Sempidan kalimantan

Sempidan kalimantan
Sempidan Kalimantan, Lophura bulweri
spesimen jantan
Conservation status
Klasifikasi ilmiah
Kingdom: Animalia
Phylum: Chordata
Class: Aves
Order: Galliformes
Family: Phasianidae
Subfamily: Phasianinae
Genus: Lophura
Species: L. bulweri
Namo binomial
Lophura bulweri
(Sharpe, 1874)

Sempidan kalimantan (Lophura bulweri) atau dikana juo jo namo Beleang Bulwor adolah buruang dari Asia Tenggara dalam kaluarga Phasianidae, hewan ko marupoan endemik hutan rimbo dari pulau Kalimantan. Kini ko tadaftar sabagai Rentan dek IUCN.

Karakteristik suntiang

Burung iko mamiliki ciri-ciri dimorfisme seksual. Jantannyo mamiliki total panjang sakitar 80 sentimeter (31 in), jo babulu itam sarato mamiliki dado bawarna sirah marun, kaki sirah, ikua panjang putiah murni, bulu malangkuang, jo kulik wajah bawarna biru tarang jo duo pial nan manyuruikan sisi-sisi kapalonyo. Batino mamiliki total panjang sakitar 55 sentimeter (22 in), jo kasaluruahannyo bawarna coklat kusam jo kaki bawrna sirah jo kulik muko bawarna biru.

Distribusi dan habitat suntiang

Sempidan Kalimantan adolah hewan endemik Pulau Kalimantan. Samantaro spesies iko sacaro lokal biaso ditamui di kawasan nan talindung (misalnya Taman Nasional Kayan Mentarang, Kalimantan Timur), mereka jarang ditamukan di tampek lain. Burung iko mandiami bukik jo wilayah bawah hutan pagunuangan tropis, candaruang mamiliah hutan hujan dataran tinggi nan jarang mangunjuangi dataran randah di bawah katinggian 300 meter (980 kaki). Makanannyo tautamo tadiri dari buah-buahan, cacing, jo saranggo.

Status suntiang

Buruang ko tadaftar sabagai Rentan dalam daftar IUCN karano populasi manurun drastis. Alasan utamo panurunan iko adolah kahilangan habitat fragmentasi akibaik kabakaran jo panabangan hutan komersial. Paburuan lokal dianggap juo bisa marusak populasi buruang iko. Salanjuiknyo, program panangkaran nan batujuan untuak malestarian spesies iko indak banyak nan bahasil.[1]

Panangkaran suntiang

Spesies iko sangaik jarang ado di kabun binatang. Satu-satunyo kabun binatang di lua nagari nan mamilikinyo adolah San Diego Zoo nan manyimpan sapasang buruang ko. Walsrode Bird Park di Jerman maambiaknyo baru-baru iko pado tahun 2003, jo kabun binatang Antwerp Zoo, Belgia, alah mantaranakan burung iko. Antwerp Zoo alah berhasil jo banyak buruang dari genus Lophura.

Referensi suntiang

  1. Roach J. Vanishing Borneo Pheasants Look Great but Won't Mate National Geogrpahic News. April 2005