamonyo.
9. Tiok-tiok anggota masyarakat diagiah kesempatan jo kuaso untuak mangambangkan kapandaiannyo yang baguno bagi masyarakat.
10. Majunyo teknik kito dapek mampagunokannyo, hanyo masyarakat indak majadi budak-budak teknik.
11. Pemerintah mambagi hasil tanago itu, pado tampek yang alah ditetapkan.
12. Tiok urang merdeka untuak mampagunokan hak pambagiannyo yang alah ditarimo.
13. Pamarintah yang paralu pamakai barang bahan harus dapek maagiah pangganti bahan itu. Pangaluaran dan pamasuakan barang, pamarintah yang mangatur.

Dasar-dasar di ateh marujuak pado hak tiok bangsa untuak manatukan nasib surang, satali tigo pitih dengan karakter Harian Sepakat, yaitu kesadaran bangso Indonesia akan kemerdekaan. PD II, selain up to date, diyakini mampu mamompa nasionalisme Indonesia. Artikel dari Harian Sepakat biasonyo manganduang maksud marangsang tumbuahnyo kesadaran mamikiaan kelanjutan dunia kamudian hari, tamasuak nasib Indonesia.